Սեմինարիա
Դաս 80․ Վարդապետություն և Ուխտեր 67․ Վկայություն ճշմարտության մասին

«Դաս 80․ Վարդապետություն և Ուխտեր 67․ Վկայություն ճշմարտության մասին», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 67», Վարդապետություն և Ուխտեր․ Սեմինարիայի ուսուցչի ձեռնարկ

Դաս 80. Վարդապետություն և Ուխտեր 67–70

Վարդապետություն և Ուխտեր 67

Վկայություն ճշմարտության մասին

Ջոզեֆ Սմիթը հայտնություն է գրում

Եկեղեցու շատ ղեկավարներ աջակցել են այն հայտնությունների հրատարակմանը, որոնք Մարգարե Ջոզեֆ Սմիթը ստացել էր և հասկացել, որ դրանք գալիս են Աստծուց: Մյուսները կենտրոնացան այն թերությունների վրա, որոնք իրենք նկատել էին հայտնություններում, և որպես արդյունք՝ նրանք վստահ չէին, որ այդ հայտնությունները Տիրոջից էին: Այս դասը կօգնի մեծացնել ուսանողների վստահությունը նրանում, որ Տերը խոսում է մեզ հետ մարգարեների միջոցով, և որ Վարդապետություն և Ուխտեր գիրքը Նրա խոսքն է:

Հնարավոր ուսումնական վարժություններ

Վկայություն

Որոշեք, թե ինչպես օգնեք ուսանողներին մտածել ավետարանի ճշմարտությունների վերաբերյալ իրենց վկայության մասին՝ կապված Երկնային Հոր ծրագրի հետ: Նրանք կարող են կատարել հետևյալ վարժությունը գրատախտակին կամ իրենց օրագրում:

Գրատախտակի մի կողմում նկարեք մարդուկի պատկեր: Մյուս կողմում, թվարկեք Երկնային Հոր ծրագրի տարբեր կողմերը, որոնց վերաբերյալ գուցե անհրաժեշտ լինի վկայություն ձեռք բերել: Կարող եք նաև ցուցադրել նկարներ, որոնք ներկայացնում են Երկնային Հոր ծրագրի կողմերը, օրինակ՝ Հիսուս Քրիստոսի, ներկայիս մարգարեի նկարը կամ սուրբ գրությունները: Ընտրեք այս կողմերից մի քանիսը և առաջարկեք ուսանողներին քննարկել հետևյալը:

  • Ինչո՞ւ է օգտակար Երկնային Հոր ծրագրի այս կողմերի մասին վկայություն ունենալը:

  • Որո՞նք են այն խոչընդոտները, որոնք կարող են հանդիպել այս վկայությունն ամրապնդելու ճանապարհին:

Երբ ուսանողները կիսվեն իրենց պատասխաններով, դուք կարող եք գրել այդ խոչընդոտները մարդուկի պատկերի և այն բաների միջև, որոնց մասին մենք պետք է վկայություն փնտրենք մեր կյանքում:

Քննարկումից հետո կարող եք առաջարկել ուսանողներին մտածել Երկնային Հոր ծրագրի տարբեր մասերի վերաբերյալ իրենց վկայության մասին: Առաջարկեք նրանց այս դասի ժամանակ փնտրել ճշմարտություններ, որոնք կարող են օգնել իրենց ձեռք բերել կամ ամրապնդել իրենց վկայությունը:

Ինչպես ստանալ և ամրապնդել վկայությունը

Որպեսզի օգնեք ուսանողներին հասկանալ բաժին 67-ի ենթատեքստը, հետևյալ պարբերությունից կարող եք կիսվել որոշ մանրամասներով:

1831 թ-ի վերջերին Ջոզեֆ Սմիթն ուներ Տիրոջ հայտնությունների հավաքածու, սակայն քիչ մարդիկ ունեին դրանց օրինակները: Տերը հայտնել էր, որ նրանք պետք է հրատարակեն դրանք գրքում: Ինչպես Մորմոնի Գիրքը, Պատվիրանների գիրքը (հետագայում հրատարակվել է որպես Վարդապետություն և Ուխտեր) պետք է ներառեր վկաների վկայությունները: Այնուամենայնիվ, Եկեղեցու որոշ ղեկավարներ դժկամությամբ էին վկայում. նրանք որոշ մտահոգություններ ունեին՝ կապված լեզվի հետ և ցանկանում էին բարելավել այն:

