Aso Sa o le Pama, 24 Mati

Valoaga o le Soifua Mai o Iesu Keriso

“Faauta, o le toetu mai o Keriso ua togiolaina ai tagata, ioe, o tagata uma, ma toe aumai ai i latou i luma o le Alii” (Helamana 14:17).

Pe tusa o le 6 TLM, o le toatele o tagata sa nonofo i Saraemila i Amerika anamua ua leai so latou faatuatua ia Iesu Keriso. O lea na auina atu ai e le Atua ia Samuelu le perofeta e molimau atu i le soifua mai o le Faaola, le maliu, ma le Toetu ma valaaulia tagata ia salamo ma talitonu ia Iesu Keriso. Na faamatala ai e Samuelu faapea na saunia e le Alii ia faailoga o le soifua mai ma le maliu o le Faaola ina ia “iloa ai e tagata … lona afio mai” ma “talitonu i lona suafa” (Helamana 14:12).

O le asō ua tatou ola ai i se taimi ua valoia ai e perofeta o ona po nei le Afio Mai Faalua o le Alii toetu. Sa saunoa mai Peresitene Russell M. Nelson:

O’u uso e ma tuafafine pele, e anoanoa’i mea matagofie o loo i luma atu. I aso a sau, o le a tatou vaai ai i le faailoaga silisili o le mana o le Faaola e le’i vaai muamua lava i ai le lalolagi. I le va o le taimi nei ma le taimi e toe fo’i mai ai o Ia “faatasi ma le mana ma le mamalu silisili” [Iosefa Samita—Mataio 1:36, o le a Ia faae’e mai avanoa e le mafaitaulia, faamanuiaga, ma vavega i luga o e faamaoni. (“Manumalo i le Lalolagi ma Maua le Malologa,” Liahona, Nov. 2022, 95)

Faitau ma Mafaufau loloto

• Helamana 14:1–28

O a ni aafiaga na e maua na faamalosia ai lou faatuatua i le Tama Faalelagi ma Iesu Keriso?

Tusifaamaumau Ou Lagona Uunaia

Maimoa

“Ua Faamatala atu e Samuelu le sa Lamanā e uiga ia Iesu Keriso”

Chapter 40: Samuel the Lamanite Tells about Jesus Christ

Pese

“Samuel Tells of the Baby Jesus,” Children’s Songbook, 36