“152-р хичээл—Сургаал ба Гэрээнүүд 138, 1-р хэсэг: Сүнсний дэлхий дэх Аврагчийн айлчлалын тухай үзэгдэл,” Сургаал ба Гэрээнүүдийн семинарын багшийн гарын авлага (2025)
“Сургаал ба Гэрээнүүд 138, 1-р хэсэг,” Сургаал ба Гэрээнүүдийн семинарын багшийн гарын авлага
Зураг
Есүс сүнсний дэлхийд тохинуулж буй нь
Ерөнхийлөгч Жозэф Ф.Смит гэр бүлийнхээ хайртай гишүүдийг нас барсанд гашуудахын зэрэгцээ Дэлхийн I дайн болон дэлхий нийтийг хамарсан томуугийн цар тахлын улмаас учирсан сүйрэлд шаналж, судруудаас тайтгарал эрэлхийлжээ. Тэрээр 1 Петр 3–4-р хэсгийг эргэцүүлэн бодохдоо Аврагчийн үхэл, Амилалтын хоорондох хугацаандаа сүнсний дэлхий дээр хийсэн тохинууллын хичээл зүтгэлийн талаар алдар суут үзэгдэл хүлээн авчээ. Ерөнхийлөгч Смитийн үзэгдэл бол одоогийн Сургаал ба Гэрээнүүд 138 юм. Энэ хичээл нь Аврагч сүнсний дэлхий дээрх Тэнгэрлэг Эцэгийн хүүхдүүдэд авралыг хэрхэн санал болгодгийг ойлгоход суралцагчдад тусална.
Боломжит суралцах үйл ажиллагаа
Бид нас барсныхаа дараа хаашаа явдаг вэ?
Дараах жишээг тунгаан бодоход эсвэл тэдний хэрэгцээнд тохирох жишээг зохиоход суралцагчдыг урь. Энэ жишээний зорилго нь сүнсний дэлхийн талаар мэддэг зүйлээ үнэлж дүгнэхэд суралцагчдад туслах явдал юм. Суралцагчид Есүс Христийн сайн мэдээг хүлээн авсан, аваагүй хүмүүсийн аль алинд юу тохиолдох талаар ойлгосон зүйлээ хуваалцаж болно.
Эмээ Робэртсоо оршуулсны дараа Жюли та нарт эмээ, өвөө Робэртс нь Есүс Христийн Хожмын Үеийн Гэгээнтнүүдийн Сүмд баптисм хүртэлгүй нас барсан тухай ярив. Түүний нөгөө өвөө, эмээ нь (эмээ, өвөө Жөүнс) насан туршдаа Сүмийн итгэлтэй гишүүд байсаар нас баржээ. “Баптисм хүртээгүй өвөө, эмээ хоёрт маань юу тохиолдох бол?” гэж Жюли та нараас асуув.
Сүнсний дэлхийн талаар юу мэддэгээ эргэцүүлэн бод.
Ариун Сүнсний нэг үүрэг бол үнэнийг гэрчлэх явдал гэдгийг суралцагчдад сануул. Өнөөдөр судлах Тэнгэрлэг Эцэгийн авралын төлөвлөгөөний талаарх Сүнсний гэрчлэлд мэдрэмтгий хандахад тэднийг урь.
Нас барагсдын гэтэлгэлийн тухай үзэгдэл
Сургаал ба Гэрээнүүд 138 -ын түүхэн нөхцөл байдлын талаар ойлголт өгөхийн тулд ерөнхийлөгч Баллардын дараах мэдэгдлийг хуваалцах эсвэл Saints: The Story of the Church of Jesus Christ in the Latter Days , 3-р боть, Boldly, Nobly and Independent, 1893–1955 [2018 ], 196–207 -г тоймлон хэлэх талаар бод.
Ерөнхийлөгч Жозэф Ф.Смитийн жич хүү, Арван хоёр төлөөлөгчийн чуулгын ерөнхийлөгч М.Рассэлл Баллард одоо Сургаал ба Гэрээнүүд 138 болсон үзэгдлийн талаар дараах зүйлийг хуваалцжээ.
