Սեմինարիա
Դաս 76. Վարդապետություն և Ուխտեր 63․57–64․ Ակնածանք Հիսուս Քրիստոսի սուրբ անվան հանդեպ

«Դաս 76․ Վարդապետություն և Ուխտեր 63․57–64․ Ակնածանք Հիսուս Քրիստոսի սուրբ անվան հանդեպ», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 63․57–64», Վարդապետություն և Ուխտեր․ Սեմինարիայի ուսուցչի ձեռնարկ

Դաս 76. Վարդապետություն և Ուխտեր 60–63

Վարդապետություն և Ուխտեր 63․57–64

Ակնածանք Հիսուս Քրիստոսի սուրբ անվան հանդեպ

Փրկչի ուսմունքը

Վարդապետություն և Ուխտեր 63 բաժնում արձանագրված հայտնության մեջ Փրկիչն արտահայտել է Իր ցանկությունը, որ Իր հետևորդները «զգուշանան, թե ինչպես են գործածում [Իր] անունն իրենց շուրթերով» (Վարդապետություն և Ուխտեր 63.61)։ Այս դասը կօգնի ուսանողներին զգալ Փրկչի անունը ակնածանքով օգտագործելու կարևորությունը:

Հնարավոր ուսումնական վարժություններ

Զգոն, այլ ոչ թե անփույթ

Գրատախտակին գրեք Զգոն, այլ ոչ թե անփույթ արտահայտությունը Ապա ուսանողներին առաջարկեք քննարկել հետևյալ հարցերը.

  • Ի՞նչ իրավիճակներում է մարդու համար կարևոր լինել զգոն, այլ ոչ անփույթ։ Ինչո՞ւ։

    Եթե ուսանողներն օգնության կարիք ունենան գաղափարներ մտածելու հարցում, կարող եք նշել մի քանի իրավիճակ, օրինակ՝ մեքենա վարելը, համացանցում որևէ բան փնտրելը, մազեր կտրելը կամ բժշկական միջամտություն կատարելը:

  • Ձեր կարծիքով, որո՞նք են այն բաները, որոնց հանդեպ Փրկիչը ցանկանում է, որ մենք զգոն լինենք մեր կյանքում:

Երիտասարդ կանանց գերագույն նախագահությունից քույր Ռեբեկա Լ. Քրեյվենը տվել է հետևյալ հարցը:

Ռեբեկա Լ․ Քրեյվեն

Արդյո՞ք մենք զգոն ենք մեր խոսքում։ Թե՞ մենք անփութորեն ենք վերաբերվում կոպիտ ու գռեհիկ խոսքին։ (Ռեբեկա Լ. Քրեյվեն, «Զգոնությունն ի հակադրություն անփութության», Լիահոնա, մայիս 2019, 10)

Ի՞նչ իրավիճակներում կարող եք բախվել առանց ակնածանքի ասվող խոսքի Աստծո կամ այլ սուրբ բաների վերաբերյալ։

Ուսանողներին առաջարկեք մտածել, թե ինչ են իրենք զգում, երբ բախվում են նման խոսքի Խրախուսեք նրանց ուսումնասիրելիս փնտրել ուսմունքներ, որոնք կարող են օգնել իրենց զգալ սուրբ բաների վերաբերյալ զգոն լինելու կարևորությունը՝ մասնավորապես, թե ինչպես են իրենք օգտագործում Երկնային Հոր և Հիսուս Քրիստոսի անունները:

Ակնածանք Հիսուս Քրիստոսի անվան հանդեպ

Հետևյալ բացատրությունը կօգնի ուսանողներին հասկանալ այն հատվածների համատեքստը, որոնք նրանք կուսումնասիրեն Վարդապետություն և Ուխտեր 63 բաժնում։

