2.

Utung Emen Emen Irail kan oh Peneinei kan ong nan Doadoahk en Komour oh Mour Soutuk

2.0

Kapehse

Ni omw wia kaun emen nan Mwomwohdiso en Sises Krais, komw iangehr utung emen emen irail kan oh peneinei kan ong pweidahn kapwaiada Sapwellimen Koht doadoahk en komour oh mour soutuk (kilang 1.2). Kahrepe keieu laud oh kesempwal pen doadoahk wet iei en sewese Sapwellimen Koht seri kan koaros en alehdi kapai kan en mour soutuk oh popohl unsek.

Palilaud en doadoahk en komour oh mour soutuk wet pahn pweida sang ni peneinei. Ong towe kan koaros en Mwomwohdiso, doadoahk wet e poasoandahsang nan ihmw en kouson kan.

2.1

Pwukoah en Peneinei nan Sapwelimen Koht Pilahn

Kisehn Sapwellime pilahno, Sahm Nanleng koasonehdi peneinei kan pohn sampah. E kupwuriki peneinei kan en wahdohng kitail peren. Peneinei kan kin ahneki ahnsou mwahu en kaskuhlki, kekeirda, papah, koluhla, oh mahk. Irail kak sewese kitail en kaunopadahng mour soutuk.

Sapwelimen Koht inou ong mour soutuk iei me iangahki kapwopwoud poatoapoat, seri kan, oh kapai en peneinei soutuk. Inou wet pil doadoahkohng irail kan me saikinte pwopwoud de me sohte arail peneinei nan Mwomwohdiso.

2.1.1

Peneinei Kokolahte kan

Peneinei soutuk kin wiawihda ni ansou me towe kan en Mwomwohdiso kin wiahda arail inou sarawi ni arail alehdi tiahk sarawi en katengtengpene nan tehnpas sarawi. Kapai kan en peneinei soutuk kin sansal ni ansou me towe kan kin kapwaiada inou sarawi kan oh koluhla ni ansou me irail kin luwetala. Kaun akan en Mwomwohdiso kin sewese toweh kan kaunopada en alehdi tiahk sarawi kan oh wauneki arail inou sarawi kan.

Pil ehu men sawas ong kawada peneinei soutuk iei wiewia tiahk sarawi kan nan tehnpas sarawi me mweidohng toweh kan en kak katengtengiong kaudaudokerail me melahr akan.

2.1.2

Ohl oh Lih Pwopwoud

Pwopwoud nan pwungen ohl emen oh lih emen iei kasarawi en Koht (kilang Doctrine and Covenants 49:15). Ohl oh lih pwowpoud men koasondier irahn ehupene ni ara kekeirda ong mour soutuk (kilang 1 Korint 11:11).

Ehu anahn me anahnepe ong alehdi mour soutuk iei ong ohl emen oh lih emen en pidelongohng nan inou sarawi en kapwopwoud kohkohlahte (kilang Doctrine and Covenants 131:1-4). Pwopwoud ehu kin wiahda inou sarawi wet ni ansou me ira alehdi tiahk sarawi en katengtengpenehn kapwopwoud nan tehnpas sarawi. Inou sarawi wet iei me wia poahsoan en peneinei kohkohlahte. Ansou me ira kin kolokol tengeteng ara inou, e kin sewese ara pwopwoud en dadaurete kohkohlahte.

Tuhpenehn paliwar nan pwungen pwopwoud ehu wia mehkoat lingang oh sarawi. Ire wet kasarawilahr sang Koht pwehn wiahda seri oh kasalehda limpoak nan pwungen ehu pwopwoud Meleilei oh wahu—kaidehn kailok—me pahn anahne en kaweid nan pwungara.

Koht ketin poahngoakier me wiewiahn nan pwungen pwopwoud iei e pahn wiawihte ong nan pwungen ohl oh lih.

Ohl oh lih pwopwoud koaros duwepenehte mwohn sihlangin Koht. Emen sohte pahn wiakawe emen. Ara koasondi kan pahn kin wiawihda sang ni ehupene oh limpoak, ira koaros pahn kin pwungkihpenehte ehu.

2.1.3

Pahpa oh Nohno kan oh Serih kan

Soukohp en imwin rahn-akan padahngkier me “Sapwelimen Koht kosonned ong Sapwelime serih kan en kaparaparala oh audehla sampah wie tengetengete” (“Peneinei: Kokohp Ehu Ong Sampah”; pil kilang Doctrine and Covenants 49:16–17).

Ohl pwopwoud oh lih pwopwoud limpoak ehu kin kaunopada wasa kaselel ehu ong kakairada oh apwaliada seri kan. Ma emen kin pein wia ah e kin kak en perehsang pahpa oh nohno ara pahn kakairada seri kan nan pwungara. Ahpw, Kauno pahn ketin kapai irahda ni ara pahn rapahki Sapwelime sawas oh nantihong kolokol ara inou sarawi kan ong Ih.

Pahpa oh nohno kan ahneki pwukoah keieu laud en sewese neirail seri kan kaunopada en ale kapai kan en mour soutuk. Irail kin padahkihong neirail seri kan en poakoahng oh papah Koht oh mehtei kan (kilang Madiu 22:36–40).

“Sang ni koasoandi sarawi, pahpa kan pahn kin kaunda arail peneinei kan ni limpoak oh mour pwung oh pwukoahki soahng kan me anahn ong mour oh en sinsile arail peneinei kan” (“The Family: A Proclamation to the World”). Ni ansou me sohte ohl pwopwoud de pahpa nan ihmw en kousono, nohnou me pahn kaunda peneineio.

Kaunda peneineio iei e wia pwukoah ehu en sewese kaweid toweh kan en peneineio en pwurala momourki weihn Koht. Met eh pahn pweida sang ni papah oh padahk ni meleilei, aktikitik, oh limpoak unsek, ideidawehn karasaras en Sises Krais (kilang Madiu 20:26–28). Kaunda peneineio e iangahki kaweid peneinei ong kapakap rahn koaros, onopki rongamwahuo, oh ni songen wiepen kaudok teikan. Ohl oh lih pwopwoud ehu kin doadoahkpene pwe pwukoah kan en kin pweida.

“Nohno kan arail pwukoah keieu kesempwal iei apwalih kekeirdahn neirail serih kan” (“The Family: A Proclamation to the World”). Apwaliada iei e wewehki kamwengehda, padahki, oh utung, ideidawehn karasaras en Sounkomouro (kilang 3 Nihpai 10:4). Pwehn ehuiong ohl pwopwoudo, nohno men kin sewese ah peneinei esehla duwen mehlel en rongamwahuo oh kakeirada pwoson Sahm Nanleng oh Sises Krais. Ira patpene koaros apwaliada wasa ehu me diren limpoak nan peneineio.

“Nan pwukoa sarawi pwukat, pahpa kan oh nohno kan ahneki pwukoah en sewese emen emen nin duwen werek pahrek” (“Peneinei: Kokohp Ehu Ong Sampah”). Ira kin kapakapkipene ara kaweidpene oh ong Kauno. Ira kin wiahda koasondih kan ni ehupene oh limpoak, ira koaros pahn kin pwungkihpenehte ehu.

2.2

Doadoahk en Komour oh Mour Soutuk nan Ihmw en Wasahn Kouson akan

Presedensi Keieu mahsanih me, “Wasahn kouson akan me wia utupen mour mehlel” (First Presidency letter, Feb. 11, 1999).

Pwehn utung towe kan on wiewia doadoak en komour oh mour soutuk nan wasahn kouson akan, kaun akan en Mwomwohdiso en koangoangoahki irail en kawada ihmw en kouson me Ngehno pahn kin ketket ie. Irail pil pahn koangoangoahki towe kan en wauneki rahn en Sabad, onopki oh kaskuhlki rongamwahuo nan ihmw en kouson akan, oh kin wia sarawi en peneinei nan wihk koaros.

2.2.3

Onopki Rongamwahuo oh Kaskuhlki nan Ihmw en Wasahn Kouson akan

Padahngki oh kaskuhlki rongamwahuo wia kemwekid keieu kesempwal nan ihmw en kouson akan oh Mwomwohdiso utung mehlel. Kaun akan en Mwomwohdiso pahn kin koangoangoahki toweh kan en onopki rongamwahuo ni imwarail kan ni rahn en Sabad oh nan wihko pwon.

Mehn onop en iren pwuhk sarawih kan me sansalehr nan Kohdo, Idawehn Ie—Ong Emen Emen Irail kan oh Peneinei kan iei me wia me onop en rongamwahu me pahn kin wiawi ni ihmw en kouson kan.

2.2.4

Soutuk en Sarawihn Peneinei oh Kemwekid Teikan

Soukohp en imwin rahn-akan kaweihdkier toweh kan en Mwomwohdiso en kin wia soutik en sarawihn peneinei nan wihk koaros. Met e wia ahnsou sarawi kesempwal ehu ong emen emen irail kan oh peneinei kan en esehla duwen rongamwahuo, kakehlaka kadehdeh kan, kakairada ehupene, oh pereperenpene.

Soutuk en sarawihn peneinei kak wiawi sohte lipilipil, pahsante koasondi en toweh kan. E kak wiawi rahn en Sabad de rahn teikan oh kulok. E kak iangahki:

• Onop en Rongamwahu oh mehn kaweid kan ( iei Kohdo, Idawehn Ie mehn kaskuhl kan me kak doadoahk).

• Papah mehtei kan.

• Kokoul de rongorong koul en sarawi kan oh koul en Piraimeri kan (kilang iralaud 19).

• Kin utung tohn peneinei kan nan Kekeirdahn Serih kan oh Me Pwulopwul kan.

• Peneinei en kaweidpene en koasonehdi dahme irail men wia ehu rahn, en kak kamwauiala apwal akan, oh koasoikipene sketuwel kan.

• Kemwekid Teikan Likin Rahn me Koasondi

Towe kan me kiripw oh mehtei kan kak pokonpene likin rahn en kaudok en rahn en Sabad pwehn iang patehng soutuk en peneinei oh kakehlaka emen emen sang ni onop en rongamwahu.

2.2.5

Kin Utung Emen Emen

Kaun akan en Mwomwohdiso kin sewese toweh kan me kin sohte mie utuht sang peneinei.

Kaun akan kin sewese towe pwukat oh arail peneinei kan en ahniki ahnsou mwahu en iang patehng kaudok kan, ehupeneh kan me kin wiawi, oh kekeirdahn pali ngehn.

2.3

Ehupenehn nan Pwungen Wasahn Kouson oh Mwomwohdiso

Doadoahk en komour oh mour soutuk iei me wia poahson en wasahn kouson oh e utuht sang Mwomwohdiso. Padahk sarawi kan me doadoahk nan ehupene en nan pwungen wasahn kouson oh Mwomwohdiso.

• Kaun akan oh sounpadahk akan kin wauneki pwukoahn pahpa oh nohno oh sewese irail.

• Ekei mihting kan en Mwomwohdiso inenen kesempwal nan ehu ehu ward de branch. Met akan me iangahki sarawihn kamadipw sarawi oh ehupenehn kaskuhl kan oh mihting en kohrum me kin wiawi rahn en Sabad. Ekei mihting tohtoh kan, kemwekid kan, oh pirokram kan e sohte nohn kesempwal.

• Rahn en sarawi oh kin iang patehng, e kin kasalehda lapalahn tohnmetei. Kauno pahn ketin kapaiada toweh kan ni arail pahn kin papah oh tohnmetei nan Sapwellime Mwomwohdiso. Ahpw, wen ahnsou en papah me kohieng Mwomwohdiso sohte pahn kawehla en toweh kan arail ahnsou en kapwaiada arail pwukoah kan nan arail ihmw en kouson akan, wasahn doadoahk, oh wasa sohte lipilipil.