“Lēsoni 59—Tokāteline mo e Ngaahi Fuakava 45:9–75: Konga 1: Ngaahi Fakaʻilonga Kimuʻa ʻi he Hāʻele ʻAnga Ua Mai ʻa Sīsū Kalaisí,” Tokāteline mo e Ngaahi Fuakava – Tohi Lēsoni ʻa e Faiako Seminelí (2025)
“Tokāteline mo e Ngaahi Fuakava 45:9–75, Konga 1,” Tokāteline mo e Ngaahi Fuakava – Tohi Lēsoni ʻa e Faiako Seminelí
Lēsoni 59: Tokāteline mo e Ngaahi Fuakava 45
Tokāteline mo e Ngaahi Fuakava 45:9–75, Konga 1
Ngaahi Fakaʻilonga Kimuʻa ʻi he Hāʻele ʻAnga Ua Mai ʻa Sīsū Kalaisí
ʻOku fakamoʻoniʻi ʻe he ngaahi fakaʻilonga takatakai ʻiate kitautolú ʻoku ofi ʻa e Hāʻele ʻAnga Ua Mai ʻa e Fakamoʻuí. ʻOku nāunauʻia ha ngaahi fakaʻilonga ʻe niʻihi, kae fakamamahi ʻa e niʻihi. ʻOku fakataumuʻa ʻa e lēsoni ko ʻení ke tokoni ke mahino lelei ange ki he kau akó ʻa e founga te tau lava ai ʻo maʻu ʻa e melinó ʻi heʻetau vakai ki he ngaahi fakaʻilonga ʻe hoko kimuʻa ʻi he Hāʻele ʻAnga Ua Mai ʻa e Fakamoʻuí.
Ngaahi ʻEkitivitī Ako ʻOku Ala Fakahokó
ʻI hoʻo teuteu mo akoʻi ʻa e lēsoni ko ʻení, manatuʻi ʻe nofotaha ʻa e “Tokāteline mo e Ngaahi Fuakava 45:9–75, Konga 2” ʻi he teuteu ki he Hāʻele ʻAnga Ua Maí. Te ne fakamamafaʻi ʻa e tuʻu ʻi he ngaahi potu toputapú pea mo hono maʻu ʻo e Laumālié ko hotau fakahinohinó (vakai, veesi 32, 57).
Ngaahi Feituʻu Mahuʻingá
Fakaafeʻi ʻa e kau akó ke fakakaukau ki ha feituʻu manakoa ʻoku saiʻia ʻa e ngaahi fāmili ʻi homou feituʻú ke ʻaʻahi ki ai. Kole ki ha tokotaha ʻe loto-fiemālie ke ne tā ha fakatātā ʻo e feituʻu ko iá ʻi he tafaʻaki ʻe taha ʻo e palakipoé. Kole ki ha tokotaha kehe ke ne tā ha fakatātā ʻo e feituʻu ʻoku fakahoko ai hoʻomou seminelí ʻi he tafaʻaki ʻe taha ʻo e palakipoé. Fakaafeʻi ʻa e kau akó ke fakakaukau ki ha founga te nau fakahinohinoʻi ai ha taha ʻoku ʻikai ke maheni mo e feituʻú ke ʻalu mei he feituʻu seminelí ki he feituʻu manakoá. Kole ange ke nau omi ki he palakipoé ʻo tā pe hiki ha ngaahi feituʻu pau ʻe lava ke sio ki ai ʻa e tokotahá ʻi heʻenau fakaofi ki he feituʻu ʻoku nau fakataumuʻa ki aí.
Fakamahinoʻi ange ko e feituʻu kotoa pē ʻoku fakatokangaʻi ʻe he tokotahá ʻi he halá te ne ʻoange kiate kinautolu ha loto-falala lahi ange ʻoku nau ofi ange ki he feituʻu ʻoku nau fakataumuʻa ki aí.
-
ʻOku tatau fēfē nai ʻa e ngaahi feituʻu ko ʻení mo e ngaahi fakaʻilonga ʻe hoko kimuʻa ʻi he Hāʻele ʻAnga Ua Mai ʻa e Fakamoʻuí?
Te ke lava ʻo fetongi ʻa e tuʻuʻanga ʻo e seminelí ʻi he palakipoé ʻaki ʻa e ngaahi lea “Ko hotau kuongá” pea fetongi ʻa e feituʻu manakoá ʻaki ʻa e “Ko e Hāʻele ʻAnga Ua Maí” (pe fakaʻaliʻali ha fakatātā ʻo e Hāʻele ʻAnga Ua Maí).
Fakaafeʻi ʻa e kau akó ke hiki ʻi he palakipoé ha ngaahi fakaʻilonga ʻo e Hāʻele ʻAnga Ua Mai ʻa e Fakamoʻuí ʻoku nau ʻiloʻí. Fakamanatu ange ke ʻoua naʻa nau hohaʻa ki he hokohoko ʻo e ngaahi fakaʻilongá koeʻuhí ʻoku teʻeki ai ke fakahā kakato mai.
-
Ko e hā ha ngaahi ongo ʻokú ke maʻu ʻi hoʻo fakakaukau ki he Hāʻele ʻAnga Ua Maí?
-
‘Okú ke pehē ko e hā ʻoku finangalo ai ʻa e Fakamoʻuí ke tau ʻilo kau ki he ngaahi fakaʻilonga ko ʻení?
ʻI hoʻo ako ʻi he ʻaho ní, fakakaukau ki he founga ʻe lava ke ʻomi ai ha nonga mo ha ʻamanaki lelei ki hoʻo moʻuí ʻi hono ʻiloʻi ʻa e ngaahi fakaʻilonga ʻo e Hāʻele ʻAnga Ua Mai ʻa e Fakamoʻuí.
Ngaahi fakaʻilonga ʻo e ngaahi kuongá
ʻOku fakaʻaliʻali ʻe he konga lahi ʻo e Tokāteline mo e Ngaahi Fuakava 45 ʻa e malanga fakaepalōfita ʻa e Fakamoʻuí naʻe fai ko e tali ki he ngaahi fehuʻi ʻa ʻEne kau ākongá fekauʻaki mo e ngaahi fakaʻilonga ʻo e Hāʻele ʻAnga Ua Maí (vakai, Mātiu 24; Siosefa Sāmita—Mātiu 1).
Ke tokoni ke mahino ki he kau akó ha niʻihi ʻo e ngaahi fakaʻilonga naʻe akoʻi ʻe he Fakamoʻuí ʻi he vahe 45, fakakaukau ke fakaʻaliʻali ʻa e ʻekitivitī fakatauhoa ko ʻení pe tufa hano tatau. Te ke lava ʻo fakaafeʻi ʻa e kau akó ke ngāue fakafoʻituitui, tauhoa, pe ʻi ha fanga kiʻi kulupu iiki ke fakatauhoa ʻa e ngaahi potufolofolá ki he ngaahi fakaʻilonga ʻoku nau fakamatalaʻí.
Ngaahi Talí: 1-I, 2-F, 3-E, 4-K, 5-H, 6-A
|
Ngaahi Fakaʻilonga ʻo e Hāʻele ʻAnga Ua Mai ʻa e Fakamoʻuí |
Ngaahi Fakaʻilonga ʻo e Hāʻele ʻAnga Ua Mai ʻa e Fakamoʻuí | ||
|---|---|---|---|
Ngaahi Fakaʻilonga ʻo e Hāʻele ʻAnga Ua Mai ʻa e Fakamoʻuí | Ngaahi Fakaʻilonga ʻo e Hāʻele ʻAnga Ua Mai ʻa e Fakamoʻuí
| ||
Ngaahi Fakaʻilonga ʻo e Hāʻele ʻAnga Ua Mai ʻa e Fakamoʻuí | Ngaahi Fakaʻilonga ʻo e Hāʻele ʻAnga Ua Mai ʻa e Fakamoʻuí
| ||
Ngaahi Fakaʻilonga ʻo e Hāʻele ʻAnga Ua Mai ʻa e Fakamoʻuí | Ngaahi Fakaʻilonga ʻo e Hāʻele ʻAnga Ua Mai ʻa e Fakamoʻuí
| ||
Ngaahi Fakaʻilonga ʻo e Hāʻele ʻAnga Ua Mai ʻa e Fakamoʻuí | Ngaahi Fakaʻilonga ʻo e Hāʻele ʻAnga Ua Mai ʻa e Fakamoʻuí
| ||
Ngaahi Fakaʻilonga ʻo e Hāʻele ʻAnga Ua Mai ʻa e Fakamoʻuí | Ngaahi Fakaʻilonga ʻo e Hāʻele ʻAnga Ua Mai ʻa e Fakamoʻuí
| ||
Ngaahi Fakaʻilonga ʻo e Hāʻele ʻAnga Ua Mai ʻa e Fakamoʻuí | Ngaahi Fakaʻilonga ʻo e Hāʻele ʻAnga Ua Mai ʻa e Fakamoʻuí
| ||
Tokanga telia naʻa fakamoleki ha taimi lahi ʻi hono talanoaʻi ʻo e ngaahi fakaʻilongá pe fakamahamahalo fekauʻaki mo honau ʻuhingá pe taimi ʻe hoko aí. ʻOku lahi ha ngaahi fakaʻilonga ʻoku teʻeki fakahā mai, pea he ʻikai fakamoʻoni ʻa e Laumālie Māʻoniʻoní ki he ngaahi fakaʻuhinga halá.
