9.

iSoqosoqo ni Veivukei

9.1

iNaki kei na Mataisoqosoqo

9.1.1

iNaki

A vakavulica na Parofita o Josefa Simici ni sa inaki ni iSoqosoqo ni Veivukei me vakabula yalo ka vakacegui ira na vakaleqai.

Na ibole ni iSoqosoqo ni Veivukei na “Sa sega ni mudu na loloma” (1 Korinica 13:8

9.1.2

Leweni Tu ni iSoqosoqo ni Veivukei

Sa rawa ni tekivu tiko ena iSoqosoqo ni Veivukei e dua na goneyalewa ni sa yabaki 18. Ni sa yabaki 19 se gauna e biubiu kina mai vale, me curuma na univesiti se laki kaulotu, sa dodonu me vakaitavi o koya ena iSoqosoqo ni Veivukei.

Era sa lewe talega ni iSoqosoqo ni Veivukei na marama vakawati lailai mai na yabaki 18.

9.2

Vakaitavi ena Nona Cakacaka ni Veivakabulai kei na Bula Vakacerecerei na Kalou

9.2.1

Bulataki ni Kosipeli i Jisu Karisito

9.2.1.2

Vulici ni Kosipeli ena Soqoni ni iSoqosoqo ni Veivukei

Sa dau vakayacori na soqoni e nai karua kei nai kava ni Sigatabu ena veivula. E 50 na miniti na kena dede. E tuvalaka na veisoqoni oqo na mataveiliutaki ni iSoqosoqo ni Veivukei. Na liutaka e dua na lewe ni mataveiliutaki.

Na soqoni ni iSoqosoqo ni Veivukei e vakanamata ki na ulutaga ni dua se sivia na vosa mai na koniferedi raraba walega oqo.

9.2.1.3

iTaviqaravi Eso

Sa rawa ni tuvalaka na mataveiliutaki ni iSoqosoqo ni Veivukei na itaviqaravi eso. E levu na itaviqaravi e vakayacori ena siga tale eso ka sega ni Sigatabu se yakavi ni Moniti.

9.2.2

Nodra Vukei na Vakaleqai Tu

9.2.2.1

Veiqaravi

Era taura na nodra ilesilesi ni veiqaravi na marama mai na mataveiliutaki ni iSoqosoqo ni Veivukei. Me baleta na ikuri ni ivakamacala, raica na wase 21.

9.2.2.2

Gagadre Vakalekaleka

Era qara na marama dauveiqaravi mera kila deivaki ka sausaumi ki na nodra gagadre o ira era qarava. Era na rairai gadreva na lewenilotu na veivuke vakalekaleka ena gauna ni tauvimate, vakasucu, mate, leqa ni cakacaka, kei na ituvaki tale eso.

Ni sa gadrevi tu, era na kere veivuke na marama dauveiqaravi ki na mataveiliutaki ni iSoqosoqo ni Veivukei.

9.2.2.3

Gagadre Vakabalavu kei na Bula Rawati Koya

Ena veidusimaki ni bisopi, na mataveiliutaki ni iSoqosoqo ni Veivukei kei na kuoramu ni italatala qase e vukei ira na lewenilotu ena gagadre vakabalavu eso kei na bula rawati koya.

Na peresitedi ni iSoqosoqo ni Veivukei, peresitedi ni kuoramu ni italatala qase, se dua tale na iliuliu e vukea na tamata se matavuvale ni yavutaka e dua na iTuvatuva ni Bula Rawati Koya

9.2.2.4

Ni Mate e dua na Lewe ni Tabanalevu

Ni mate e dua na lewe ni tabanalevu, na dolele na mataveiliutaki ni iSoqosoqo ni Veivukei kei na kuoramu ni italatala qase me veivuke ka veivakacegui. Ena ruku ni veidusimaki ni bisopi, sa rawa ni ra veivuke ena veibulu.

Me baleta na ikuri ni ivakamacala, raica na 38.5.8

9.2.3

Sureti na Tamata Kecega me Ciqoma na Kosipeli

Na lesia na peresitedi ni iSoqosoqo ni Veivukei e dua na lewe ni mataveiliutaki me veivuke ni liutaka na cakacaka vakaulotu ni lewenilotu ena tabanalevu. Na cakacaka vata o koya kei na lewe ni mataveiliutaki ni kuoramu ni italatala qase sa lesi me tutaki kina na veisasaga oqo (raica na 23.5.1).

9.2.4

Vakaduavatataki na Matavuvale me Tawamudu

Na lesia na peresitedi ni iSoqosoqo ni Veivukei e dua na lewe ni mataveiliutaki me veivuke ni liutaka na cakacaka ni valetabu kei na tuva kawa ena tabanalevu. Na cakacaka vata o koya kei na lewe ni mataveiliutaki ni kuoramu ni italatala qase sa lesi me tutaki kina na veisasaga oqo (raica na 25.2.2).

9.3

iLiuliu ni iSoqosoqo ni Veivukei

9.3.1

Bisopi

Erau na dau sota na bisopi kei na peresitedi ni iSoqosoqo ni Veivukei, ke lailai sara, ena veivula. Rau veivosakitaka na Nona cakacaka ni veivakabulai kei na bula vakacerecerei na Kalou, oka kina na nodra veiqaravi na marama dauveiqaravi.

9.3.2

Mataveiliutaki ni iSoqosoqo ni Veivukei

9.3.2.1

Kacivi ni Mataveiliutaki ni iSoqosoqo ni Veivukei

Na kaciva na bisopi e dua na marama me veiqaravi vaka peresitedi ni iSoqosoqo ni Veivukei ena tabanalevu. Ke levu vakarauta tu na tabanilotu, na vakatura o koya kivua (bisopi) e dua se rua na marama me veiqaravi vaka nona daunivakasala.

Eso na tabanilotu lailai e rairai sega kina na peresitedi ni Goneyalewa se Lalai. Ena veitabanilotu oqo, sa rawa ni vukei ira na itubutubu na peresitedi ni iSoqosoqo ni Veivukei me tuvalaka na idusidusi me baleti ira na itabagone kei na gonelalai.

9.3.2.2

iTavi

Sa ikoya oqo na itavi ni peresitedi ni iSoqosoqo ni Veivukei. Rau vukei koya na nona daunivakasala.

• Veiqaravi ena matabose ni tabanalevu.

• Liutaka na sasaga ni iSoqosoqo ni Veivukei me vakaitavi ena cakacaka ni veivakabulai kei na bula vakacerecerei (raica na wase 1).

• Vakarautaka ka raica raraba na nodra veiqaravi na marama dauveiqaravi.

• Ena veidusimaki nei bisopi, veitalanoa kei ira na lewe ni tabanalevu qasecake.

• Vakacokotaka na sasaga ni iSoqosoqo ni Veivukei me ra vaqaqacotaki na sisita itabagone qase cake ena tabanalevu, ira na dawai kei na vakawati.

• Sota vakayadua kei na lewe ni iSoqosoqo ni Veivukei yadua ena dua mada ga na yabaki.

• Raica raraba na ivolatukutuku ni iSoqosoqo ni Veivukei, ripote, kei na veika vakailavo (raica na LCR.ChurchofJesusChrist.org

9.3.2.3

Soqoni ni Mataveiliutaki

E sota wasoma na mataveiliutaki ni iSoqosoqo ni Veivukei kei na sekeriteri. E liutaka na veisoqoni oqo na peresitedi. Na lewe ni veivosaki e rawa ni oka kina na veika oqo:

• Tuva na sala me ra vaqaqacotaki kina na marama kei na nodra matavuvale.

• Tutaka na cakacaka ni kaulotu kei na cakacaka ni valetabu kei na tuva kawa.

• Sausaumi ki na ilesilesi eso mai na soqoni ni matabose ni tabanalevu.

• Railesuva na itukutuku mai na veivakatarogi ni veiqaravi.

• Vakasamataki ira na marama me veiqaravi ena veikacivi kei na ilesilesi eso ni iSoqosoqo ni Veivukei.

• Tuva na soqoni kei na itaviqaravi eso ni iSoqosoqo ni Veivukei.

9.3.3

Sekeriteri

Sa rawa ni vakatura na mataveiliutaki ni iSoqosoqo ni Veivukei e dua na marama me veiqaravi vaka sekeriteri ni iSoqosoqo ni Veivukei.

9.4

Vukei na Goneyalewa me ra Vakarau Vakaitavi ena iSoqosoqo ni Veivukei

Na mataveiliutaki ni iSoqosoqo ni Veivukei e cakacaka vata kei ira na goneyalewa, nodra itubutubu, kei ira na iliuliu ni goneyalewa me vukea na goneyalewa me ra vakavakarau ni vakaitavi ena iSoqosoqo ni Veivukei.

Era vakarautaka talega na iliuliu na madigi tomani eso me ra vakatorocaketaka kina na goneyalewa kei na iSoqosoqo ni Veivukei na veimaliwai. Na veiqaravi vata vaka marama dauveiqaravi e sa dua na sala yaga ni veisemati.

9.6

iKuri ni Dusidusi kei na Lawatu

9.6.2

Kila Wilivola

Ke gadrevi tu, na mataveiliutaki ni iSoqosoqo ni Veivukei ena cakacaka vata kei na bisopi, mataveiliutaki ni kuoramu ni italatala qase, kei na matabose ni tabanalevu me vukei ira na lewenilotu ni vulica me ra wilivola ka volavola.