1829

Հրեշտակները վերականգնում են քահանայությունը

Աստծո աշխատանքը կատարելու զորություն

Երբ Ջոզեֆն ու Օլիվերը թարգմանեցին ոսկե թիթեղները, նրանք իմացան, որ Հիսուսը ցանկանում էր, որ բոլորը մկրտվեին։ Նա նաև իշխանություն տվեց մարդկանց՝ մկրտելու ուրիշներին: Ջոզեֆը չէր մկրտվել։ Նա ցանկանում էի ավելին իմանալ մկրտության մասին:

Ջոզեֆ Սմիթ-Պատմություն 1․68, Սրբեր, 1․65–66

Ջոզեֆն ու Օլիվերը մտածում էին, թե այժմ ով ունի մարդկանց մկրտելու զորություն: Նրանք որոշեցին հարցնել Աստծուն։ Նրանք մտան անտառ և ծնկի իջան աղոթելու։

Ջոզեֆ Սմիթ-Պատմություն 1.68, Սրբեր, 1․66

Մինչ նրանք աղոթում էին, մի հրեշտակ հայտնվեց։ Նա ասաց, որ ինքը Հովհաննես Մկրտիչն է, ով շատ վաղուց մկրտել է Հիսուս Քրիստոսին։ Նա Ջոզեֆին և Օլիվերին տվեց Ահարոնյան քահանայությունը: Քահանայության զորությունը Աստծո զորությունն է: Այն օգտագործվում է Աստծո զավակներին օրհնելու համար:

Վարդապետություն և Ուխտեր 13, Ջոզեֆ Սմիթ-Պատմություն 1.69, 72, Սրբեր, 1.66-67

Հովհաննես Մկրտիչն ասաց, որ Ահարոնյան քահանայություն կրող մարդը կարող է մարդկանց սովորեցնել ապաշխարել և մկրտել նրանց։ Հովհաննեսը Ջոզեֆին և Օլիվերին պատվիրեց մկրտվել։ Նրանք մտան մի գետ ու մկրտեցին միմյանց։ Երբ նրանք դուրս եկան ջրից, լցվեցին Սուրբ Հոգով: Նրանք շատ երջանիկ էին:

Ջոզեֆ Սմիթ-Պատմություն 1․70-73

Հետագայում այլ հրեշտակներ եկան։ Հիսուսի առաքյալներից երեքը՝ Պետրոսը, Հակոբոսը և Հովհաննեսը, Ջոզեֆին և Օլիվերին տվեցին Մելքիսեդեկյան քահանայությունը։ Այժմ Ջոզեֆն ու Օլիվերը կարող էին տալ Սուրբ Հոգու պարգևը։ Ջոզեֆն ու Օլիվերը նույնպես առաքյալներ դարձան։ Նրանք կարող էին առաջնորդել եկեղեցին և լինել Հիսուս Քրիստոսի հատուկ վկաները։

Վարդապետություն և Ուխտեր 27․12, Սրբեր, 1․84