Зураг
Ерөнхийлөгч М.Рассэлл Баллард
Дайн болон өвчний улмаас нас барсан хэдэн сая хүн болон гэр бүлийнхнийхээ нас барсан хэд хэдэн хүний төлөө маш их гашуудаж байсан ерөнхийлөгч Смит “нас барагсдын гэтэлгэлийн үзэгдэл” хэмээн нэрлэгдсэн тэнгэрлэг илчлэлийг 1918 оны 10-р сарын 3-нд хүлээн авав. …
10-р сарын 3-нд хүлээн авсан илчлэл түүний зүрх сэтгэлийг тайвшруулсан төдийгүй олон асуултад нь хариулт өгчээ. Бид мөн энэхүү илчлэлийг судлан, өдөр бүрийн амьдралынхаа арга замд үүний ач холбогдлыг тунгаан бодсоноор, бид, бидний хайртай хүмүүс нас бараад, сүнсний дэлхий рүү явах үед нь ирээдүйн талаар илүү ихийг мэдэж авч, тайвширч болно. (M.Рассэлл Баллард, “Нас барагсдын гэтэлгэлийн тухай үзэгдэл ,” 2018 оны 10-р сарын Ерөнхий чуулган, 63)
Сургаал ба Гэрээнүүд 138:1–4 -ийг уншаад, ерөнхийлөгч Смитийн энэ үзэгдлийг хүлээн авахдаа тунгаан бодож байсан үнэнүүдийг олж мэд.
Ерөнхийлөгч Смит судалж байхдаа юун тухай эргэцүүлэн бодож байсан нь та нарт юугаараа онцгой санагдаж байна вэ?
Ерөнхийлөгч Смит Есүс Христ, Түүний цагаатгагч золиослолын талаар юу мэддэг байсан бэ?
Есүс Христийн Цагаатгалаар болон Түүний сайн мэдээний зарчмуудад дуулгавартай байснаар Тэнгэрлэг Эцэгийн хүүхэд бүр аврагдаж болно гэсэнтэй адил үнэнийг олж тогтооход суралцагчдад тусал.
Та ерөнхийлөгч Смит Аврагчийн цагаатгагч золиослолоор амлагдсан нас барагсдын гэтэлгэлийн талаар эргэцүүлэн бодохдоо 1 Петр 3–4 -т хандсан тухай хуваалцан, Сургаал ба Гэрээнүүд 138:5–10 -ыг хураангуйлан дүгнэж болно. 1 Петр 4:6 бол төгс эзэмших сургаалын судрын хэсэг гэдгийг онцолж болно.
Есүс Христ авралыг Тэнгэрлэг Эцэгийн бүх хүүхдэд хэрхэн боломжтой болгодог талаар та нар юу мэдэх вэ?
Сүнсний дэлхийд Аврагч үзэгдсэн нь
Суралцагчдыг уг үзэгдлийг судалж байх хооронд, ерөнхийлөгч Смит Аврагчийг үхээд, амилах тэрхүү цаг хугацааны хооронд сүнсний дэлхийд айлчлахыг харсан гэдгийг онцлон хэлэх нь тустай байж болох юм.
Сүнсний дэлхий диваажин, шорон гэсэн хэсгүүдэд хуваагддаг гэдгийг суралцагчдад сануул. Хэрэв шаардлагатай бол энэ нөхцөлд шорон гэдэг нь үнэний мэдлэггүйгээр нас барсан хүмүүст (гяндан эсвэл камерт суух гэсэн үг биш) зориулсан сүнсний дэлхийд түр орших газар гэсэн утгатайг тайлбарлаж болно. Энэ шоронд байгаа сүнснүүд нь мөн мөнх бус байдалд дуулгаваргүй байсан хүмүүс юм (Сэдэв ба асуулт, “Там ,” topics.ChurchofJesusChrist.org -ийг үзнэ үү).
Сүнсний дэлхий дэх Тэнгэрлэг Эцэгийн бүх хүүхдэд зориулсан авралын ажлын тухай Тэргүүн зөвлөлийн ерөнхийлөгч Даллин Х.Өүксийн хэлсэн дараах мэдэгдлийг унш.