-
Ko e fē ʻi he ngaahi meʻá ni ʻokú ke ongoʻi ʻoku tau sio ki ai ʻi he ʻaho ní?
-
ʻOkú ke pehē ko e hā ka finangalo ai ʻa e Fakamoʻuí ke tau ʻiloʻi fakatouʻosi ʻa e ngaahi fakaʻilonga fakatupu ʻamanakí mo fakahohaʻá?
-
ʻE fakatupulaki fēfē nai hoʻo tui kiate Iá ʻi hono ʻiloʻi naʻe ʻafioʻi ʻe Sīsū ʻa e ngaahi fakaikiiki ko ʻeni fekauʻaki mo hotau kuongá?
Te tau tali fēfē nai ki he ngaahi fakaʻilonga ʻo e Hāʻele ʻAnga Ua Maí?
Lau ʻa e Tokāteline mo e Ngaahi Fuakava 45:35 mo e Siosefa Sāmita—Mātiu 1:23, 39, ʻo kumi ʻa e meʻa ʻoku finangalo ʻa e Fakamoʻuí ke mahino mo ongoʻi ʻe Heʻene kau ākongá fekauʻaki mo e ngaahi fakaʻilonga ʻo ʻEne hāʻele maí.
-
Ko e hā naʻá ke maʻú?
Kapau ʻe fiemaʻu, tokoni ke ʻiloʻi ʻe he kau akó ʻa e moʻoni ko ia ʻi he taimi ʻoku tau mamata ai ki hono fakahoko ʻo e ngaahi fakaʻilonga ʻo e Hāʻele ʻAnga Ua Mai ʻa e Fakamoʻuí, te tau lava ʻo ʻilo ʻoku fakahoko ʻEne ngaahi talaʻofa kiate kitautolú.
-
ʻE tokoni fēfē nai ʻa e mahino ʻo e moʻoni ko iá ke ʻoua te tau puputuʻu ʻi he ngaahi fakaʻilonga kimuʻa ʻi he Hāʻele ʻAnga Ua Maí?
Naʻe akonaki ʻa ʻEletā Tieta F. ʻUkitofa ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:
ʻE kāinga, ʻoku fekauʻi ke tau ako e folofola ʻa e ʻOtuá mo talangofua ki he leʻo ʻo e Laumālié, ke tau lava ʻo “ʻilo ʻa e ngaahi fakaʻilonga ʻo e taimí, mo e ngaahi fakaʻilonga ʻo e hāʻele mai ʻa e Foha ʻo e Tangatá” [Tokāteline mo e Ngaahi Fuakava 68:11].
Ko ia ʻoku ʻikai ke tau taʻe-ʻilo ki he ngaahi faingataʻa ʻo e māmaní, pe ko e ngaahi faingataʻa hotau kuongá. Ka ʻoku ʻikai ʻuhinga ia ke lōmekina ai kitautolu pe niʻihi kehé ʻaki ʻa e ilifiá/nofo tailiilí. ʻIkai nai ʻe lelei ange ke nofotaha ʻi he lelei taʻe-fakangatangatá, angalelei, mo e mālohi lahi ʻo hotau ʻOtuá, falala kiate Ia, mo teuteu ʻaki ha loto-fiefia ki he toe hāʻele mai ʻa Sīsū Kalaisí, pea ʻoua ʻe fakatefito ʻetau tokangá ʻi he fuʻu lahi ʻo e faingataʻá?
ʻI heʻetau hoko ko Hono kakai ʻo e fuakavá, ʻoku fiemaʻu ke ʻoua naʻa lōmekina kitautolu ʻe he ilifiá tokua ʻe hoko ha kovi. Ka ke tau laka atu kimuʻa ʻi he tui, loto-toʻa, loto-ʻaki, mo falala ki he ʻOtuá ʻi heʻetau fehangahangai mo e ngaahi faingataʻa mo e faingamālie ʻoku hanganaki mei muʻá. (Dieter F. Uchtdorf, “ʻOku Tekeʻi ʻa e Manavaheé ʻe he ʻOfa Haohaoá,” Liahona, Mē 2017, 106)
-
Ko e hā ʻoku makehe kiate koe mei he fakamatala ko ʻení?
-
ʻI he kotoa ʻo e ngaahi moveuveu ʻoku hokó pea ʻe hoko ʻi he māmaní, ko e hā ha fakamoʻoni kuó ke mamata ai ko Sīsū Kalaisi ʻoku pulé?
Lau ʻa e talanoa fakatātā naʻe akoʻi ʻe he Fakamoʻuí ʻi he Tokāteline mo e Ngaahi Fuakava 45:36–38. Fakakaukau ki he founga ʻe lava ke tokoniʻi ai kitautolu ʻe he ngaahi lauʻiʻakau ʻo ha fuʻu ʻakau ke tau ʻiloʻi ʻa e taimi ʻo e faʻahitaʻu māfaná.
Te ke lava ʻo huluʻi ʻa e foʻi vitiō “Be Not Troubled” (5:14), ʻoku maʻu ʻi he ChurchofJesusChrist.org, kae ʻoua ʻe lau ʻa e talanoa fakatātaá ChurchofJesusChrist.org.
-
ʻOku tatau fēfē nai ʻa e ʻū lauʻi ʻakau ʻi he talanoa fakatātā ko ʻení mo e ngaahi fakaʻilonga ʻo e ngaahi kuonga kuo foaki mai ʻe he Fakamoʻuí kiate kitautolú?
-
ʻE tokoni fēfē nai ʻa e talanoa fakatātā ko ʻení kiate kinautolu ʻoku moʻui ʻi he ngaahi ʻaho fakaʻosí ke ʻoua ʻe puputuʻú?
Ke tokoni ke fakahaaʻi ʻe he kau akó ʻa e mahino ʻoku nau maʻu ki he tefitoʻi moʻoni naʻe aleaʻi ʻi he lēsoni ko ʻení, fakakaukau ke fakaʻaliʻali ʻa e tūkunga ko ʻení pea fakaafeʻi kinautolu ke nau tali. Pe ko hoʻo fakaafeʻi kinautolu ke ʻomi ha ngaahi fakaikiiki ki he tūkungá, hangē ko e hingoa ʻo e kaungāmeʻá mo e ngaahi meʻa pau ʻe hoko kimuʻa ʻi he Hāʻele ʻAnga Ua Mai ʻa e Fakamoʻuí ʻoku hohaʻa ki ai ha kakai kei talavou tokolahi.
Fakakaukauloto kuo ʻilo ʻe ha kaungāmeʻa ʻa e ngaahi fakaʻilonga fakatupu loto-hohaʻa ʻe hoko kimuʻa ʻi he Hāʻele ʻAnga Ua Mai ʻa e Fakamoʻuí. Koeʻuhí ko ha ngaahi mofuike ofi mai kimui ní, ʻokú ne ongoʻi ʻoku lolotonga hoko ha niʻihi ʻo e ngaahi fakaʻilonga ko ʻení pea ʻoku hohaʻa fekauʻaki mo e meʻa ʻoku teu ke hoko maí. ʻOkú ne hohaʻa ki he founga ʻe uesia ai ʻe he ngaahi meʻa ko ʻení hono kahaʻú.
Fakaafeʻi ʻa e kau akó ke hiki ha faleʻi ki he kaungāmeʻa ko ʻení ʻi heʻenau tohinoá ʻo fakatatau mo e meʻa kuo nau ako ʻi he ʻaho ní. ʻE ala ʻaonga ʻa e ngaahi fehuʻi ko ʻení ʻi hono kamataʻi ʻa e ngaahi tohí.
Pe ko hono aleaʻi tautau toko ua pe fakakulupu iiki ʻe he kau akó ha ngaahi tali ki he tūkungá.
-
Ko e hā ha potufolofola ʻe lava ʻo tokoni ke mahino lelei ange ki ho kaungāmeʻá ʻa e lelei ʻa e Fakamoʻuí mo e ngaahi meʻa ʻe hoko kimuʻa ʻi Heʻene hāʻele maí?
ʻE tokoni ke fakaʻaliʻali ʻa e lea ʻa ʻEletā ʻUkitofa mei he konga kimuʻa ʻo e lēsoní lolotonga e tali ʻa e kau akó ki he fehuʻi ko ʻení.
-
Ko e hā ha ngaahi fakakaukau mei he fakamatala ʻa ʻEletā ʻUkitofá ʻe ala tokoni ki ho kaungāmeʻá? Ko e hā hono ʻuhingá?
-
ʻE tokoniʻi fēfē nai ia ʻi heʻene feinga ke vakai ki he ngaahi fakaʻilongá ʻaki ha fakakaukau ʻoku taʻengatá?
Te ke lava ʻo fakaʻosi ʻaki hano fakaafeʻi ʻa e kau akó ke vahevahe ʻa e ʻamanaki lelei ʻoku nau ongoʻi fekauʻaki mo e Hāʻele ʻAnga Ua Mai ʻa Sīsū Kalaisí.