« ភាពជោគជ័យនៅក្នុងសាលា ៖ ទិដ្ឋភាពទូទៅ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៥ )
« ភាពជោគជ័យនៅក្នុងសាលា » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា
ភាពជោគជ័យនៅក្នុងសាលា
ភាពជោគជ័យនៅក្នុងសាលា
ទិដ្ឋភាពទូទៅ
នៅពេលយើងដាក់ព្រះអម្ចាស់ឲ្យរួមចំណែកក្នុងការរៀនសូត្ររបស់យើង នោះទ្រង់អាចជួយយើងឲ្យជោគជ័យក្នុងការអប់រំ ។ យើងអាចធ្វើតាមគំរូរបស់ព្រះយេស៊ូវគ្រីស្ទ ដោយការប្រព្រឹត្តដោយសេចក្តីសុចរិតក្នុងការធ្វើកិច្ចការសាលារបស់យើង ។ ការចងចាំព្រះអម្ចាស់ និងអ្វីដែលទ្រង់អាចធ្វើសម្រាប់យើង ផ្តល់ឲ្យយើងនូវទំនុកចិត្តដើម្បីយកឈ្នះលើឧបសគ្គក្នុងការអប់រំរបស់យើង ។
ការផ្ដល់យោលបល់ស្តីពីល្បឿនបង្រៀន ៖ សូមពិចារណាបង្រៀនមេរៀនមួយចំនួន ឬទាំងអស់នៃមេរៀនទាំងនេះពេលជិតដល់ដើមឆ្នាំសិក្សា ។ ការធ្វើដូច្នេះអាចជួយសិស្សឲ្យរៀនជំនាញដ៏មានតម្លៃ ដែលជួយពួកគេឲ្យទទួលបានជោគជ័យក្នុងការសិក្សាអប់រំរបស់ពួកគេពេញមួយឆ្នាំ ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
ការធ្វើឲ្យព្រះអម្ចាស់មានចំណែកនៅក្នុងការរៀនសូត្ររបស់អ្នក
គោលបំណងមេរៀន ៖ ដើម្បីជួយសិស្សដាក់ព្រះអម្ចាស់រួមចំណែកក្នុងគ្រប់ទិដ្ឋភាពនៃការអប់រំរបស់ពួកគេ នៅពេលពួកគេស្វែងរកការរៀនសូត្រដោយការសិក្សា និងដោយសេចក្តីជំនឿ ។
-
ការរៀបចំសិស្ស ៖ សូមអញ្ជើញសិស្សឲ្យគិតពីពេលវេលាជាក់លាក់មួយ នៅពេលពួកគេត្រូវរៀនអ្វីដែលថ្មី ឬពិបាក ។ សូមឲ្យពួកគេមករៀនដោយរៀបចំខ្លួនចែកចាយពីរបៀបដែលពួកគេបានធ្វើឲ្យព្រះវរបិតាសួគ៌ និងព្រះយេស៊ូវគ្រីស្ទមានចំណែកនៅក្នុងការរៀនសូត្ររបស់ពួកគេ ។
-
មាតិកាដែលត្រូវបង្ហាញ ៖ សេចក្តីថ្លែងការណ៍ស្វ័យវាយតម្លៃទាំងបួននៅខាងដើមនៃមេរៀននេះ
-
វីដេអូ ៖ « ការបានរួមគ្នាតែមួយនៅក្នុងព្រះគ្រីស្ទ ៖ រឿងប្រៀបប្រដូចនៃមេគុណប្រាប់ទិស » ( ១០:០១ សូមមើលចាប់ពីនាទីទី ០:០០ ដល់ ១:០៥ )
សេចក្តីសុចរិតក្នុងការអប់រំរបស់យើង
គោលបំណងមេរៀន ៖ ដើម្បីជួយសិស្សឲ្យគួរតែប្រព្រឹត្តដោយសេចក្តីទៀងត្រង់ និងសេចក្តីសុចរិតនៅក្នុងការអប់រំរបស់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យជញ្ជឹងគិតពីស្ថានភាពពីអតីតកាលពីការធ្វើកិច្ចការសាលារបស់ពួកគេ ដែលពួកគេប្រឈមមុខនឹងជម្រើសបន្លំ ឬប្រព្រឹត្តដោយមិនស្មោះត្រង់ ហើយជ្រើសរើសមិនធ្វើ ។ សូមអញ្ជើញពួកគេឲ្យជញ្ជឹងគិតអំពីមូលហេតុដែលវាមានតម្លៃ និងអ្វីដែលផ្តល់កម្លាំងដល់ពួកគេក្នុងការធ្វើការជ្រើសរើសនេះ ។
-
វីដេអូ ៖ « Honesty: You Better Believe It! » ( ៤:៤៦ )
ការត្រៀមខ្លួនប្រឡង និងគម្រោងដែលមានការប្រកួតប្រជែង
គោលបំណងមេរៀន ៖ ដើម្បីជួយសិស្សឲ្យយល់ពីរបៀបរៀបចំខ្លួនដោយជោគជ័យសម្រាប់ការប្រឡង និងគម្រោងដែលប្រកួតប្រជែង ។
-
ការរៀបចំសិស្ស ៖ សូមពិចារណាអញ្ជើញសិស្សឲ្យគិតអំពីពេលមួយដែលពួកគេមានអារម្មណ៍ថា ព្រះអង្គសង្គ្រោះបានជួយពួកគេនៅគ្រាមានការប្រឡងដែលប្រកួតប្រជែង និងពិបាក ឬធ្វើគម្រោងសាលា ។ សូមលើកទឹកចិត្តពួកគេឲ្យជញ្ជឹងគិត ហើយរៀបចំខ្លួនចែកចាយពីអារម្មណ៍ដែលទទួលបានជំនួយពីទ្រង់ ។
-
មាតិកាដែលត្រូវបង្ហាញ ៖ សំណួរសម្រាប់សិស្សពិចារណានៅក្រោមចំណងជើងថា « ផ្ដល់ដំបូន្មាន »
ផ្នត់គំនិតរីកចម្រើន
គោលបំណងមេរៀន ៖ ដើម្បីជួយសិស្សអភិវឌ្ឍផ្នត់គំនិតរីកចម្រើន ដើម្បីយកឈ្នះឧបសគ្គក្នុងការរៀនសូត្រ ។
-
ការរៀបចំសិស្ស ៖ សូមអញ្ជើញសិស្សឲ្យគិតពីឧបសគ្គដែលពួកគេប្រឈមមុខក្នុងការអប់រំ ឬការរៀនសូត្រ ។ សូមលើកទឹកចិត្តពួកគេឲ្យគិតពិចារណាពីរបៀបដែលពួកគេឆ្លើយតបនៅពេលប្រឈមមុខនឹងឧបសគ្គទាំងនេះ ។
-
មាតិកាដែលត្រូវបង្ហាញ ៖ និយមន័យនៃផ្នត់គំនិតរីកចម្រើន និងផ្នត់គំនិតថេរ គំនូសតាងបង្ហាញសេចក្តីថ្លែងការណ៍នៃផ្នត់គំនិតរីកចម្រើន និងផ្នត់គំនិតថេរ