Aso Lua, 26 Mati

Aoao atu i Ierusalema

“E te alofa atu i le Alii lou Atua ma lou loto atoa, ma lou agaga atoa, ma lou manatu atoa” (Mataio 22:37).

I Ierusalema, sa siomia Iesu e le au lagolago ma le au faitio foi. I le avea ai ma Faiaoga Sili, Na te le i tuuina lava se avanoa e faasoa atu ai Lona atamai, e alu maumau. I le vaiaso mulimuli o Lona soifua, sa Ia faasoa mai ai nisi o Ana aoaoga aupito sili ona tumau. Ae o Ana upu sa lei faamoemoeina mo na o tagata sa i ai i lena taimi. O Ana aoaoga i Lana galuega atoa e mafai foi ona faamanuiaina ai o tatou olaga.

I le konafesi aoao ia Oketopa 2018, na aoao mai ai Peresitene Dallin H. Oaks:

“Ua luitauina i tatou e le talalelei a Iesu Keriso ina ia avea ma se isi mea (e sili atu). … Mai i na aoaoga tatou te faia ai se faaiuga faapea, o le Faamasinoga Mulimuli e le na o se iloiloga o se aofa’iga atoa o amioga lelei ma amioga leaga—o mea na tatou faia. E faavae i le aafiaga tupito o a tatou faatinoga ma mafaufauga—o tagata ua avea ai i tatou. Tatou te agavaa mo le ola e faavavau e ala i se faagasologa o le liua. E pei ona faaaogaina ii, o le upu lea o faauigaga e tele, o loo ta’u mai ai se suiga tele o le natura. E lē lava mo so o se tasi le tau lava ina fai. O poloaiga, sauniga, ma feagaiga o le talalelei ua le o se lisi o tupeteu e manaomia ona fai i se teugatupe faalelagi. O le talalelei a Iesu Keriso o se fuafuaga lea ua faaali mai ai ia i tatou le auala e avea ai ma tagata ua finagalo lo tatou Tama Faalelagi e avea ai i tatou. (“Malo o le Mamalu,” Liahona, Nov. 2023, 28)

Faitau ma Mafaufau loloto

• Mataio 22:36–40

• Mataio 25:34—45

E mafai faapefea ona e faaaogaina ia aoaoga a le Faaola i lou olaga?

Maimoa

Matamata i nisi o vitio pupuu Faatusipaia e 40 i aoaoga a Iesu Keriso (Teachings [video series], Gospel Library).

Pese

“Aoao Mai Ia Ou Ui i le Malamalama,” Viiga,, nu. 187.