Ջոզեֆ Սմիթի առաջին տեսիլքը

Խոնարհ աղոթքի պատասխան

Ջոզեֆ Սմիթը լսում է մարդկանց, որոնք քարոզում են իրենց տարբեր կրոնական համոզմունքների մասին:

Այն վայրում, որտեղ ապրում էր Ջոզեֆ Սմիթի ընտանիքը, կային բազմաթիվ եկեղեցիներ, որոնք ուսուցանում էին Հիսուս Քրիստոսի մասին։ Նրանք բոլորը տարբեր բաներ էին սովորեցնում Նրա մասին։ Ջոզեֆը վստահ չէր, թե ով է ճիշտ։ Նա գիտեր, որ Փրկչի կարիքն ունի, բայց չգիտեր, թե որ եկեղեցուն պետք է միանար:

Ջոզեֆ Սմիթ-Պատմություն 1.5-6, Սրբեր, 1․9

Ջոզեֆը երկար մտածեց այդ մասին։ Նա ցանկանում էր ներում ստանալ իր մեղքերից։ Նա այցելում էր բազմաթիվ եկեղեցիներ, բայց դեռ շփոթված էր։

Ջոզեֆ Սմիթ-Պատմություն 1.8-10, Սրբեր, 1․ 9–12

Ջոզեֆ Սմիթը կարդում է Աստվածաշունչը մոմի լույսի ներքո

Մի օր Ջոզեֆը կարդաց Հակոբոս 1.5 հատվածը Աստվածաշնչում։ Այնտեղ ասվում էր, որ եթե իմաստության կարիք ունենք, կարող ենք խնդրել Աստծուն։ Ջոզեֆը խորապես և անկեղծորեն գիտեր, որ հենց դա պետք է աներ։

Ջոզեֆ Սմիթ-Պատմություն 1.11-13

Ջոզեֆ Սմիթը գնում է աղոթելու իր տան մոտ գտնվող անտառում։

1820 թ․-ի գարնանային մի գեղեցիկ առավոտ Ջոզեֆը գնաց իր տան մոտ գտնվող անտառը։ Նա ցանկանում էր լինել մի վայրում, որտեղ կարող էր միայնակ աղոթել Երկնային Հորը։

Ջոզեֆ Սմիթ-Պատմություն 1․14-15

Նա ծնկի իջավ և սկսեց աղոթել: Աղոթելիս նա զգաց մի չար ուժ, որը սկսեց ներգործել իր վրա։ Նա իր շուրջը խավար զգաց։ Թվում էր՝ ինչ-որ մեկը փորձում էր խանգարել իրեն խոսել Աստծո հետ։ Ջոզեֆն իր ողջ ուժով խնդրեց Աստծուն, որ փրկի իրեն։

Ջոզեֆ Սմիթ-Պատմություն 1.15-16

Երկնային Հայրը և Հիսուս Քրիստոսը հայտնվում են Ջոզեֆ Սմիթին։ Նա ծնկի է գալիս նրանց առջև։

Հանկարծ Ջոզեֆը երկնքից իջնող գեղեցիկ վառ լույս տեսավ։ Խավարը հեռացավ, և նա խաղաղություն զգաց։ Լույսի մեջ Ջոզեֆը տեսավ Երկնային Հորը և Հիսուս Քրիստոսին, որոնք կանգնած էին օդում։ Երկնային Հայրն ասաց Ջոզեֆի անունը: Հետո, մատնացույց անելով Հիսուսին, Նա ասաց․ «Սա է Իմ Սիրելի Որդին։ Լսիր Նրան»:

Ջոզեֆ Սմիթ-Պատմություն 1.16–17

Հիսուսն ասում է Ջոզեֆ Սմիթին, որ նրա մեղքերը ներված են։

Հիսուսն ասաց Ջոզեֆին, որ նրա մեղքերը ներված են: Ջոզեֆը հարցրեց Հիսուսին, թե որ եկեղեցուն պետք է միանար։ Հիսուսն ասաց նրան, որ դրանցից ոչ մեկին չպետք է միանա:

Ջոզեֆ Սմիթ-Պատմություն 1.18-19, Սրբեր, 1․16

Ջոզեֆ Սմիթը, ծնկի իջած ծառերի պուրակում, լսում է Փրկչին:

Հիսուսն ասաց, որ Իր ավետարանի մասին կարևոր ճշմարտությունները կորսվել են։ Նա ասաց, որ հրեշտակներ կուղարկի, որպեսզի այդ ճշմարտությունները ուսուցանեն Ջոզեֆին, որպեսզի կիսվի աշխարհի հետ։

Սրբեր, 1․16-17

Ջոզեֆ Սմիթը դուրս է գալիս անտառից և քայլում դեպի տուն:

Տեսիլքի ավարտից հետո Ջոզեֆը լցվեց սիրով ու ուրախությամբ։ Նա այլևս շփոթված չէր: Նա գիտեր, որ Աստված սիրում է իրեն։ Թեև որոշ մարդիկ ատում էին նրան այն բանի համար, որ նա ասում էր, թե տեսել էր Երկնային Հորը և Հիսուս Քրիստոսին, Ջոզեֆը գիտեր, որ դա ճշմարիտ էր։

Ջոզեֆ Սմիթ-Պատմություն 1.20-26, Սրբեր, 1․16