Зураг
Ерөнхийлөгч Даллин Х.Өүкс
Сүнсний дэлхий дэх авралын ажил нь сударт “боолчлол” хэмээн дүрсэлсэн нөхцөлөөс сүнснүүдийг чөлөөлөх ажлыг багтаасан байна. Сүнсний дэлхийд бүгд зарим нэг хэлбэрийн боолчлолд байдаг. (Даллин Х.Өүкс, “Эзэнд итгэ ,” 2019 оны 10-р сарын Ерөнхий чуулган , 28)
Та нар Сургаал ба Гэрээнүүд 138 -д цэдэглэгдсэн үзэгдлийг судалж байхдаа Тэнгэрлэг Эцэгийн сүнсэн хүүхдүүд хэрхэн боолчлолд байдгийг мөн тэд хэрхэн Аврагчаар болон Түүний цагаатгагч золиослолоор чөлөөлөгддөгийг олж мэд.
Ангийг зохион байгуулах нэг арга зам бол суралцагчдыг гурав гурваар нь бүлэг болгон хуваарилах явдал юм. Дараах гурван хэсгийн аль нэгийг судлахад суралцагчдыг урь. Өгөгдсөн асуултуудын талаар ярилцах цаг гаргасны дараа суралцагчид өөр хэсгийг судалсан бүлгийнхээ суралцагчидтай юу сурч мэдсэнээ хуваалцаж болно.
Суралцаж байгаа үнэнийхээ талаар хуваалцахад суралцагчдыг урамшуул. Хэрхэн ийн үйлдэх талаарх сургалтыг Багшийн хөгжүүлбэл зохих ур чадвар: Хичээнгүйлэн суралцахад урих нь товхимлын “Суралцагчдыг суралцаж байгаа үнэнийхээ талаар хуваалцахад урамшуул ” гарчигтай сургалтаас үзнэ үү. “Суралцагчдыг сурч мэдсэн зүйлээ нэг нэгэнтэйгээ хуваалцахад урь ” гэсэн ур чадвараар дадлага хий.
Та нар юу олж мэдсэн бэ?
Сүнснүүд мөнх бус амьдралд Аврагчийн сайн мэдээнд хэрхэн хандсан бэ?
Эдгээр сүнс хэрхэн боолчлогдсон бэ? Аврагч тэднийг хэрхэн чөлөөлсөн бэ?
Аврагч диваажин дахь болон шорон дахь сүнснүүдэд ямар боломж олгосон бэ?
Бид Аврагчийн ажилд туслахын тулд юу хийж болох вэ?
Аврагч диваажин дахь сүнснүүдийг чөлөөлдөг.
Сургаал ба Гэрээнүүд 138:11–19, 23–24, 50–52 -ыг уншаад, Аврагч сүнсний диваажинд байгаа хүмүүсийг хэрхэн чөлөөлснийг олж мэд.
Аврагч шоронд байгаа сүнснүүдийг чөлөөлдөг.
Сургаал ба Гэрээнүүд 138:20–22, 29–37, 57–59 -ийг уншаад, Аврагч сүнсний шоронд байгаа хүмүүсийг хэрхэн чөлөөлснийг олж мэд.
Аврагч сүнсний дэлхийд сайн мэдээг номлох ажлыг зохион байгуулдаг.
Сургаал ба Гэрээнүүд 138:30–37, 57–59 -ийг уншаад, Аврагч сүнсний шоронд байгаа хүмүүст сайн мэдээг номлох ажлыг хэрхэн зохион байгуулсныг олж мэд.
Сургаал ба Гэрээнүүд 138 -ын талаар юу ойлгосноо харуулахад нь суралцагчдад туслахын тулд хичээлийн эхэнд гарсан жишээг жүжигчлэн тоглож үзүүлж болно. Суралцагчид Жюлигийн дүрд ээлжлэн тоглож, түүний хоёр талын өвөө, эмээгийн тухай асуултад хэрхэн хариулах талаар дадлага хийж болно. Суралцагчдад дадлага хийх цаг гаргаж өгсний дараа тэд мэдэрсэн зүйлээ болон эдгээр сургаал тэдэнд хэрхэн хамаарахыг ангийнхантайгаа хуваалцаж болно.
Та Тэнгэрлэг Эцэг, Есүс Христийн тухай, Тэдний амьд болон нас барсан хүмүүст санал болгодог авралын тухай гэрчлэлээ хуваалцаж болно.
Saints , 3:193–209
Сэдэв ба асуулт, “Сүнсний дэлхий ,” topics.ChurchofJesusChrist.org
Lisa Olsen Tait, “Susa Young Gates and the Vision of the Redemption of the Dead ,” Revelations in Context [2016], 315
Сүнсний дэлхийн талаар бидэнд мэдэхгүй зүйл олон байдгийг хуваалцсаны дараа Тэргүүн зөвлөлийн ерөнхийлөгч Даллин Х.Өүкс асуултууддаа хэрхэн хандах талаар ийн тайлбарласан.
Зураг
Ерөнхийлөгч Даллин Х.Өүкс
Сүнсний дэлхийн талаар байж болох бүх асуултад би хоёр хариултыг санал болгож байна. Нэгдүгээрт , Бурхан хүүхдүүддээ хайртай бөгөөд бидний хүн нэг бүрийн хувьд хамгийн сайныг үйлдэх нь дамжиггүй гэдгийг санагтун. Хоёрдугаарт , надад хариултыг нь олж чадахгүй байсан олон асуулт байх үед хамгийн их тустай, хэдийн танил болсон дараах Библийн сургаалыг санагтун.
“Бүх зүрхээрээ ЭЗЭНд итгэ. Бүү түшиглэ, өөрийнхөө ойлголтод.
Түүнийг мэдэхэд зам бүхэн чинь байг. Тэрээр зам харгуйг чинь шулуутгана” (Сургаалт үгс 3:5–6 ). …
Бид бүгд сүнсний дэлхийн нөхцөл байдлын талаар хувь хувьдаа гайхдаг байж болно. Эсвэл бүр үүнийг бусад хариулт аваагүй асуултынхаа хамт гэр бүл дотроо эсвэл бусад хувийн дотно орчинд хэлэлцдэг байж болно. Гэвч албан ёсны сургаалын жишгийг хангаагүй зүйлийг албан ёсны сургаал мэт заахгүй эсвэл хэрэглэхгүй байцгаая. Тэгэх нь Их Эзэний ажлыг урагшлуулдаггүй, харин ч бүр зарим хүний амар тайван эсвэл Их Эзэний төлөвлөгөөгөөр бидний хүн нэг бүрд олгогдсон хувийн илчлэлтийн дагуу суралцахаар эрэлхийлэх урмыг мохоодог. (Даллин Х.Өүкс, “Эзэнд итгэ ,” 2019 оны 10-р сарын Ерөнхий чуулган , 29)
Тэргүүн зөвлөлийн ерөнхийлөгч Даллин Х.Өүкс ийн заасан.
Зураг
Ерөнхийлөгч Даллин Х.Өүкс
Ерөнхийлөгч Жозэф Ф.Смитийн Сургаал ба Гэрээнүүдийн 138-р хэсэгт орсон агуу илчлэлтэд зөв шударгыг үйлддэг нас барагсдын дунд “амар амгалан” байсан (Сургаал ба Гэрээнүүд 138:22 ), тэд Амилуулалтыг хүлээн (Сургаал ба Гэрээнүүд 138:16 -г үзнэ үү), “өөрсдийнх нь сүнс биеэс нь салаад их удсаныг боолчлол хэмээн үздэг ажгуу” (Сургаал ба Гэрээнүүд 138:50 ) гэжээ.
Ёс бусчууд ч бас нэгэн боолчлолын улмаас зовж шаналж байдаг. Наманчлаагүй нүглүүдийнхээ улмаас тэд төлөөлөгч Петрийн хэлснээр сүнсний “шоронд” байдаг (1 Петр 3:19 ; мөн Сургаал ба Гэрээнүүд 138:42 -ыг үзнэ үү). Эдгээр сүнсийг “боолчлогдогсод” гэх юм уу “хүлэгдсэн” (Сургаал ба Гэрээнүүд 138:31, 42 ) эсвэл “гадаад харанхуйд хаягдсан” ба амилалт, шүүлтээ хүлээж байх зуур тэдэнд “уйлаан, мөн гаслан, мөн шүдээ хавирах нь байх болно” (Алма 40:13–14 ) хэмээн тайлбарлажээ.
Сүнсний дэлхийд байгаа бүгдийн амилуулалт хэдийгээр өөр өөр цагт өөр өөр бүлэгт тохиолддог боловч Есүс Христийн Амилалтаар энэ нь нэгэнт баталгаатай болсон (1 Коринт 15:22 -ыг үзнэ үү). Уг тогтоосон цаг мөч ирэх хүртэл сүнсний дэлхийд явагдах үйл ажиллагаа нь авралын ажилтай холбоотой гэдгийг бидэнд судрууд хэлж өгдөг. Харин бусад зүйлийн тухайд асар багыг илчилжээ. Сайн мэдээ нь мэдлэггүй, нүглээ наманчлаагүй, дуулгаваргүй хүмүүст номлогдож байгаа бөгөөд тэд боолчлолоос чөлөөлөгдөж, өөрсдийг нь хайрладаг Тэнгэрлэг Эцэгийн тэдэнд зориулсан адислалуудыг хүлээн авахын тулд урагшилж болно.
Зөв шударга, хөрвөгдсөн бодгалиудын сүнсний дэлхий дэх боолчлол нь тэдний хувьд өөрсдийг нь төлөөлж энэ дэлхийд үйлдэгдэх ёслолуудаар баптисм хүртэж, Ариун Сүнсний адислалуудыг авахаа хүлээх явдал бөгөөд магадгүй тэдэнд эдгээрийг гүйцэлдүүлэхийн тулд бусдыг өдөөх нь зөвшөөрөгдсөн ч байж болох юм (Сургаал ба Гэрээнүүд 138:30–37, 57–58 -ыг үзнэ үү.) Мөнх бус амьдралын эдгээр төлөөлөн гүйцэтгэх ёслол нь санваарын хүчний доор шоронд байгаа сүнснүүдэд сайн мэдээг номлох, зөв шударгын эздийн хүрээг тэлэхийн төлөө урагш явах сэдлийг мөн төрүүлдэг. (Даллин Х.Өүкс, “Эзэнд итгэ ,” 2019 оны 10-р сарын Ерөнхий чуулган , 28)
Арван хоёр төлөөлөгчийн чуулгын ахлагч Дэвид А.Бэднар, ахлагч Роналд А.Расбанд нар Италийн Ром ариун сүмийг онцгойлон адислахаас өмнө хийсэн видео аяллыг удирдах үедээ ийн заасан.
Зураг
Италийн Ром ариун сүмийн аялал
Аврагч: “Хэн ус болон сүнснээс эс төрнө, тэр хүн [тэнгэрийн] хаант улсад орж чадахгүй” хэмээн хэлсэн. Нүглээс ангижрахын төлөө усанд умбуулалтаар гүйцэтгэх баптисм бол Есүс Христийн сайн мэдээн дэх авралын чухал ёслол юм. Харин энд ариун сүмд бид нас барагсдын өмнөөс баптисмыг гүйцэтгэдэг. Манай Сүмийн хоёр гишүүн цагаан хувцастай баптисмын усан санд орж ирэх бөгөөд тэд тэнд нас барсан өвөг дээдсийнхээ төлөө баптисм хүртэх болно. Нас барагсдын төлөөх баптисмыг төлөөлөгч Паул Шинэ Гэрээнд заасан бөгөөд өнөөдөр дэлхий даяарх бүх ариун сүмд энэхүү ёслолыг Сүмд үргэлжлүүлэн гүйцэтгэх онцгой боломж бидэнд бий.
