Sauniuni mo Aoaoga ma Galuega i le Lumanai

Sauniuni mo Aoaoga ma Galuega i le Lumanai

Vaaiga Aoao

Ua poloaiina e le Alii i tatou e saili le aoaoina ma aoaoga. E fesoasoani lenei mea ia i tatou ia avea atili e faapei o Ia ma saunia ai i tatou mo avanoa i le lumanai. E ala mai i le Polokalama o Aoaoga a le Ekalesia, ua saunia ai e le Alii ni filifiliga e mafai ona fesoasoani ia i tatou e faamuamua ai le aoaoina faaleagaga a o tatou tulitulimatagauina aoaoga. Faatasi ai ma Lana fesoasoani, e mafai ai ona tatou saunia ma faia ni fuafuaga mo aoaoga ma galuega.

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

O le Taua o Aoaoga

Fautuaga o le saoasaoa: Mafaufau e aoao atu lenei lesona i le amataga o le tausaga aoga. O le faia o lea mea e mafai ai ona fesoasoani i tagata aoga e iloa ai le taua o le manatu mamafa i a latou aoaoga. Afai o loo aoaoina le Mataupu Faavae ma Feagaiga 88 i le amataga o le tausaga aoga, e mafai ona e mafaufau e aoao atu lenei lesona i lena vaiaso.

Faamoemoega o le lesona: Ina ia fesoasoani i tagata aoga ia malamalama i le taua o aoaoga.

• Sauniuniga a le tagata aoga: Valaaulia tagata aoga e fai se talanoaga ma se tagata matua po o se taitai e uiga i le taua o le aoaoga. E mafai ona latou talanoaina avanoa faaleaoaoga sa sili ona taua ia i latou ma pe aisea.

• Pepa e tufa atu: “O Le Taua o Aoga”

Aoaoga mo le Agaga Atoa

Fautuaga o le saoasaoa: Afai e i ai ni au tagata aoga i lo latou tausaga mulimuli o le kolisi po o le aoga maualuga, e sili ona lelei le aoao atu o lenei lesona ae latou te lei amata talosaga mo kolisi po o filifiliga i le maea ai o le aoga maualuga. Mo se faataitaiga, o le aso mulimuli e faamuamua e talosaga ai mo le semesa o le tautoulu i le BYU o le amataga lea o Novema. Mo BYU–Idaho ma BYU–Hawaii, o le aso mulimuli e faamuamua ai le semesa o le tautoulu o le amataga lea o Fepuari.

Faamoemoega o le lesona: Ina ia fesoasoani i tagata aoga e fai se fuafuaga e faaauau ai aoaoga faalelotu a o tulitulimatagauina a latou aoaoga masani i le lumanai.

• Sauniuniga a le tagata aoga: Valaaulia tagata aoga e tusi e uiga i a latou fuafuaga ma sini faaleaoaoga o loo i ai nei. Valaaulia i latou e mafaufau pe faapefea ona latou fuafua e faaaofia ai le Alii a o latou tulitulimatagauina nei filifiliga.

• Vitio: “The Growth and Momentum of the Church Educational System” (5:25)

• Pepa e tufa atu: “Which CES Institution Is Right for Me?” ma le “Church Educational System”

Mauaina o Ou Malosiaga ma Agavaa

Fautuaga o le saoasaoa: E tatau ona aoaoina lenei lesona a o lei faia le lesona ua faaulutalaina “Atiina Ae o Tomai ma Agavaa.” Afai e manaomia e lau faatulagaga o le aoao atu ona tuufaatasia lesona, e mafai ona aoga le aoao faatasi o nei lesona e lua.

Faamoemoega o le lesona: Ina ia fesoasoani i tagata aoga e saunia mo matafaioi ma galuega i le lumanai e ala i le iloaina o malosiaga ma agavaa o loo i ai nei e manaomia ona latou atiina ae.

• Sauniuniga a le tagata aoga: Mafaufau e valaaulia tagata aoga e faailoa mai malosiaga ma agavaa ua latou maua e mafai ona saunia ai i latou mo matafaioi ma galuega i le lumanai. E mafai ona latou faia lenei mea e ala i le faitauina o o latou faamanuiaga faapeteriaka po o le fefautuaai ma sui o le aiga.

• Pepa e tufa atu: “Tomai ma Agavaa e Iloiloina e le Tagata Lava Ia”

Atiina Ae o Tomai ma Agavaa

Fautuaga o le saoasaoa: E tatau ona aoaoina lenei lesona pe a maea le lesona ua faaulutalaina“Mauaina o Ou Malosiaga ma Agavaa.” Afai e manaomia e lau faatulagaga o le aoao atu ona tuufaatasia lesona, e mafai ona aoga le aoao faatasi o nei lesona e lua.

Faamoemoega o le lesona: Ina ia fesoasoani i tagata aoga e fai se fuafuaga e atiina ae ai tomai ma agavaa o le a saunia ai i latou mo galuega i le lumanai ma isi matafaioi.

Sauniuniga a le tagata aoga: Valaaulia tagata aoga e mafaufau i tomai ma agavaa atonu e manaomia ona latou atiina ae mo galuega po o matafaioi i le lumanai. E mafai ona latou faasino ia i latou na latou faailoaina i le lesona ua faaulutalaina “Mauaina o Ou Malosiaga ma Agavaa.” Valaaulia i latou e mafaufau i ni auala e mafai ona latou atiina ae ai nei tomai po o agavaa i le taimi o lo latou talavou.

• Ata: E toalua talavou; o se kalafi e i ai laina e eseese itu e o iai

• Vitio: “Avea Atili ia Keriso: O Le Faataoto i le Tifato” (10:01; matamata mai le faailo taimi 2:05 i le 3:18); “Faatuatua ma le Sini” (4:40); Laitiiti ma Faigofie” (3:31)

• Pepa e tufa atu: “Atiina Ae o Tomai ma Agavaa”