Կարող եք խոչընդոտների ցանկին ավելացնել «լեզուն»: Հարցրեք՝ ինչպե՞ս դա կարող է առնչվել այսօրվա երիտասարդությանը:

Կարդացեք Վարդապետություն և Ուխտեր 67.1–5 հատվածները՝ փնտրելով, թե ինչով է Տերը կիսվել այս մարդկանց հետ:

  • Ձեր կարծիքով, նրանք ինչո՞ւ պետք է դա լսեին։

  • Ավետարանի ո՞ր ճշմարտությունը կարող եք բացահայտել այս հատվածներից:

    Երբ ուսանողները կիսվեն իրենց գտածով, օգնեք նրանց բացահայտել այսպիսի ճշմարտություն․ Տերը լսում է մեր աղոթքները, գիտի մեր սրտերը և կարող է մեզ վկայություն տալ ճշմարտության մասին, որը մենք փնտրում ենք:

  • Ըստ ձեզ, դա ինչպե՞ս կարող է օգնել մեզ, երբ մենք վկայություն ենք փնտրում կամ դժվարություններ ենք ունենում դրա վերաբերյալ:

  • Ըստ ձեզ, ինչո՞ւ «վախ[ը մեր] սրտերում» (Վարդապետություն և Ուխտեր 67.3) կարող է խանգարել մեզ օրհնություններ ստանալ:

  • Հատված 5-ում Տերն ի՞նչ է ասել Ջոզեֆ Սմիթի մասին: Թեև Մարգարեն կատարյալ կամ պերճախոս չէր, խելամիտ չէ՞ր լինի փորձել «արտահայտվել նրա լեզվից»: (Վարդապետություն և Ուխտեր 67․5)։

Հաղթահարեք խոչընդոտները Տիրոջ օգնությամբ

Տերը գիտի մեր սրտերը և կարող է օգնել մեզ հաղթահարել մեր վկայությունների ճանապարհին հանդիպող խոչընդոտները: Այս դեպքում Տերը հանձնարարություն տվեց Իր Եկեղեցու երեցներին, որպեսզի օգնի նրանց ստանալ «վկայություն ճշմարտության մասին» (հատված 4)՝ Ջոզեֆ Սմիթի ստացած հայտնությունների վերաբերյալ:

Եթե ուսանողներն ուսումնասիրեն հանձնարարությունը, կարող եք ներկայացնել հետևյալ վարժությունը ստուգարքի ձևով: Առաջարկեք նրանց ուշադիր կարդալ հատվածները, ապա փակել իրենց սուրբ գրությունները և պատասխանել հետևյալ հարցերին:

Կարդացեք Վարդապետություն և Ուխտեր 67․6–9 հատվածները՝ փնտրելով մանրամասներ Տիրոջ հանձնարարության մասին։

  • Ինչպիսի՞ հայտնություն պետք է ընտրեին նրանք։ (Տես հատված 6:)

  • Ինչպիսի՞ անձնավորություն պետք է ընտրեին նրանք։ (Տես հատված 6:)

  • Ի՞նչ էր առաջարկվել գրել այդ մարդուն: (Տես հատված 7:)

  • Ի՞նչ կլիներ, եթե նա հաջողեր։ (Տես հատված 7:)

  • Ի՞նչ կլիներ, եթե նա ձախողեր: (Տես հատվածներ 8–9:)

    Որպեսզի բացահայտեք, թե ինչ եղավ հետո, կարող եք տպել կամ ցուցադրել «Մարգարեի խոսքերը ճշմարիտ են» գծագիր պատկերը՝ 2021 թ․ հունիսի Երիտասարդներին զորացնելու համար ամսագրից և առաջարկել ուսանողներին կարդալ այն: Որպես այլընտրանք, կարող եք բացատրել, որ Վիլյամ Մակլելլինը՝ 25-ամյա դպրոցի ուսուցիչը, որը վերջերս էր դարձի եկել դեպի Եկեղեցի, նշանակվեց խմբի «ամենաիմաստունը» (հատված 6) և ընդունեց Տիրոջ հանձնարարությունը: Երբ նա ավարտեց, բոլորը հասկացան, որ նրա գրածը Տիրոջից չէ:

  • Ըստ ձեզ, այդ մարդիկ ի՞նչ դասեր քաղեցին այդ փորձառությունից:

    Երբ ուսանողները պատասխանեն, կարող եք առաջարկել նրանց վերանայել հատված 9։ Կարող եք նաև բացատրել, որ երեցներից շատերը ստորագրեցին մի փաստաթուղթ, որով տալիս էին իրենց պաշտոնական վկայությունը Պատվիրանների Գրքի հայտնությունների ճշմարտացիության մասին:

  • Այս փորձառությունն ինչպե՞ս է ցույց տալիս, որ Տերը ճանաչում էր նրանց և կարող էր օգնել նրանց իրենց վկայություններում:

Այնուհետև Տերը խոստացավ այդ մարդկանց ավելի մեծ հոգևոր փորձառություններ, եթե նրանք «[ամբողջովին] ազատվեն նախանձից և վախից և խոնարհեցնեն [իրենց] իմ առաջ» (Վարդապետություն և Ուխտեր 67.10):

Ինչպես է այս ճշմարտությունը կիրառվում այսօր

Պատկերացրեք, որ ձեր ծանոթներից մեկը դժվարանում է հավատալ, որ Տերը խոսում է մեզ հետ մարգարեների միջոցով, և Վարդապետություն և Ուխտեր գիրքը Տիրոջ խոսքն է:

Եթե ուսանողները ցանկանան, կարող են մանրամասներ ավելացնել սցենարին՝ ընտրելով գրատախտակին թվարկված խոչընդոտներից մեկը և առաջարկել այդ մարդուն հաղթահարել այն՝ վկայություն ստանալու համար: Այնուհետև կարող եք կիսվել կամ ցուցադրել հետևյալ ցուցումները:

Մտածեք, թե ինչպես կարող եք օգնել այդ մարդուն՝ կատարելով հետևյալ գործողությունը.

  1. Գրեք, թե ինչ պետք է ասեք, որպեսզի օգնեք նրանց իմանալ, որ Տերը լսում է մեր աղոթքները, գիտի մեր սրտերը և կարող է մեզ վկայություն տալ մարգարեների և Վարդապետություն և Ուխտերի մասին: Հնարավորության դեպքում կարող եք ներառել ցանկացած անձնական փորձառություն կամ ձեր մերձավորների փորձառությունները, որոնք վկայում են այս ճշմարտությունների մասին:

  2. Օգտագործեք սուրբ գրությունները, սուրբգրային պատմությունները կամ ձեր փորձառությունները՝ կիսվելու այն բաներով, որոնք մենք կարող ենք անել, որպեսզի ամրապնդենք մեր վկայությունները մարգարեների և Վարդապետություն և Ուխտերի մասին (օրինակ՝ Վարդապետություն և Ուխտեր 1.37–38, 21.4–6, Մորոնի 10. 4–5): Կիսվեք, թե Տերն ինչպես կարող է օրհնել մեզ այս գործողությունների համար:

Տարբեր ուսանողների առաջարկեք կիսվել, թե ինչ են իրենք պատրաստել։ Շնորհակալություն հայտնեք ուսանողներին իրենց գաղափարների և փորձառությունների համար:

Ավարտեք դասը՝ առաջարկելով ուսանողներին խորհել իրենց վկայությունների մասին առ այն, որ Տերը խոսում է մարգարեների միջոցով, և որ Վարդապետություն և Ուխտեր գիրքը ճշմարիտ է: Վկայեք, որ Տերը լսում է նրանց աղոթքները, գիտի նրանց սրտերը և կարող է օգնել նրանց ձեռք բերել վկայություններ: Առաջարկեք նրանց գրի առնել այս դասի ընթացքում ստացած ցանկացած ոգեշնչում: