Կենդանի Քրիստոսը

Կենդանի Քրիստոսը

Ակնարկ

2000 թվականին Առաջին Նախագահությունը և Տասներկու Առաքյալների Քվորումը հրապարակեցին «Կենդանի Քրիստոսը. Առաքյալների վկայությունը» հռչակագիրը՝ ի հիշատակ Փրկչի ծննդյան 2000-ամյակի: Այն հռչակում է Փրկչի մասին կարևոր ճշմարտություններ, որոնք կարող են օգնել և օրհնել մեզ:

Օգնեք ուսանողներին ճանաչել Հիսուս Քրիստոսին. Երբ ուսանողներն ինքնուրույն ճանաչեն Փրկչին, կարող են սովորել Նրանից և գիտակցաբար ձգտել նմանվել Նրան: Ավելի հավանական է, որ իրենց ողջ կյանքում նրանք կդիմեն Նրան՝ օգնության, հույսի և ապաքինման համար: Նրանք կկարողանան զգալ Աստծո սերը: Լրացուցիչ տեղեկություններ ստանալու համար, թե ինչպես օգնել ուսանողներին խորացնել իրենց հասկացողությունը Քրիստոսի մասին, տես «Ուսուցանեք Հիսուս Քրիստոսի տիտղոսների, դերերի և հատկանիշների մասին» բաժինը Ուսուցանել Փրկչի ձևով ձեռնարկում։ Դա անելու օրինակ կարող եք տեսնել նաև այս շաբաթվա դասում, որը վերնագրված է «Կենդանի Քրիստոսը, Մաս 1»։

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Կենդանի Քրիստոսը, Մաս 1

Դասի նպատակը․ օգնել ուսանողներին խորացնել իրենց հասկացողությունը Հիսուս Քրիստոսի մասին:

• Ուսանողի նախապատրաստում. ուսանողներին առաջարկեք սուրբ գրությունների իրենց անձնական ուսումնասիրության ժամանակ կարդալ «Կենդանի Քրիստոսը. Առաքյալների վկայությունը» հռչակագիրը՝ փնտրելով Փրկչի մասին կարևոր ճշմարտություններ:

• Նկարներ. Հիսուս Քրիստոս, աշխարհը

• Նյութեր. «Կենդանի Քրիստոսը. Առաքյալների վկայությունը» հռչակագրի օրինակներ (որպես այլընտրանք, առաջարկեք նրանց գտնել այն իրենց ուսումնասիրության օրագրերում։)

• Տեսանյութեր․ «Գերագույն համաժողով. Ամրացնել հավատքը և վկայությունը» (15:49, դիտել 6:13-6:56), «Excerpts from ‘The Living Christ: The Testimony of the Apostles’» (2:45)

Կենդանի Քրիստոսը, Մաս 2

Դասի նպատակը. օգնել ուսանողներին կիսվել Հիսուս Քրիստոսի մասին իրենց մտքերով և զգացմունքներով ուրիշների հետ։

• Ուսանողի նախապատրաստում. ուսանողներին առաջարկեք վերանայել «Կենդանի Քրիստոսը. Առաքյալների վկայությունը» հռչակագիրը և նշել այն արտահայտությունները, որոնցով կցանկանային կիսվել ուրիշների հետ: Խրախուսեք նրանց հետևել իրենց ստացած ցանկացած հուշումին, թե ինչով կիսվել և ում հետ կիսվել:

• Առարկա ցուցադրման համար. որևէ բան, որը սիրում եք և որով կցանկանայիք կիսվել ձեր դասարանի հետ, օրինակ՝ նկար, փորձառություն կամ ձեր սիրելի ուտելիքը

• Նյութեր․ թուղթ և գրելու պարագաներ, առկայության դեպքում՝ Եկեղեցու հին ամսագրեր, որպեսզի ուսանողները հնարավորություն ունենան այնտեղից կտրել պատկերներ կամ բառեր

• Տեսանյութ․ «Memorize ‘The Living Christ’: Goal Setting Ideas» (2:05)