Վարդապետություն և Ուխտեր 63 բաժնում արձանագրված հայտնության ժամանակ Կիրթլենդում (Օհայո) գտնվող Սրբերից ոմանք օգտագործել էին Տիրոջ անունը առանց քահանայության համապատասխան իշխանության (տես Վարդապետություն և Ուխտեր 63.62)։ Տերը դատապարտեց այդ գործողությունները և ուսուցանեց Սրբերին կարևոր ճշմարտություններ այն մասին, թե ինչպես պետք է օգտագործեն Իր անունը:

Կարդացեք Վարդապետություն և Ուխտեր 63․58–64 հատվածները՝ փնտրելով թե ինչ էր Տերը ցանկանում, որ Սրբերը հասկանային Իր մասին:

  • Այս հատվածներն ի՞նչ են օգնում ձեզ հասկանալ Հիսուս Քրիստոսի մասին:

  • Ի՞նչ սովորեցիք հատվածներ 61–64 այն մասին, թե մենք ինչպես պետք է օգտագործենք Փրկչի անունը։

    Ճշմարտություններից մեկը, որ ուսանողները կարող են նշել այս հատվածներից, այն է, որ Հիսուս Քրիստոսի անունը սուրբ է և պետք է օգտագործվի զգուշությամբ։

  • Ըստ ձեզ՝ ի՞նչ է նշանակում զգուշությամբ օգտագործել Փրկչի անունը:

  • Ի՞նչ հարցեր ունեք այն ամենի մասին, ինչ սովորում եք այս հատվածներում:

Եթե ուսանողները հարցեր ունենան այն մասին, թե ինչ է նշանակում օգտագործել «Տիրոջ անունը … իզուր» (հատված 62), բացատրեք, որ դա կարող է ներառել առանց ակնածանքի խոսելը Երկնային Հոր և Հիսուս Քրիստոսի մասին «Reverent and Clean», Ensign, մայիս 1986 թ․, 49–50)։ Այն կարող է նաև ներառել Փրկչի քահանայության իշխանության անարժանորեն օգտագործումը (տես Նիլ Լ. Անդերսեն «Զորություն քահանայությունում», Լիահոնա, նոյ. 2013, 93)։ Համոզվեք, որ ուսանողները հասկանում են, որ Փրկչի մասին տեղին է խոսել ավետարանում կամ ամենօրյա զրույցներում, եթե մենք խոսում ենք Նրա մասին սիրով և հարգանքով:

Նախքան հետևյալ հարցը տալը՝ ուսանողների համար օգտակար կլինի պատկերացնել, որ իրենք ճանաչում են մի մարդու, որը չի հասկանում Փրկչի անունը ակնածանքով օգտագործելու կարևորությունը: Քննարկման ընթացքում նրանք կարող են մտքում հիշել այդ մարդու մասին։

  • Ձեր կարծիքով, ի՞նչը կարող է օգնել մեզ ավելի մեծ ցանկություն զգալ՝ ակնածանքով օգտագործելու Հիսուս Քրիստոսի անունը:

Ավելի մեծ սեր և ակնածանք զգալ Հիսուս Քրիստոսի հանդեպ

Բացատրեք, որ եթե ավելի շատ հասկանանք, թե ով է Հիսուս Քրիստոսը և ինչ է Նա արել մեզ համար, մենք ավելի մեծ սեր և ակնածանք կզգանք Նրա հանդեպ:

Նախքան ուսումնասիրության հետևյալ վարժությունը ներկայացնելը՝ կարող եք առաջարկել ուսանողներին կիսվել իրենց ունեցած փորձառություններով կամ սուրբ գրություններից իրենց սովորած ճշմարտություններով, որոնք մղում են իրենց ակնածանքով մտածել և խոսել Հիսուս Քրիստոսի մասին: Նաև կարող եք կիսվել ձեր կյանքից որևէ օրինակով։

