Դաս 42. Վարդապետություն և Ուխտեր 27–28

Վարդապետություն և Ուխտեր 27․15–18

«Ձեզ վրա վերցրեք Իմ ողջ սպառազինությունը»

Աստծո հրեշտակից Ջոզեֆի ստացած ուղերձում Ջոզեֆին ուսուցանվեց այն մասին, թե ինչպես Սրբերը կարող են ավելի մեծ պաշտպանություն ստանալ Հիսուս Քրիստոսից: Այս դասի նպատակն է օգնել ուսանողներին հասկանալ, թե ինչպես Փրկիչը կարող է պաշտպանել մեզ այն ուղիներից, որոնցով Սատանան փորձում է գայթակղել և հուսահատեցնել մեզ:

Հնարավոր ուսումնական վարժություններ

Հակառակորդի հարձակումները

Ուսանողներից յուրաքանչյուրին տվեք թղթի մի փոքր թերթ։ Առաջարկեք ուսանողներին գրել թղթի վրա, թե ինչպես է հակառակորդը գայթակղում կամ փորձում հուսահատեցնել երիտասարդներին: Այնուհետև առաջարկեք նրանց ճմրթել թուղթը՝ դարձնելով գնդակ: Առաջարկեք որևէ ուսանողի կանգնել դասասենյակի առջևի մասում և փորձել խույս տալ կամ հետ մղել թղթե գնդակը, երբ մյուս ուսանողները նետեն այդ թղթե գնդակն իր վրա:

Առաջարկեք ուսանողներին գալ սենյակի առջևի մաս, հարթեցնել ճմրթած թղթերը և կիսվել դրանց վրա գրվածով: Դասարանին խնդրեք նշել, թե ինչպես են իրենք այսօր զգում այդ գայթակղությունները կամ հարձակումները:

• Ի՞նչ կարող եք անել այս հարձակումներից պաշտպանվելու համար:

Փնտրեք Սուրբ Հոգու առաջնորդությունը, երբ խորհում եք ձեզ հանդիպած գայթակղությունների և հուսահատությունների մասին: Խորհեք, թե ինչպես է Տերն օգնել ձեզ հաղթահարել դրանք: Ինչպե՞ս եք դուք դեռևս պայքարում և Փրկչի ինչպիսի՞ օգնության կարիք ունեք: Երբ ուսումնասիրեք Վարդապետություն և Ուխտեր 27 գլուխը, փնտրեք ճշմարտություններ և ոգեշնչում, որոնք կօգնեն ձեզ։

Աստծո ողջ սպառազինությունը

Հաղորդության մասին Ջոզեֆ Սմիթին ուղղված Իր խոսքերից հետո (տես Վարդապետություն և Ուխտեր 27․1–4), Փրկիչը խոստացավ, որ Նա կվերադառնա երկիր և կճաշակի հաղորդությունը Իր հետևորդների հետ (տես Վարդապետություն և Ուխտեր 27․5–14)։ Այնուհետև Փրկիչն ուսուցանեց, թե ինչպես Սրբերը կարող են հոգևորապես պաշտպանված լինել Սատանայի զորությունից «մինչև ես գամ, և դուք վեր կհափշտակվեք, որ ուր որ ես եմ, դուք էլ լինեք» (Վարդապետություն և Ուխտեր 27.18)։

Կարդացեք Վարդապետություն և Ուխտեր 27․15–18 հատվածները և փնտրեք, թե ինչպես կարող եք ստանալ Փրկչի պաշտպանությունը հակառակորդի դեմ:

Ուսանողներին առաջարկեք կիսվել իրենց գտածով: Անհրաժեշտության դեպքում օգնեք նրանց հասկանալ, որ եթե մենք մեզ վրա վերցնենք Փրկչի ողջ սպառազինությունը՝ կզորանանք դիմակայելու չարին։ Օգնեք ուսանողներին վերլուծել այս ճշմարտությունը: Դա կարող եք անել՝ ուսանողներին տալով հետևյալ հարցերից մի քանիսը։

• Ձեր կարծիքով, ինչո՞ւ է Փրկիչը համեմատում Իր օգնությունն ու պաշտպանությունը սպառազինության հետ:

• Ձեր կարծիքով ի՞նչ է նշանակում «կանգուն մնալ» (տես 15–16 հատվածները)։

• Ձեր կարծիքով, ինչո՞ւ է Տերն ընդգծում Իր «ողջ սպառազինությունը»:

  Առաջարկեք ուսանողներին նշել «իմ ողջ սպառազինությունը» արտահայտությունը հատված 15-ում: Ուսանողները կարող են պատկերացնել, որ իրենք պետք է գնան պատերազմի, բայց չունեն սպառազինություն: Ինչ-որ մեկը, ով կռվել և հաջողության է հասել բազմաթիվ պատերազմներում, իրենց սպառազինություն է տվել՝ պաշտպանվելու համար և պատրաստ է կռվել իրենց հետ միասին:

• Ի՞նչ կզգաք այս մարդու հանդեպ:

• Ինչո՞վ է այս իրավիճակը նման նրան, ինչ Փրկիչն է անում մեզ համար:

Փրկչի պաշտպանությունն ու օգնությունը

Պողոս առաքյալը գրել է. «Զգեստավորվե՛ք Տեր Հիսուս Քրիստոսով» (Հռովմեացիս 13.14)։ Վարդապետություն և Ուխտեր 27 գլխում նշված զանազան զրահները (տես նաև Եփեսացիս 6.11–18 հատվածները) կարող են խորհրդանշել այն եղանակները, որոնցով Փրկիչը կարող է պաշտպանել մեզ խաբեությունից, ամբարշտությունից, խառնաշփոթից և կասկածից, որոնք շրջապատում են մեզ: Նա առաջարկում է մեզ այդ պաշտպանությունը, երբ մենք գալիս ենք դեպի Իրեն:

Ուսանողներին տվեք ուղեկցող աշխատաթերթը: Նրանք կարող են լրացնել այն անհատապես կամ փոքր խմբերով: Խմբի յուրաքանչյուր անդամ կարող է ընտրել սպառազինության մի քանի մաս՝ դրանց վրա կենտրոնանալու համար: Եթե ուսանողները ցանկանան, նրանք կարող են նկարել որևէ բան, որը խորհրդանշում է սպառազինություն կամ պաշտպանություն, օրինակ՝ սաղավարտ, լանջապանակ կամ վահան և պիտակել այն «Հիսուս Քրիստոսի պաշտպանությունն ու օգնությունը»։ Այնուհետև նրանք կարող են գրել իրենց պատասխանները դրա շուրջ:

«ձեր վրա վերցրեք իմ ողջ սպառազինությունը» (Վարդապետություն և Ուխտեր 27․15)

Ստորև բերված սպառազինության յուրաքանչյուր մասի վերաբերյալ կարդացեք սուրբգրային հատվածները՝ փնտրելով, թե ինչո՞ւ է Փրկիչը նման սպառազինության: Ապա պատասխանեք հետևյալ հարցերին.

• Ի՞նչ գաղափարներ եք ձեռք բերում Փրկչի մասին՝ կատարելով այս համեմատությունը:

• Ինչո՞ւ դա կարող է խթանել, որ դուք ցանկանաք գալ դեպի Նա՝ հենց հիմա ձեր կյանքում պաշտպանության ստանալու համար:

«Մեջքը ճշմարտությամբ գոտևորած» (Վարդապետություն և Ուխտեր 27․16)

Հովհաննես 14․6

Վարդապետություն և Ուխտեր 88․6

Մովսես 1․6

«Արդարության լանջապանակը» (Վարդապետություն և Ուխտեր 27․16)

Եսայիա 59․16–17 (միջամտող բառը վերաբերում է մեկին, ով անում է այն, ինչ ուրիշները չեն կարողանում անել իրենց համար)

2 Նեփի 4․33

Փիլիպպեցիս 3․9

«Ոտքերը խաղաղության ավետարանի պատրաստությամբ պատած» (Վարդապետություն և Ուխտեր 27.16)։

Եսայիա 9․6

Մոսիա 15․18

«Հավատքի վահանը» (Վարդապետություն և Ուխտեր 27․17)

Մորոնի 7.33

Սաղմոս 28․7

«Փրկության սաղավարտը» (Վարդապետություն և Ուխտեր 27․18)

Մոսիա 3.17

Եբրայեցիս 5․9

«Հոգու սուրը», որը Աստծո խոսքն է (Վարդապետություն եվ Ուխտեր 27․18)

1 Նեփի 15.24

Հելաման 3.29–30:

© 2023 by Intellectual Reserve, Inc. All rights reserved.

Երբ ուսանողներն ավարտեն, խնդրեք նրանց կիսվել իրենց մտքերով և փորձառություններով այն տարբեր եղանակների մասին, որոնցով Փրկիչը կարող է օգնել և պաշտպանել իրենց: Կարող եք կիսվել նաև ձեր սեփական մտքերով ու փորձառություններով:

Հագեք Իր ողջ սպառազինությունը

Կարող եք ուսանողներին հիշեցնել, որ այս հայտնությունը սկսվեց երկնային սուրհանդակի միջոցով, որը հայտնեց հաղորդության մասին Փրկչի ուսմունքները և երկիր վերադառնալու և Իր հետևորդների հետ հաղորդությունը ճաշակելու Փրկչի խոստումը (տես Վարդապետություն և Ուխտեր 27․1–14)։ Սա հուշում է, որ Փրկչին հիշելը և հաղորդության միջոցով Նրա հետ ուխտեր կապելը կարող է լինել հզոր միջոց, որը Տերը պատրաստել է մեզ համար՝ հագնելու Իր ողջ սպառազինությունը և «հավատարիմ լինելու մինչև [Նա գա]» (Վարդապետություն և Ուխտեր 27.18)։

• Ինչպե՞ս կարող է հաղորդությունը հզոր միջոց լինել՝ մեր կյանք հրավիրելու Փրկչի օգնությունն ու պաշտպանությունը (Նրա ողջ սպառազինությունը):

Վերադարձեք դասի սկզբում ճմրթված ու նետված թղթերին։ Կարդացեք դրանցից մի քանիսը և առաջարկեք ուսանողներին կիսվել՝ ելնելով այն ամենից, ինչ նրանք այսօր սովորեցին, թե ինչպես Փրկիչը կարող է օգնել մեկին, ով բախվում է այդ գայթակղությանը կամ հուսահատությանը: Նրանք կարող են նաև պատմել, թե ինչպես որևէ մարդ կարող է դիմել Տիրոջը՝ ստանալու Նրա օգնությունն իր կյանքում:

Օժանդակ նյութեր

Որո՞նք են այն եղանակները, որոնցով մենք կարող ենք հագնել Փրկչի սպառազինությունը:

Յոթանասունից երեց Ջ. Դևն Քորնիշը նշել է, թե ինչպես կարող է աղոթքն օգնել մեզ հագնել Աստծո սպառազինությունը.

Մեր աղոթքներում մենք կարող ենք սկսել Աստծո ողջ սպառազինությունը հագնելու պաշտպանական գործընթացը (տես Եփեսացիս 6․11, Վև&Ու 27.15)՝ սպասելով գալիք օրվան և օգնություն խնդրելով՝ պաշտպանվելու երբեմն վախեցնող բաներից, որոնց մենք կարող ենք բախվել: Իմ ընկերներ, խնդրում եմ, մի մոռացեք խնդրել Տիրոջը պաշտպանել ձեզ և լինել ձեզ հետ: (Ջ. Դևն Քորնիշ, «Աղոթքի արտոնությունը», Լիահոնա, նոյեմբեր 2011, 102)

Յոթանասունից երեց Լ. Ուիթնի Քլեյթոնը կիսվել է հետևյալ գաղափարներով․

Տեր Հիսուս Քրիստոսի հանդեպ հավատք զարգացնելը քայլ առ քայլ, տող առ տող և ցուցում առ ցուցում գործընթաց է: Մենք խթանում ենք մեր հավատքի զորացման գործընթացը, երբ անում ենք այն, ինչ ճիշտ է. դրան միշտ հաջորդում է հավատքի մեծացումը: Եթե մենք ամեն օր գործադրում ենք մեր հավատքը՝ աղոթքով, ուսումնասիրությամբ և հնազանդությամբ, Փրկիչն օգնում է հաղթահարել մեր անհավատությունը, և մեր հավատքը դառնում է վահան՝ «հանգցնելու ամբարիշտների բոլոր կրակոտ նետերը» [Վարդապետություն և Ուխտեր 27.17]։ Ալման ուսուցանել է, որ մենք կարող ենք «դիմակայել սատանայի բոլոր գայթակղություններին՝ Տեր Հիսուս Քրիստոսի հանդեպ [մեր] հավատքի միջոցով» [Ալմա 37.33]։ Այնուամենայնիվ, մենք չենք կարող անտեսել կամ մերժել հավատքի հիմնական բաղադրիչները և ապա ակնկալել, որ առատ բերք կհավաքենք: (Լ. Ուիթնի Քլեյթոն «Օգնիր հաղթահարել իմ անհավատությունը», նոյեմբեր 2001 թ․, 29)

Դիտեք «Այո, մենք կարող ենք և կհաղթենք» տեսանյութի 6:56-ից մինչև 7:52-ը հատվածը և տեսեք՝ ինչպես է Տասներկու Առաքյալների Քվորումից երեց Ուլիսես Սոարեսը բացատրում, թե ինչպես կարող է վկայությունը լինել Փրկչի սպառազինությունը հագնելու միջոց:

Օժանդակ ուսումնական վարժություններ

Դասը սկսելու այլընտրանքային եղանակ

Ցույց տվեք ջրային մարտի, բռնցքամարտի և պատերազմի նկարներ: Առաջարկեք ուսանողներին կիսվել, թե ինչպես իրենք տարբեր կերպ կարող են պատրաստվել այս մարտերից յուրաքանչյուրին՝ և ինչու այդ կերպ: Ի՞նչ դժվարություններ նրանք կարող ենք ունենալ այս մարտերից յուրաքանչյուրի դեպքում։ Ի՞նչ մտահոգություններ կարող ենք ունենալ նրանք։