Христийн шашинд байдаг нэг чухал асуулт бол Есүс Христийн тухай огт сонсож байгаагүй хүмүүст юу тохиолддог вэ гэдэг асуудал юм. Түүний нэр нь эрэгтэй, эмэгтэй хүнийг аврах тэнгэрийн доорх цорын ганц нэр юм. Гэсэн хэдий ч, амьдарч байсан бүх хүний дунд Түүний тухай сонссон цөөхөн хүн л Түүний сургаалыг сурч мэдэх, усанд умбуулалтаар гүйцэтгэх баптисмын авралын ёслолыг хүлээн авах боломжтой байсан. Энэ нь нас барагсдын өмнөөс төлөөлөн гүйцэтгэх баптисмаар дамжин боломжтой болдог. Биднийг өвөг дээдсээ Есүс Христийн Хожмын Үеийн Гэгээнтнүүдийн Сүмийн гишүүн болоход албадаж байна уу эсвэл шахаж шаардаж байна уу гэж асуух хүмүүс байдаг. Үүнд “үгүй” гэж хариулмаар байна. Энэ бол хайрын өргөл юм. Түүнчлэн тэд уг ёслолыг хүлээн зөвшөөрөх эсвэл татгалзах боломжтой байдаг. (David A. Bednar and Ronald A. Rasband, in “Two Apostles Lead a Virtual Tour of the Rome Italy Temple ” [video], ChurchofJesusChrist.org )
Сүнсний дэлхийд сайн мэдээг номлох нь ямархуу байх талаар хүндэтгэлтэй жүжиглэхэд суралцагчдад туслахыг бод. Та хичээлээс Жюлигийн дүрийг авч, жүжигчлэн үзүүлж болно. Та хоёр суралцагчаар сүнсний шорон руу очсон эмээ, өвөө Робэртсыг нь төлөөлүүлж болно. Өөр нэг хэсэг суралцагч сүнсний диваажинд очсон эмээ, өвөө Жөүнсийг төлөөлж болно. Жөүнсийнхнийг төлөөлж буй суралцагчдыг Робэртсынд очиж, тэдэнд сайн мэдээг заахад урь. Өөр нэг суралцагчийг Жюли болон түүний ахыг төлөөлөн өвөө, эмээ Робэртсын төлөө ариун сүмд баптисм хүртэхэд урь. Дараа нь Робэртсынхон сүнсний шоронгоос гарч, сүнсний диваажин руу орно.
Жич: Үүний зорилго нь сүнсний дэлхийд сайн мэдээг хэн хэнд зааж байгааг харуулах явдал биш юм. Харин энэ нь сүнснүүд ариун сүмд гүйцэтгэдэг баптисмын ёслолыг хүлээн зөвшөөрсний дараа сүнсний шоронгоос хэрхэн гарч явдгийг харуулах зорилготой (Сургаал ба Гэрээнүүд 138:31 -ийг үзнэ үү).
Суралцагчдын 138-р хэсгийг судлах явцдаа олж нээсэн үнэнүүдийг батлахын тулд та ерөнхийлөгч Нэлсоны өвөөгийнхөө тухай хуваалцсан цэдгийг тэдэнтэй хуваалцаж болно. Та “A Visit from Father ” (3:20) видеог үзүүлж болно. Энэ түүхийн дараа та суралцагчдад дараахтай адил асуултуудыг тавьж болно.
Хэрэв суралцагчдад судруудыг эргэцүүлэн бодох эсвэл тунгаах нь илчлэлийг хэрхэн урьдаг тухай ярилцах нь тустай бол тэднийг Сургаал ба Гэрээнүүд 138:1–4, 11, 29 -ийг уншихад урь. Ерөнхийлөгч Смит энэ удаа хэрхэн судар судалсан талаар дүрслэхдээ ашигласан үгсийг олж мэдэхийг тэднээс хүс. Судруудыг тунгаан бодож, Аврагчийн цагаатгагч золиослолыг эргэцүүлэн бодох нь Бурханаас илчлэл хүлээн авахад биднийг бэлтгэж чадна гэсэнтэй адил үнэнийг суралцагчид олж тогтоож болох юм.
Хэт хувийн шинжтэй биш бол судруудын талаар эргэцүүлэн бодох эсвэл тунгаан бодох үедээ илчлэл хүлээн авсан туршлагаасаа хуваалцахад суралцагчдыг урь. Та дараахтай адил асуултыг тавьж болно.