« គោលលទ្ធិ និងសេចក្ដីសញ្ញា ១១១–១១៤ ៖ ទិដ្ឋភាពទូទៅ »សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៥ )
« គោលលទ្ធិ និងសេចក្ដីសញ្ញា ១១១–១១៤ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្តីសញ្ញា ១១១–១១៤
គោលលទ្ធិ និងសេចក្តីសញ្ញា ១១១–១១៤
ទិដ្ឋភាពទូទៅ
នៅឆ្នាំ ១៨៣៦ សាសនាចក្រមានបំណុលយ៉ាងធំ ។ ព្យាការី យ៉ូសែប ស្ម៊ីធ និងថ្នាក់ដឹកនាំសាសនាចក្រផ្សេងទៀតបានធ្វើដំណើរទៅក្រុងសាឡិម រដ្ឋម៉ាស្សាជូសសែត្ស ជាកន្លែងដែលពួកលោកសង្ឃឹមថានឹងទទួលបានប្រាក់ដើម្បីសងបំណុលនេះ ។ ខណៈនៅទីក្រុងសាឡិម យ៉ូសែបបានទទួលវិវរណៈដែលបានកត់ត្រានៅក្នុង គោលលទ្ធិ និងសេចក្តីសញ្ញា ១១១ ។ នៅឆ្នាំ ១៨៣៧ ថូម៉ាស ប៊ី ម៉ាស ប្រធានក្រុមនៃពួកសាវកដប់ពីរនាក់បានស្វែងរកការដឹកនាំអំពីការហៅរបស់លោកពី យ៉ូសែប ស្ម៊ីធ ។
ផ្ដោតលើព្រះវរបិតាសួគ៌ និងព្រះយេស៊ូវគ្រីស្ទ ៖ ពរជ័យដ៏អស្ចារ្យបំផុតដែលគ្រូបង្រៀនអាចផ្ដល់ឲ្យសិស្ស គឺជួយពួកគេឲ្យមកស្គាល់ និងស្រឡាញ់ព្រះវរបិតាសួគ៌ និងព្រះយេស៊ូវគ្រីស្ទ ។ នៅពេលអ្នករៀបចំ និងបង្រៀនមេរៀន សូមស្វែងរកការបំផុសគំនិតអំពីរបៀបដែលអ្នកអាចធ្វើកិច្ចការនេះបាន ។ ដើម្បីរៀនបន្ថែមទៀតអំពីការណ៍នេះ សូមមើលផ្នែក « បង្រៀនអំពីព្រះបរមងារ តួនាទី និងគុណលក្ខណៈរបស់ព្រះយេស៊ូវគ្រីស្ទ » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ អ្នកក៏អាចឃើញឧទាហរណ៍មួយអំពីរបៀបធ្វើកិច្ចការនេះក្នុងមេរៀននៅសប្តាហ៍នេះផងដែរ ដែលមានចំណងជើងថា « គោលលទ្ធិ និងសេចក្តីសញ្ញា ១១១ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
គោលលទ្ធិ និងសេចក្តីសញ្ញា ១១១
គោលបំណងមេរៀន ៖ ដើម្បីជួយសិស្សឲ្យមានទំនុកចិត្តកាន់តែខ្លាំងទៅលើព្រះវរបិតាសួគ៌ និងព្រះយេស៊ូវគ្រីស្ទ ។
ការរៀបចំសិស្ស ៖ សូមអញ្ជើញសិស្សឲ្យគិតអំពីបញ្ហា ឬឧបសគ្គនានាដែលពួកគេប្រឈមមុខ និងមានទំនុកចិត្តយ៉ាងណាថា ពួកគេអាចឆ្លងកាត់បញ្ហាទាំងនោះ ហើយថា អ្វីៗនឹងបានសម្រេច ។
គោលលទ្ធិ និងសេចក្ដីសញ្ញា ១១២
គោលបំណងមេរៀន ៖ ដើម្បីជួយសិស្សឲ្យស្វែងរកការណែនាំពីព្រះវរបិតាសួគ៌ដោយរាបសា ។
-
ការរៀបចំសិស្ស ៖ ក្នុងអំឡុងពេលមេរៀននេះ សិស្សនឹងត្រូវបានអញ្ជើញឲ្យគិតអំពីការដឹកនាំដែលពួកគេត្រូវការពីព្រះវរបិតាសួគ៌ ។ អ្នកអាចអញ្ជើញពួកគេជាមុនឲ្យគិតអំពីជីវិត និងការណែនាំរបស់ពួកគេដែលពួកគេអាចត្រូវការពីទ្រង់ ។
-
វីដេអូ ៖ « How I #HearHim: Elder Neil L. Andersen » ( ២:៥១ )
វាយតម្លៃការរៀនសូត្ររបស់អ្នក ទី ៨
គោលបំណងមេរៀន ៖ ដើម្បីជួយសិស្សឲ្យចងចាំ និងវាយតម្លៃលើរបៀបដែលបទពិសោធន៍របស់ពួកគេនៅក្នុងការសិក្សាព្រះគម្ពីរគោលលទ្ធិ និងសេចក្តីសញ្ញាបានជួយពួកគេឲ្យរីកចម្រើនខាងវិញ្ញាណ ។
-
សម្ភារ ៖ ថ្មមួយចំនួនដែលមានទំហំផ្សេងៗគ្នាដែលអាចប្រើដើម្បីបង្កើតជាសញ្ញាសម្គាល់ផ្លូវ
-
រូបភាព ៖ គណៈប្រធានទីមួយបច្ចុប្បន្ន និងកូរ៉ុមនៃពួកសាវកដប់ពីរនាក់