miting er a chelechad er a ward

4.

Rengara omerredel me a Chelechad er a chelsel a Ikelesia er a Jesus Kristo

4.0

Uchelel

Me kau loungerachel er a chelsel a Ikelesia, e mla mokedong lokiu ulterekokl el mesiungel a Rubak. Nganrgii a techellem lolngeseu er a urerel a Chedam er a Babeluades el kirel a diak lmuut el morngii el kodall me a ngar el mo cherechar er a chad (Moses 1:39).

4.2

Osisechakl er a rengara Omerredel er a chelsel a Ikelesia

Sera lengara beluulechad, e a Osobel a ulechotii okesiu er a omerredel er a chelsel a Ikelesia er Ngii. Sel kmal mle moktek er Ngii a meruul a soal a Demal er a Babeluades e ngosuterir a rebebil el mo medengelii e oltirakl er a ebangkelio er Ngii (mesa Johanes 5:30; Mosiah 15:7).

Mosiik a ulekrael er a Rubak el mo ngosukau el suub e kudmokl a ngerchelem er a urerem.

4.2.1

Mkedmeklau er a chedoal tekoi

A Jesus a kildmeklii er a chedaol tekoi el kirel a Urerel er a beluulechad (mesa Lukas 4:1–2). Kau me ke dirrek el kudmkelau er a chedaol tekoi sel molkeed er kau el mora Chedam er a Babeluades lokiu a nglunguuch, omengiuel chedaol llechukl, me a otireklem er a Llechul.

Mosiik chedaol ocholt el mo medengei aikel lousbech tirkel mosiou er tir e mekera omkedmeklii a ureor el Dios a mla mekodongau el kirel.

A Rubak a mla yaksok el mo oltengel a chedaol sengk el mo er tirkel losiik el kirel (mesa Doctrine and Covenants 46:8).

4.2.2

Oldingel er a Rokui el Ngelekel a Dios

Moubeltikereng el kirir a rechad el moldingel er tir el uaia Jesus. Moluluuch ”el meral ngara klisichel a rengum” el mo mui er a beltikereng er Ngii (Moroni 7:48).

Mngosuterir a re dersta el chad el mo dmolech a beltir er a rengrir e melisiich a klaumera er tir er a Chedam er a Babeluades me a Jesus Kristo. Mngosuterir el mo kldmokl el mo meruul a telbiil sel bo lolai chedaol ruoll. Mongelechel er tir el mo oltirakl a telbiil el bla lruul e bo el urrekodel er a klengeltengat er a ouchelreng.

4.2.3

Olisechakl er a Ebangkelio er a Jesus Kristo

A rokui el ngara omerredel a resensei. Molasm loltirakl er a okesiul Osobel el sensei (mesa chapter 17; Olisechakl el nga er sel Teletelel Osobel ). Ngokiu omelkingem me a omerellem, e molisechakl osischeklel a Jesus Kristo me a ikel suobel el ngara ebangkelio er Ngii (mesa 3 Nephi 11:32–33; Doctrine and Covenants 42:12–14).

Molisechakl chedaol llechukl me a tekingir a reprofet er chelechal taem (mesa Doctrine and Covenants 52:9).

A lsekum e ke mokedong el mo bdelul a miting er a Ikelesia a lechub eng activitiy e bom kerekikl me a osisechakl a ngarngii a ultutelel e klemerang (mesa Doctrine and Covenants 50:21–23).

4.2.4

Oungerachel el ngara Llemalt

A bek el oungerachel a mesiou el ngara cheungel a dereder er ngike el chad lolab a kiis er a priesthood (mesa 3.4.1). Tiaikid el teletael a meskid a bleketakl el beldeklel a ngerachel sel doruul a urerel a Rubak.

A chad loungerachel a sebechel msa ngerchelel a tara rechad el kuk mo oungerachel el di telkib el taem.

A oungerachel el bdelul a chelechad er a Ikelesia, miting, a lechub eng omilil a kerekikl me a moktek er a Rubak a mekedmokl. Sel bo el uaisei, e ngike el oungerachel a oltirakl osisechakl er a ebangkelio, llechul a Ikelesia, me a odbechel Chedaol Reng.

A okedong a lechub a ngerachel a diak el relii a chad el uaia le klou a belkul a lechub eng klou a ultutelel er a rebebil (mesa Doctrine and Covenants 84:109–10).

Ng diak lungil a dosiik el mo mengedereder a chelechad er a chelsel a Ikelesia er a Rubak (mesa Doctrine and Covenants 121:34–37).

4.2.5

Omii a ngerachel e Kerekikl a mo Teletelel Ruriul

A Osobel a milsterir a Rechedal a ureor me a ngerachel (mesa Lukas 10:1). Ng dirrek el milsterir a techall er a ngerachel el kirel a ureor el mla mo er tir (mesa Luke 9:10).

Me kau loungerachel, eng sebechem el ngosuterir a rebebil el mekeroul e blii a ngerachel mo er tir. Molasm lousbech er a rokui el chedal a ikelesia sel moruul a urerel a Dios.

A obii a ngerachel eng dirrek el rullau el mo ungil er a ngerchelem. Mosiik a ulekrael er a Chedaol reng el kmo ngera el ngerachel obiii me bol sebechem el kudmokl a meklou a belkul ngerchelem.

4.2.6

Mkedmekelterir a Rebebil el mo Ngara Omerredel e Sensei

Sel momdasu el kmo ng techa mo mesiou a ngerachel a lechub a okedong er a Ikelesia, e bom ngara nglunguuch. Molatk el kmo a Rubak a mo smisicheterir tirkel Ngii omekedong er tir. Sel klou a ultutelel a kmo te blak a rengrir el mo mesiou, e oba ngariou el reng a osiik a ngeseu er a Rubak, e melasm el mo klikiid.

4.2.7

Molib a Miting, Suobel, me a Omilil el Bleketakl a Moktek er Ngii

Mosiik a ngeseu er a Chedaol reng sel molib a miting, suobel, me a omilil el ngarngii a bleketakl motek er ngii. Aika el moktek a kirel melisiich er a dersta el chad me a telungalek, e ngoiteterir el mo kmeed er a Kristo, e ngosuterir el kudmeklii a urerel a Dios er a mo suobel me a kiei el mo cherechar (mesa chapters 1 and 2).

4.2.8

Omes a Urerem

Bo blechoel lomes a ngerchelem me a ulekerulem er a chedaol tekoi. Dirrek el momtab a ulekerulir tirkel moungerachel tir.

A klungiaol el mei er kau loungerachel a ultuil er a blakereng er kau lolngeseu er a rengelekel a Dios el mo blak a rengrir loltirakl er a Jesus Kristo. Ng sebechem el mo medengei el kmo a Dios a ungil a rengul kirel a urerem sel molchesuar a Reng loureor lobengkem.

4.3

Chelechad er a Ikelesia

A Rubak a mla dmu er a remerredel er a Ikelesia er Ngii el mo dmak e chadecheduch sel loruul a Urerel (mesa Doctrine and Covenants 41:2–3). A chelechad a mesterir a techall tirkel chedal el mo ngmai chedaol ocholt sel losiik el mo medengei aikel lousbech a rengelekel a Dios e osiik rolel el kmo ng mekera lolngeseu er tir.

4.4

Osisechakl er a Bedochel Chelechad

4.4.1

Moktek er a Chelechad

A chelechad oba tokubets el ngerachel lolngeseu er a rechedal a ikelesia el ngmai chedaol ruoll e oltirakl a telbiil lobengkel.

4.4.2

Mengedmokl el kirel a Miting er a Chelechad

A rengara omerredel me a chelechad a kirir el blechoel kebetech. Tirkal loungerachel a osiik a ulekrael er a Rubak sel lolib a miting er a chelechad. Te dirrek losiik a uldesuir a rechedal a chelechad er a ikel kirel soadel.

A roungerachel a di uchei e te subedeterir tirkel chedal a chelechad el kirel a tekoi el mo soadel. A rechedal a chelechad a mo kldmokl el mo ocholt a uldesuir er a ikel mo soadel tekoi.

4.4.3

Cheldecheduch me a Melib a Uldasu

Sel temel a miting er a chelechad, e a oungerachel (a lechub a chad el mla metutk er a oungerachel) a smodii a tekoi el kirel soadel. A oungerachel a mengelechel er a cheldecheduch er a delongelir a rechedla a chelechad, loker a ker e osiik a uldasu.

A rechedal a chelechad ouchais a uldesuir e kaiuerenges loba omengull. Me sel losiik er a soal a Rubak, e a reng er a ulekrael me a kltalreng a mocholt.

Aike el chelechad el ngarngii a redil me a rsechal, e a oungerachel a remenges a uldesuir rokui. A redil me a rsechal a blechoel kakerous a uldesuir el sebechel rulii a tekoi meng tabesul.

A oungerachel a omtebechel e omekrael er a cheldecheduch. Eng di, ngii a bai kirel kmal ungil lorrenges e diak el sal mengedecheduch.

Uriul er a cheldecheduch, e a oungerachel a sebechel tibir a rael el bo lobang a lechub eng mecherei mo uriul e melemolem losiik a lmuut el ulekrael luldasu.

4.4.4

Kltalreng

A rechedal a chelechad a kirir el mo tang a moktek er tir lobengkel a Chedam er a Babeluades me a Jesus Kristo. Te melasm loba kltalreng er a tekoi losaod me a metib luldasou.

4.4.5

Omeruul me a Ngerachel

A rechedal a chelechad a oumesingd el meruul a urerir ruchei me a uriul er a miting. Sel temel a miting, e te osiik a ulekrael uldasou sel longedmokl a moktek el mo oltaut a uldesuir. Ea oungerachel er a chelechad a siotai er a rechedal a chelechad el mo kudmokl a ngerchelir el kirel aikel moktek.

A rechedal a chelechad a kirir louchais aikel ngerchelir. A teletelel a urerir a ultuil er a blakereng er tir el meruul e omes meng mekedmokl a ngerchelir.

4.4.6

Berrotel

A roungerachel a kirir el mo kerekikl sel louchais a tekoi el kirir a dersta el chad. Ng blechoel kirir el nguu a kengei er ngike el chad ruchei er a louchais aika el tekoi.

A rechedal a chelechad a diak el kirir louchais a tekingel a dersta el chad er a ikrel a chelechad a lsekum eng diak el kirel a kedmeklel a ngerachel er ngike el merredel.

A bebil er a tekoi a kmal okedeldaol el diak el soadel er a chelsel a cherrengelel a chelechad.