“7. ຝ່າຍອະທິການ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ (2023).
“7. ຝ່າຍອະທິການ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ.
7.
ຝ່າຍອະທິການ
7.1
ອະທິການ ແລະ ທີ່ປຶກສາຂອງເພິ່ນ
ອະທິການດຳລົງຂໍກະແຈຂອງຖານະປະໂລຫິດ ເພື່ອນຳພາວຽກງານຂອງສາດສະໜາຈັກໃນຫວອດ (ເບິ່ງ 3.4.1). ເພິ່ນ ແລະ ທີ່ປຶກສາຂອງເພິ່ນປະກອບເປັນຝ່າຍອະທິການ.
ອະທິການມີໜ້າທີ່ຮັບຜິດຊອບຕົ້ນຕໍຢູ່ຫ້າຢ່າງ:
-
ເພິ່ນເປັນມະຫາປະໂລຫິດຜູ້ຄວບຄຸມໃນຫວອດ.
-
ເພິ່ນເປັນປະທານຂອງຖານະປະໂລຫິດແຫ່ງອາໂຣນ.
-
ເພິ່ນເປັນຜູ້ຕັດສິນທົ່ວໄປ.
-
ເພິ່ນປະສານວຽກງານແຫ່ງຄວາມລອດ ແລະ ຄວາມສູງສົ່ງ, ລວມທັງການດູແລຄົນຂັດສົນ.
-
ເພິ່ນຄວບຄຸມຝ່າຍການບັນທຶກ, ການເງິນ, ແລະ ການໃຊ້ອາຄານປະຊຸມ.
ໜ້າທີ່ຮັບຜິດຊອບສູງສຸດຂອງອະທິການຄືຕໍ່ຄົນລຸ້ນໃໝ່ຢູ່ໃນຫວອດ (ເດັກນ້ອຍ, ຊາວໜຸ່ມ, ແລະ ຜູ້ໃຫຍ່ໜຸ່ມໂສດ). ເພື່ອໃຫ້ເພິ່ນສາມາດສຸມໃຈໃສ່ໜ້າທີ່ຮັບຜິດຊອບນີ້, ເພິ່ນຈຶ່ງມອບໝາຍວຽກງານ (ເບິ່ງ 4.2.5).
7.1.1
ມະຫາປະໂລຫິດຄວບຄຸມ
ອະທິການເປັນຜູ້ນຳຫລັກທາງວິນຍານ.
7.1.1.1
ອົງການຫວອດ ແລະ ກຸ່ມຖານະປະໂລຫິດ
ອະທິການມີໜ້າທີ່ຮັບຜິດຊອບສຳລັບສະມາຄົມສະຕີສົງເຄາະຂອງຫວອດ ແລະ ອົງການຍິງໜຸ່ມ. ເພິ່ນມອບໝາຍໜ້າທີ່ຮັບຜິດຊອບໃຫ້ທີ່ປຶກສາຂອງເພິ່ນສຳລັບໂຮງຮຽນວັນອາທິດ ແລະ ອົງການປະຖົມໄວ ແລະ ໂຄງການອື່ນໆຂອງຫວອດ.
ໜ້າທີ່ຮັບຜິດຊອບຂອງອະທິການສຳລັບກຸ່ມຖານະປະໂລຫິດແຫ່ງອາໂຣນ ມີລະບຸໄວ້ໃນ 7.1.2. ໜ້າທີ່ຮັບຜິດຊອບຂອງເພິ່ນສຳລັບກຸ່ມແອວເດີ ມີລະບຸໄວ້ໃນ 8.3.1.
7.1.1.2
ພິທີການ ແລະ ການໃຫ້ພອນ
ອະທິການຊີ້ນຳການປະຕິບັດພິທີການ ແລະ ການໃຫ້ພອນໃນຫວອດດັ່ງຕໍ່ໄປນີ້:
-
ສິນລະລຶກ
-
ການຕັ້ງຊື່ ແລະ ການໃຫ້ພອນແກ່ເດັກນ້ອຍ
-
ບັບຕິສະມາ ແລະ ການຢືນຢັນເດັກນ້ອຍໃນບັນທຶກ ອາຍຸ 8 ປີ (ສຳລັບຜູ້ປ່ຽນໃຈເຫລື້ອມໃສ, ເບິ່ງ 31.2.3.2)
-
ການມອບຖານະປະໂລຫິດແຫ່ງອາໂຣນ ແລະ ການແຕ່ງຕັ້ງສູ່ຕຳແໜ່ງມັກຄະນາຍົກ, ຄູສອນ, ແລະ ປະໂລຫິດ
7.1.1.3
ສະພາ ແລະ ການປະຊຸມຕ່າງໆ
ອະທິການນຳພາສະພາຫວອດ ແລະ ສະພາຊາວໜຸ່ມຫວອດ (ເບິ່ງ 29.2.5 ແລະ 29.2.6).
ຝ່າຍອະທິການວາງແຜນກອງປະຊຸມສິນລະລຶກ ແລະ ການປະຊຸມອື່ນໆຂອງຫວອດ ດັ່ງທີ່ລະບຸໄວ້ໃນ ບົດທີ 29.
7.1.1.4
ການເອີ້ນ ແລະ ການປົດ
ໜ້າທີ່ຮັບຜິດຊອບຂອງອະທິການສຳລັບການເອີ້ນ ແລະ ການປົດ ມີລະບຸໄວ້ໃນ ບົດທີ 30.
7.1.2
ປະທານຂອງຖານະປະໂລຫິດແຫ່ງອາໂຣນ
ອະທິການມີໜ້າທີ່ຮັບຜິດຊອບດັ່ງຕໍ່ໄປນີ້ ໃນຖານະປະທານຂອງຖານະປະໂລຫິດແຫ່ງອາໂຣນໃນຫວອດ. ທີ່ປຶກສາຂອງເພິ່ນຊ່ວຍເຫລືອເພິ່ນ.
-
ສະໜັບສະໜູນພໍ່ແມ່ໃນການສິດສອນຊາວໜຸ່ມ.
-
ດູແລກຸ່ມຖານະປະໂລຫິດແຫ່ງອາໂຣນ ແລະ ຫ້ອງຮຽນຍິງໜຸ່ມ. ອະທິການເປັນປະທານຂອງກຸ່ມປະໂລຫິດ (ເບິ່ງ ຄຳສອນ ແລະ ພັນທະສັນຍາ 107:87–88). ທີ່ປຶກສາທີໜຶ່ງຂອງເພິ່ນມີໜ້າທີ່ຮັບຜິດຊອບສຳລັບກຸ່ມຄູສອນ. ທີ່ປຶກສາທີສອງຂອງເພິ່ນມີໜ້າທີ່ຮັບຜິດຊອບສຳລັບກຸ່ມມັກຄະນາຍົກ.
-
ປຶກສາກັບປະທານອົງການຍິງໜຸ່ມໃນຫວອດ.
-
ພົບກັບຊາວໜຸ່ມແຕ່ລະຄົນເປັນປະຈຳ.
7.1.3
ຜູ້ຕັດສິນທົ່ວໄປ
ອະທິການເປັນຜູ້ຕັດສິນທົ່ວໄປໃນຫວອດ (ເບິ່ງ ຄຳສອນ ແລະ ພັນທະສັນຍາ 107:71–74). ເພິ່ນມີໜ້າທີ່ຮັບຜິດຊອບດັ່ງຕໍ່ໄປນີ້:
-
ຊ່ວຍຊາວໜຸ່ມ ແລະ ຜູ້ໃຫຍ່ໃຫ້ເໝາະສົມ ແລະ ມີຄ່າຄວນສຳລັບໃບຮັບຮອງເຂົ້າພຣະວິຫານ.
-
ທຳການສຳພາດດັ່ງທີ່ລະບຸໄວ້ໃນ 31.2.
-
ພົບກັບສະມາຊິກຫວອດຜູ້ສະແຫວງຫາການນຳພາທາງວິນຍານ, ຜູ້ມີບັນຫາໜັກໜ່ວງສ່ວນຕົວ, ຫລື ຜູ້ໄດ້ກະທຳບາບອັນຮ້າຍແຮງ, ໂດຍການຊ່ວຍໃຫ້ສະມາຊິກດຶງເອົາອຳນາດແຫ່ງການປິ່ນປົວຂອງພຣະເຢຊູຄຣິດ.
-
ພາຍໃຕ້ການຊີ້ນຳຂອງປະທານສະເຕກ, ຈັດສະພາສະມາຊິກກະພາບຕາມຄວາມຈຳເປັນ. ສຳລັບແນວທາງຊີ້ນຳ, ໃຫ້ເບິ່ງ ບົດທີ 32.
7.1.4
ການປະສານວຽກງານແຫ່ງຄວາມລອດ ແລະ ຄວາມສູງສົ່ງ
ອະທິການປະສານວຽກງານແຫ່ງຄວາມລອດ ແລະ ຄວາມສູງສົ່ງໃນຫວອດ (ເບິ່ງ ບົດທີ 1). ທີ່ປຶກສາຂອງເພິ່ນ ແລະ ຜູ້ນຳໃນຫວອດຄົນອື່ນໆຊ່ວຍເຫລືອເພິ່ນ.
7.1.4.1
ຄວາມພະຍາຍາມນຳພາໃນການດູແລຄົນທີ່ມີຄວາມຕ້ອງການທາງໂລກ
ສຳລັບຂໍ້ມູນເພີ່ມເຕີມກ່ຽວກັບວິທີທີ່ອະທິການດູແລຄົນຂັດສົນ, ໃຫ້ເບິ່ງ 22.6.1.
7.1.5
ບັນທຶກ, ການເງິນ, ແລະ ອາຄານປະຊຸມ
ສຳລັບຂໍ້ມູນກ່ຽວກັບບັນທຶກ, ໃຫ້ເບິ່ງ ບົດທີ 33. ສຳລັບຂໍ້ມູນກ່ຽວກັບການເງິນ, ລວມທັງສ່ວນສິບ, ໃຫ້ເບິ່ງ ບົດທີ 34. ສຳລັບຂໍ້ມູນກ່ຽວກັບອາຄານປະຊຸມ, ໃຫ້ເບິ່ງ ບົດທີ 35.
7.3
ເລຂານຸການສູງສຸດປະຈຳຫວອດ ແລະ ຜູ້ຊ່ວຍເລຂານຸການສູງສຸດປະຈຳຫວອດ
ຝ່າຍອະທິການຈະແນະນຳຜູ້ດຳລົງຖານະປະໂລຫິດແຫ່ງເມນຄີເສເດັກໃຫ້ຮັບໃຊ້ເປັນເລຂານຸການສູງສຸດປະຈຳຫວອດ.
ເພິ່ນມີໜ້າທີ່ຮັບຜິດຊອບດັ່ງຕໍ່ໄປນີ້:
-
ພົບກັບຝ່າຍອະທິການ ແລະ ກະກຽມວາລະຕາມການມອບໝາຍ.
-
ຮັບໃຊ້ເປັນສະມາຊິກໃນສະພາຫວອດ ແລະ ເຂົ້າຮ່ວມການປະຊຸມສະພາຫວອດ.
-
ເຮັດນັດໝາຍໃຫ້ຝ່າຍອະທິການ.
7.4
ສະໝຽນຫວອດ ແລະ ຜູ້ຊ່ວຍສະໝຽນຫວອດ
ໜ້າທີ່ຮັບຜິດຊອບຂອງສະໝຽນຫວອດ ແລະ ຜູ້ຊ່ວຍສະໝຽນຫວອດ ມີລະບຸໄວ້ໃນ 33.4.2.