Որոշ ժամանակ տրամադրեք՝ ուսումնասիրելու աստվածայնորեն սահմանված աղբյուրները, որոնք կարող են օգնել ձեզ ավելի մեծ սեր զգալ Հիսուս Քրիստոսի հանդեպ և ցանկանալ ակնածանքով խոսել Նրա մասին: Կարող եք ուսումնասիրել սուրբ գրությունները, Եկեղեցու ղեկավարների խոսքերը, օրհներգեր կամ այլ օգտակար աղբյուրներ, որոնցում նկարագրվում է, թե ով է Նա և ինչ է արել: Ձեր մտքերն ու զգացումները գրի առեք սուրբ գրությունների ուսումնասիրության ձեր օրագրում:

Ուսանողները կարող են ուսումնասիրել աղբյուրները ինքնուրույն կամ դասընկերոջ հետ: Անհրաժեշտության դեպքում կարող եք նրանց տրամադրել աղբյուրների մի քանի օրինակ, որոնք նրանք կարող են ուսումնասիրել, օրինակ՝ օրհներգեր, որոնք ուսուցանում են Հիսուս Քրիստոսի սրբազան բնույթի մասին կամ հետևյալ սուրբ գրություններից մի քանիսը. Մատթեոս 8․23–27, 2 Նեփի 25․13, Վարդապետություն և Ուխտեր 18․23–25, 35․1–2, 110․1–5։

Բավարար ժամանակ հատկացնելուց հետո ուսանողներին առաջարկեք ներկայացնել, թե ինչ սովորեցին և զգացին իրենք ուսումնասիրությունից։ Եթե ուսանողները գտնեն նշանակալից օրհներգեր, դասարանով կարող են միասին երգել դրանցից մեկը կամ մի քանիսը: Կարող եք նաև առաջարկել ուսանողներին կարդալ իրենց գտած սուրբ գրությունը և կիսվել, թե ինչու է այն նշանակալից իրենց համար:

Հետևյալ հարցերը կօգնեն ուսանողներին կիսվել իրենց մտքերով:

  • Ձեր ուսումնասիրած նյութից ի՞նչը ձեր մեջ երախտագիտություն և հարգանքի զգացում առաջացրեց Փրկչի հանդեպ:

  • Ձեր ուսումնասիրածը հիշելը ինչպե՞ս կարող է ազդել ձեր ընտրությունների վրա:

Կարող եք ընդլայնել երկրորդ հարցի քննարկումը՝ ուսանողներին բաժանելով փոքր խմբերի և առաջարկելով նրանց քննարկել, թե իրենց կյանքի որոշակի ոլորտներն ինչպես կարող են փոխվել, եթե մենք ավելի մեծ ակնածանք զգանք Երկնային Հոր և Հիսուս Քրիստոսի հանդեպ։ Ստորև ներկայացված են նրանց կյանքի ոլորտների որոշ օրինակներ, որոնց մասին նրանք կարող են խոսել․

  • Ընտրություններ, որ նրանք կատարում են՝ կապված լրատվամիջոցների օգտագործման հետ:

  • Նրանց փոխգործակցությունը ուրիշների հետ։

  • Ավետարանով կիսվելու նրանց պատրաստակամությունը:

  • Ինչպես են նրանք աղոթում Երկնային Հորը:

Կապեք դա ձեր կյանքի հետ

Որպեսզի օգնեք ուսանողներին մտածել իրենց սովորածի մասին, առաջարկեք նրանց իրենց ուսումնական օրագրերում պատասխանել հետևյալ հարցերից առնվազն մեկին.

  • Հոգուց կամ ձեր դասընկերներից այսօրվա ձեր սովորածի արդյունքում ի՞նչ փոփոխություններ եք նկատում Փրկչի հանդեպ ձեր զգացմունքներում կամ տեսակետներում:

  • Այսօրվա ձեր սովորածի արդյունքում ի՞նչը կցանկանայիք անել ավելի լավ կամ այլ կերպ։

Մի քանի պատրաստակամ ուսանողի խնդրեք կիսվել իրենց գրածով: Այնուհետև ավարտեք դասը՝ կիսվելով ձեր վկայությամբ Երկնային Հոր և Հիսուս Քրիստոսի մասին և բացատեք, թե ինչու են նրանց անունները սուրբ ձեզ համար: