te mwaane e taetae man te bao n taetae

7.

Te Bitiobiriki

7.1

Te Bitiobi ao Ana Kauntira

Te bitiobi e tauii kiingin te nakoanibonga ni kaira aron ana mwakuri te Ekaretia inanon te uoote (taraa 3.4.1). Ngaia ma ana kauntira a katea rabwatan te bitiobiriki.

Te bitiobi iai nimaua oin ana mwakuri:

• Bon ngaia te mataniwi n ibonga ae rietata n te uoote.

• Ngaia te beretitenti n te Nakoanibonga ae te Aaron.

• Ngaia te tia moti ni kabuta.

• E barongaa te mwakuri ibukin te kamaiuaki ao te karietataaki, n reitaki ma tararuakiia naake a rootaki n te kainnano.

• E tararuai rekooti, taekan te mwane, ao kabonganaan auti ni bootaki.

Moan taben te bitiobi bon ibukin te roro ae rikirake n te uoote, (ataei, roronrikirake, ao kairake ni ikawai aika tuai iein). Bwa e aonga ni konaa ni kabanea ana tai iaon katabena aei, e anga mwioko aika mwaiti (taraa 4.2.5

7.1.1

Te Mataniwi ni Ibonga Ae Rietaata

Te bitiobi bon te tia kairiiri ibukin te maiu n tamnei n te uoote.

7.1.1.1

Bootaki n te Uoote ao Kooram n te Nakoanibonga

Te bitiobi iai tabena ibukin te Bootaki n Aine n te uoote ao te Bootaki n Ataeinnaine. E mwiokoia ana kauntira n tabeia ibukin te Reirei n Tabati ao Bootaki n te Moanrinan ao burokuraem tabeua n te uoote.

Taben te bitiobi ibukiia kooram n te Nakoanibonga ae te Aaron a kabwarabwaraaki n 7.1.2. Tabena ibukin te kooram n unimwaane a kabwarabwaraaki n 8.3.1

7.1.1.2

Otenanti ao Kakabwaia

Te bitiobi e kaira waakin karaoan taian otenanti aikai ao kakabwaia inanon te uoote:

• Te toa

• Aranakin ao kakabwaiaan te ataei

• Bwabetitoakiia ao kamatoakiia ataei ake 8 aia ririki ake membwa n te rekooti (ibukiia aika rairaki, taraa 31.2.3.2)

• Anganakin temanna te Nakoanibonga ae te Aaron ao te katabu nakon nakoa n te riikan, tia reirei, ao te ibonga

7.1.1.3

Bootaki ni Kauntira ao Bootaki Nako

Te bitiobi e kaira te uoote kauntira ao te uoote kauntira ibukiia kairake ( 29.2.5 ao 29.2.6).

Te bitiobiriki e bairei bootaki n toa ao bootaki riki tabeua n te uoote aika karinanaki inanon mwakoro 29

7.1.1.4

Weewete ao Kamotirawa

Taben te bitiobi ibukin weewete ao kamotirawa a kabwarabwaraaki inanon mwakoro 30.

7.1.2

Beretitenti n te Nakoanibonga ae te Aaron

Aikai taben te bitiobi ngkai ngaia te beretitenti n te Nakoanibonga ae te Aaron n te uoote. Ana kauntira a buokia.

• Boutokaia kaaro n reiakinaia kairake.

• E tararua te kooram n te Nakoanibonga ae te Aaron ao aia kiraati Ataeinnaine. Te bitiobi ngaia te beretitenti n te kooram n ibonga (taraa Reirei ao Berita aika Tabu 107:87–88). Te moan kauntira iai tabena ibukin aia kooram taan reirei. Te kauoman kauntira iai tabena ibukin aia kooram riikan.

• Anga taeka n reirei nakon te beretitenti n te Botaki n Ataeinnaine.

• Reitaki ni mwaitin te tai ma roronrikirake n tatabemaniia.

7.1.3

Te Tia Moti Ni Kabuta

Te bitiobi bon te tia moti ni kabuta n te uoote (taraa Reirei ao Berita aika Tabu 107:71–74). Iai mwiokoana n aron aikai:

• E buokiia kairake ao ikawai bwa a na tau ni karekea ao ni kororaoi ibukin te rekomente nakon te tembora.

• Karaoi intawiu n aron ae kabwarabwaraaki inanon 31.2.

• Karaoi boowi ma membwa n te uoote aika a ukoukora kairakiia n te maiu n tamnei, aika iai aia kaangaanga aika a rawawata, ke aika a tia ni karaoi buure aika kakaiaki, ni buokiia ni karekea mwaakan ana kamaiu Iesu Kristo.

• Iaan ana kaetietii te titeiki beretitenti, karaoa te membwatibu kauntira ngkana e kainnanoaki. Ibukin taian kainibaire, taraa mwakoro 32.

7.1.4

Barongaan Ana Mwakuri te Atua ibukin te Kamaiuaki ao te Karietataaki

E babairea waakin Ana mwakuri te Atua te bitiobi ibukin te kamaiuaki ao te karietataaki n te uoote (taraa mwakoro 1). Ana kauntira ao tabeman taan kairiiri n te uoote a buokia.

7.1.4.1

Kairan te Kekeiaki n Tabeakiniia Naake iai Kainnanoia n te Maiu aei

Ibukin riki rongorongo bwa e na kanga te bitiobi n tararuaia naake a kainnano, taraa 22.6.1

7.1.5

Rekooti, Taekan te Mwane, ao Auti ni bootaki

Rongorongo ibukin rekooti, taraa mwakoro 33 Rongorongo ibukin taekan te mwane, ni ikotaki ma te kabwianibwai, taraa mwakoro 34. Rongorongo ibukin autinibootaki, taraa mwakoro 35

7.3

Te Tia Koroboki ni Kakoroi Mooti ao Kauoman n Tia Koroboki ni Kakoroi Mwiin Mooti n te Uoote

Te bitiobi e anga aran are iai irouna te Nakoanibonga ae te Merekitereka bwa e na riki bwa te tia koroboki ni kakoroi mwiin mooti n te Uoote.

Iai mwiokoana n aron aikai:

• E boowi ma bitiobiriki ao ni katauraoi akenta n aron tuangana.

• E beku bwa te membwa n uoote kauntira ao n irii botakin kauntira n te uoote.

• E bairei taai ibukin kawarakiia bitiobiriki.

7.4

Te Kiraaka n te Uoote ao te Tia Ibuobuoki ni Kiraaka n te Uoote

Taben te kiraaka n te uoote ao te tia ibuobuoki ni kiraaka a kabwarabwaraaki inanon 33.4.2.