7.

O Le Au Epikopo

7.1

O Le Epikopo ma Ona Fesoasoani

O le epikopo e umia ki o le perisitua e taitaia ai le galuega a le Ekalesia i totonu o le uarota (tagai i le 3.4.1). O ia ma ona fesoasoani e faatulaga ai se au epikopo.

Ua i ai i le epikopo ia tiutetauave autu e lima:

• O ia o le faitaulaga sili pulefaamalumalu i totonu o le uarota.

• O ia o le peresitene o le Perisitua Arona.

• O ia o se faamasino o tagata.

• Na te faamaopoopoa le galuega a le Atua o le faaolataga ma le faaeaga, e aofia ai le tausiga o i latou o e le tagolima.

• Na te vaaia ia faamaumauga, tupe, ma le faaaogaina o le falelotu.

O le tiutetauave aupito taua o le epikopo e mo le tupulaga faia’e i totonu o le uarota (o tamaiti, autalavou, ma talavou nofofua matutua). Ina ia mafai ona ua’i atu o ia i lenei tiutetauave, na te faamatuu atu ai le tele o tofitofiga (tagai i le 4.2.5

7.1.1

Faitaulaga Sili Pulefaamalumalu

O le epikopo o le taitai faaleagaga muamua lea o le uarota.

7.1.1.1

Faalapotopotoga a le Uarota ma Korama o le Perisitua

Ua i ai i le epikopo le tiutetauave mo faalapotopotoga a le Aualofa ma Tamaitai Talavou o le uarota. Na te atofaina tiutetauave o ona fesoasoani mo faalapotopotoga a le Aoga Sa ma le Peraimeri ma isi polokalama a le uarota.

O tiutetauave o le epikopo mo le Perisitua Arona o loo otooto atu i le 7.1.2. O loo otooto atu ona tiutetauave i korama a toeaina i le 8.3.1

7.1.1.2

Sauniga ma Faamanuiaga

O le epikopo e faatonutonuina le faatautaiga o sauniga ma faamanuiaga nei i le uarota:

• O le faamanatuga

• O le faaigoaina ma le faamanuiaina o tamaiti

• Papatisoga ma le faamauga o tamaiti e 8 tausaga le matutua o faamaumauga, (mo tagata liliu mai, tagai i le 31.2.3.2)

• O le faaeeina atu o le Perisitua Arona ma le faauuga i tofi o le tiakono, aoao, ma le ositaulaga.

7.1.1.3

Aufono ma Fonotaga

O le epikopo e taitaia le aufono a le uarota ma le aufono a le autalavou o le uarota (tagai i le 29.2.5 ma le 29.2.6).

O le au epikopo e fuafuaina ia sauniga faamanatuga ma isi fonotaga po o sauniga faale-uarota o loo lisi atu i le mataupu 29

7.1.1.4

Valaauga ma Faamalologa

O tiutetauave o le epikopo mo valaauga ma faamalologa o valaauga o loo otooto atu i le mataupu 30.

7.1.2

Peresitene o le Perisitua Arona

Ua i ai i le epikopo tiutetauave nei i le avea ai ma peresitene o le Perisitua Arona i le uarota. E lagolagosua ona fesoasoani ia te ia.

• E lagolago i matua i le a’oa’oina o le autalavou.

• E vaavaaia korama o le Perisitua Arona ma vasega a Tamaitai Talavou. O le epikopo o le peresitene lea o le korama a ositaulaga (tagai i le Mataupu Faavae ma Feagaiga 107:87–88). O lona fesoasoani muamua ua i ai le tiutetauave mo le korama a a’oa’o. O lona fesoasoani lua ua i ai le tiutetauave mo le korama a tiakono.

• Fefautuaai ma le peresitene o Tamaitai Talavou a le uarota.

• Fono e le aunoa ma talavou taitasi.

7.1.3

Faamasino o Tagata

O le epikopo o le faamasino o tagata i le uarota (tagai i le Mataupu Faavae ma Feagaiga 107:71--74). Ua ia te ia foi tiutetauave nei:

• E fesoasoani i le autalavou ma tagata matutua ia ausia ma agavaa mo se pepa faataga o le malumalu.

• E faatautaia faatalanoaga e pei ona otooto atu i le 31.2.

• Fono faatasi ma tagata o le uarota o ē sailia se taitaiga faaleagaga, o ē o i ai ni faafitauli ogaoga faaletagata lava ia, po o ē ua faia ni agasala matuia, e fesoasoani ai ia te i latou e utuvai mai le mana faamalolo o Iesu Keriso.

• I lalo o le taitaiga a le peresitene o le siteki, ia faia fono o tagata o le Ekalesia pe a manaomia ai. Mo taiala, tagai i le mataupu 32.

7.1.4

Faamaopoopoina o le Galuega a le Atua mo le Faaolataga ma le Faaeaga

O le epikopo e faamaopoopoa le galuega a le Atua mo le faaolataga ma le faaeaga i le uarota (tagai i le mataupu 1). E lagolago atu ona fesoasoani ma isi taitai ia te ia.

7.1.4.1

Taitaia Taumafaiga e Tausia ai i Latou e i ai Manaoga Faaletino

Mo nisi faamatalaga e uiga i auala e tausia ai e le epikopo i latou e lē tagolima, tagai i le 22.6.1.

7.1.5

Faamaumauga, Tupe, ma Falelotu

Mo faamatalaga e uiga i faamaumauga, tagai i le mataupu 33 Mo faamatalaga e uiga i tupe, e aofia ai sefuluai, tagai i le mataupu 34. Mo faamatalaga e uiga i falelotu, tagai i le mataupu 35.

7.3

Failautusi Faapitoa a le Uarota ma Failautusi Faapitoa Fesoasoani a le Uarota

E fautua atu e le au epikopo se e umia le Perisitua Mekisateko e avea o se failautusi faapitoa o le uarota.

Ua ia te ia foi tiutetauave nei:

• E fono ma le au epikopo ma saunia le faasologa o mataupu o le fono pe a tofia ai.

• E avea o se tasi o le aufono a le uarota ma auai i fonotaga a aufono.

• Faatulagaina taimi o faatalanoaga mo le au epikopo.

7.4

Failautusi a le Uarota ma Failautusi Fesoasoani a le Uarota

O tiutetauave o le failautusi o le uarota ma failautusi fesoasoani o le uarota o loo otooto atu i le 33.4.2.