Mataupu Faavae ma Feagaiga 93

Mataupu Faavae ma Feagaiga 93

Vaaiga Aoao

I le Mataupu Faavae ma Feagaiga 93, na faaali mai ai e le Faaola upumoni taua e uiga ia te Ia lava ma le faamoemoe e fesoasoani ia i tatou ia “iloa le ala e tapuai ai, ma iloa [po o ai tatou te] tapuai i ai” (fuaiupu 19). Ua tatou aoao e mafai ona tatou maua se atoaga o le malamalama ma le upumoni lea e sau mai le Tama Faalelagi ma Iesu Keriso pe a tatou tausia poloaiga.

Fesoasoani i tagata aoao e faaloloto lo latou talisapaia ma le alofa mo Iesu Keriso. A o aoao tagata aoga e uiga ia Iesu Keriso, fesoasoani ia i latou ia sili atu ona aoao i mea na Ia fetalai mai ai ma aoao po o ai o Ia. O se tasi o auala e faia ai lenei mea o le taulai atu lea i Ona uiga faaalia ma uiga auaumama. Mo nisi faamatalaga i le ala e faia ai lenei mea, tagai i le vaega “Aoao atu e uiga i Faalagiga, Matafaioi, ma Uiga o Iesu Keriso” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 93:1–22.”

Ia saunia e aoao atu

O lenei faamatalaga e tuuina atu ai ni manatu o mea atonu e te manaomia ona muai saunia mo lesona taitasi.

Mataupu Faavae ma Feagaiga 93:1–22

Faamoemoega o le lesona: Ina ia fesoasoani i tagata aoga ia loloto lo latou malamalama i nisi o matafaioi ma uiga o Iesu Keriso.

• Sauniuniga a le tagata aoga: Valaaulia tagata aoga e mafaufau pe faapefea ona aafia o latou olaga i mea ua latou iloa e uiga ia Iesu Keriso.

• Ata: O se tagata lauiloa, ma se ata o Iesu Keriso

• Anotusi e faaali atu: Siata mo gaoioiga suesue

Mataupu Faavae ma Feagaiga 93:19–53

Faamoemoega o le lesona: Ina ia fesoasoani i tagata aoga e fuafua ia maua atili le malamalama ma le upumoni a le Atua i o latou olaga.

• Sauniuniga a le tagata aoga: Valaaulia tagata aoga e fai se lisi o mea o loo latou faia e valaaulia ai le aafiaga o Iesu Keriso i o latou olaga. E mafai foi e tagata aoga ona fai se lisi o mea latou te lagona e mafai ona latou faia e olioli atili ai i Lona aafiaga i aso taitasi.

• Vitiō: “O le Malamalama e Pipii i le Malamalama” (11:02; matamata mai le faailo taimi 0:32 i le 2:15 ma le 2:15 i le 2:52); “O E Tauaveina le Malamalama Faalelagi” (22:09; matamata mai le faailo taimi 18:26 i le 19:36); “Mauaina o Keriso i Taimi Faigata” (4:35)

• Anotusi e faaali atu: Siata mo gaoioiga suesue

• Ata: Faateleina le malamalama ma faaitiitia le malamalama i le upumoni

Iloilo Lou Aoaoina 7

Faamoemoega o le lesona: Ina ia fesoasoani i tagata aoga ia manatua ma iloilo lo latou tuputupu ae faaleagaga mai a latou suesuega o le Mataupu Faavae ma Feagaiga.

• Sauniuniga a le tagata aoga: Valaaulia tagata aoga e mafaufau i auala ua latou suia ai pe tuputupu ae ai faaleagaga o se taunuuga o la latou suesuega talu ai nei o le Mataupu Faavae ma Feagaiga.

• Anotusi e faaali atu: Filifiliga o loo lisiina i lalo o le gaoioiga “Faamalamalama matafaioi, faalagiga, ma uiga o Keriso”