Այնուհետև առաջարկեք նրանց դիտարկել պատերազմի հետ հոգևոր զուգահեռները:

Ի՞նչ պատերազմի մեջ ենք մենք բոլորս ներգրավված: Ի՞նչ դժվարությունների են ուսանողները բախվում: Ի՞նչ մտահոգություններ ունեն նրանք: Տեղեկացրեք նրանց, որ այս դասում Փրկչի խոսքերը կուսուցանեն, թե ինչպես դիմակայել չարի դեմ մարտերում: Փնտրեք ճշմարտություններ և խորհուրդներ, որոնք կարող են օգնել ձեզ Սատանայի դեմ ձեր հոգևոր մարտերում:

Ինչպես կարող ենք հագնել ողջ սպառազինությունը

Հասկանալու համար, թե ինչպես հագնել Փրկչի ողջ սպառազինությունը, ուսանողները կարող են կարդալ Վարդապետություն և Ուխտեր 27.15–18 հատվածները և նկարել ու պիտակել սպառազինության յուրաքանչյուր մասը: Ուսանողները կարող են խորհել, թե ինչ է խորհրդանշում զրահի յուրաքանչյուր մասը: Օրինակ, սաղավարտը կարող է խորհրդանշել մեր մտքերի պաշտպանությունը: Այնուհետև ուսանողները կարող են ընտրել սպառազինության մասերից մեկը կամ երկուսը և օգտագործել տրված սուրբ գրությունները՝ Փրկչի սպառազինության այդ մասը հագնելու եղանակներ գտնելու համար:

• Փրկության սաղավարտը․ մեր մտքերը—Փիլիպպեցիս 4․8, 2 Նեփի 9․39, Մոսիա 4․30, Վարդապետություն և Ուխտեր 6․36

• Արդարության լանջապանակը․ մեր սիրտը—Մատթեոս 22․37–39, 2 Նեփի 31․13, Ալմա 5․14

• Ոտնամանները․ մեր նպատակները կամ կյանքի ուղղությունը—Աբրահամ 3․25, 2 Նեփի 31․20, 3 Նեփի 27․27, Մորոնի 7․47–48, Վարդապետություն և Ուխտեր 11․20

• Մեջքը ճշմարտությամբ գոտևորած․ առաքինություն—Ա Կորնթացիս 6․18–20, Ալմա 39․9, Վարդապետություն և Ուխտեր 63․16, Հավատո Հանգանակ 1․13

• Հավատքի վահանը—2 Նեփի 9․23, Եթեր 12․6, Մորոնի 7․26

• Հոգու սուրը․ Աստծո խոսքը—2 Նեփի 31․20, 32․3, Ալմա 32․28–29, Վարդապետություն և Ուխտեր 84․44–45

Իրենց ուսումնասիրությունից հետո ուսանողները կարող են կիսվել, թե իրենց հայտնաբերած գործողություններն ինչպես են օգնել կամ կարող են օգնել իրենց մոտ մնալ Փրկչին և հագնել Նրա սպառազինությունը:

Գործնական կիրառման վարժություն

Որպեսզի ուսանողները տեսնեն, թե ինչպես կիրառել Աստծո սպառազինության մասին իրենց բացահայտած ճշմարտությունները, առաջարկեք նրանց դիտարկել հետևյալ սցենարները (կամ այլ սցենարներ, որտեղ երիտասարդները կարող են բախվել գայթակղությունների): Առաջարկեք ուսանողներին քննարկել կոնկրետ եղանակներ, թե այս երիտասարդներից յուրաքանչյուրն ինչպես կարող է հագնել Փրկչի ողջ սպառազինությունը: Ինչպե՞ս կարող է դա օգնել նրանց զորանալ Հիսուս Քրիստոսով:

Սամանթան հաճախ է ճնշման ենթարկվում իր հասակակիցների կողմից, որպեսզի թմրանյութեր և ալկոհոլ օգտագործի:

Ֆրանկլինին հաճախ ծաղրում են այն բանի համար, որ նա պահպանում է մաքրաբարոյության օրենքը: Նա երբեմն մտածում է, արդյո՞ք արժե շարունակել հավատարիմ մնալ:

Նատալիայի դպրոցական հանձնարարությունները պահանջում են, որ նա շատ ժամանակ անցկացնի համակարգչի առաջ: Նա հաճախ ժամանակ է վատնում սոցիալական ցանցերում, խաղեր է խաղում և իր սարքով պոռնոգրաֆիա է դիտում: