10.

Kooram n te Nakoanibonga ae te Aaron

10.1

Te Kantaninga ao Baireana

10.1.1

Te Kantaninga

Te kantaninga n te kooram bwa e na buokiia naake iai irouia te nakoanibonga bwa a na bootaki ni mwakuri n ibuobuoki n ana mwakuri te Atua ibukin te kamaiuaki ao te karietataaki.

10.1.2

Ana Kibunikoora te Kooram n te Nakoanibonga ae te Aaron

“Ngai te nati te mwaane iroun te Atua ae tangiraki, ao iai Ana mwakuri ibukiu ae N na karaoia.

“Ma nanou, marurungiu, au iango, ao korakorau ni kabane, N na tangira te Atua, kawakin au berita, ao ni kabongana Ana nakoanibonga ni beku ibukiia tabeman, ni moanaki man mweengau.

“Ngkai I kekeiaki ni beku, ni kamwakura te onimaki, n rairannano, ao n rikirake ni katoa bong, N na kona n tau ni karekei kakabwaia n te tembora ao te kimwareirei n te euangkerio ae teimatoa.

“N na katauraoai n riki bwa te mitinare ae mwakuri korakora, te bumwaane ae karinerine, ao te karo ae tatangira man arou n riki bwa ana reirei ni koaua Iesu Kristo.

“N na ibuobuoki ni katauraoa te aonaaba ibukin okin te Tia Kamaiu man kaoakiia aomata ni kabane nakon Kristo ao ni karekei kakabwaia n Ana Mwakuri ni kamaiu.”

10.1.3

Kooram

10.1.3.1

Kooram n Riikan

Ataenimwaane a kaaina te kooram n riikan ni moanaki man Tianuare n te ririki are koro iai 12 te ririki. N te tai anne are a tau naba ni katabuaki bwa riikan ngkana a tauraoi ao a tau.

Taben te riikan a kabwarabwaraki i nanon Reirei ao Berita aika Tabu 20:57–59; 84:111. Tibwangaia ake tabeua bon kabutan te toa ao buokan te bitiobi n “karaoi bwaain te maiu n rabwata ni kabane” (Reirei ao Berita aika Tabu 107:68).

10.1.3.2

Aia Kooram Taan Reirei

Ataeinimwaane a kaaina aia kooram taan reirei ni moa man Tianuare n te ririki are koro iai 14 te ririki. N te tai anne are a tau naba ni katabuaki bwa taan reirei ngkana a tauraoi ao a tau.

Taan reirei e na tii te arona tabeia ma riikan. A katauraoa naba te toa ao a beku bwa taari n ibuobuoki. Tabeia riki tabeua a kabwarabwaraki i nanon Reirei ao Berita aika Tabu 20:53–59; 84:111.

10.1.3.3

Aia Kooram Ibonga

Ataeinimwaane a kaaina te kooram ni ibonga ni moa man Tianuare n te ririki are e koro iai 16 te ririki. N te tai aei a tau naba ni katabuaki bwa ibonga ngkana a tauraoi ao a tau.

Ibonga tii te arona tabeia ma riikan ao taan reirei. Tabeia riki tabeua a kabwarabwaraki i nanon Reirei ao Berita aika Tabu 20:46–52, 73–79.

10.1.4

Kiingin te Nakoanibonga

Ibukin riki rongorongon kiing aikai, taraa 3.4.1.

10.1.5

Kangaraoan Kooram nakon Kainnano n te Tabo

N te uoote ke te mwaanga are a karako iai ataeinimwaane, kooram n te nakoanibonga ae te Aaron a kona n ikotaki ibukin te reirei ao waaki ni kakukurei.

10.2

Irakin Ana Mwakuri te Atua Ibukin te Kamaiuaki ao te Karietataaki

10.2.1

Maiuakinan Ana Euangkerio Iesu Kristo

10.2.1.2

Reirei n te Euangkerio

Bootakin te kooram a karaoaki n te kauoua ao te kaaua n Tabati n te namwakaina. Maanna bon 50 te miniti. Te membwa n te beretitentii n te kooram (ke temanna te tia ibuobuoki nakon te bitiobi n aia kooram ibonga) e kairiiri. E na kaira te kooram n atonga te kibunikoora ao te uaia ni marooro i aon mwioko, taabe, ao bwaai riki tabeua.

Te membwa n te kooram ke te tia kairiiri ae ikawai e kaira ngkanne te reirei n te euangkerio.

10.2.1.3

Mwakuri n Ibuobuoki ao Waaki ni Kakukurei

Mwakuri n ibuobuoki ao waaki ni kakukurei a riai ni kakorakora te koaua, ni kakorakoraia utu, buokan te inanoi n te kooram, ao e karekei aanga ni buokiia tabeman.

Tabeua mwakuri n ibuobuoki ao waaki ni kakukurei a riai ni botiia Ataeinimwaane ao Ataeinnaine, riki ibukiia kairake ake a ikawai riki.

Waaki ni Kakukurei n te Ririki. N reita aia waaki ni kakukurei kairake are a kakaraoki, a kona naba ataeinimwaane ni karaoi baikai ni katoa ririki:

• Aia kabane te kooram n te Nakoanibonga ae te Aaron (taraa Aaronic Priesthood Quorum Camp Guide

• Aia maungatabu kairake n te uoote ke te titeiki Ibukin Kakorakoraia Kairake (IKK).

10.2.1.4

Karikirakean Arom Ibon Iroum

N aia waaki ni kan riki n ai aron te Tia Kamaiu, a kaoaki kairake bwa a na katei kouru ni karikirakea, maiuia n tamnei, reitakiia ma aomata, marurungin rabwataia, ao wanawanaia (taraa Ruka 2:52).

Ibukin rongorongona riki, taraa ChildrenandYouth.ChurchofJesusChrist.org.

10.2.2

Tabeakinan Naake a Kainnano

Naake iai irouia te Nakoanibonga ae te Aaron a buoka te bitiobi ni “karaoi bwaain maiun n rabwata ni kabane” (Reirei ao Berita aika Tabu 107:68). A riai n tainako n iai aia tai ni beku irouia tabeman inanon ao ma aia utu, n tain waaki ni kakukurei ibukiia kairake, ao i bon irouia.

10.2.2.1

Mwakuri n Ibuobuoki

Naake iai irouia te Nakoanibonga ae te Aaron a karekei tabeia n ibuobuoki ni moanaki i nanon Tianuare n te ririki are koro iai 14 aia ririki. Ibukin rongorongona riki, taraa mwakoro 21.

10.2.3

Kaoiia Ni Kabane Bwa a Na Karekea te Euangkerio

Naake iai irouia te Nakoanibonga ae te Aaron iai katabeaia bwa a na “kaoia ni kabane bwa a na nako nakon Kristo” (Reirei ao Berita aika Tabu 20:59).

Kaaro ao taan kairiiri a kaungaia ataeinimwaane ni katauraoi n nako ni mitinare ao n tibwaua te euangkerio i nanon maiua.

10.2.4

Katiteuanaakiia Utu ibukin te Tai ae akea Tokina

Naake iai irouia te Nakoanibonga ae te Aaron a kona n ibuobuoki n katiteuanaia utu ibukin te tai ae akea tokina ni kawai aika mwaiti.

• Ana karineia aia karo ao ni katea te katooto ni maiuakina maiun Kristo inanon mweengaia.

• Katauraoi ni karekei otenanti n te tembora, n ikotaki ma te mare ae akea tokina.

• Karekei araia aia bakatibu ake a kainnanoi otenanti n te tembora (taraa FamilySearch.org).

• Karaoi bwabetito ao kamatoa ibukiia maate n taai ake e angaraoi nakoia.

10.3

Bitiobiriki

Moan taben te bitiobi bon tabeakinaia ataeinimwaane ao ataeinnaine n ana uoote. E na reiakina araia ao e kamataata n aron tein mwengaia. E na kaei n tainako aia waaki ni kakukurei ao aia kiraati n te Tabati.

Te bitiobi bon te beretitenti n te kooram n ibonga.

Te moan kautira n te bitiobiriki iai tabena ibukin aia kooram taan reirei. Te kauoman ni kauntira iai tabena ibukin aia kooram riikan.

Te bitiobiriki iai tabena aikai ibukin kooram n te Nakoanibonga ae te Aaron:

• Rereitaki ma ataeinimwaane n tatabemaniia tao n aki kee iaan uoua te tai n te ririki (taraa 31.3.1

• Buokiia Ataenimwaane ni karekea te Nakoanibonga ae te Merekitereka.

• E na tararuai rekooti, ribooti, ao te mwane n kooram n te Nakoanibonga ae te Aaron.

Aetuwaitia n te kooram ao tibetioriti a ibuobuoki n taabe aikai ngkana a butiaki.

10.4

Taan Kairiiri n Aia Kooram Kairake

10.4.1

Weteaia, Kamatoaaia, ao Kaokoroaia

Te bitiobi e wetea temanna ke uoman ibonga n riki bwa ana tia ibuobuoki ni kairan te kooram n ibonga.

Kaain te bitiobiriki e weteia beretitenti n te kooram n riikan ao n tia reirei. Ngkana e tau mwaitiia naake iai irouia te Nakoanibonga ae te Aaron ni beku, ataeinimwaane aikai a tataroakinna bwa antai irouia kaain te kooram aika a kona ni beku bwa kauntira ao te tia koroboki.

Imwiin kanakoan wewete aikai, kaain te bitiobiriki e tabekarake araia taan kairiiri n te kooram aika kairake ibukin kamatoaia n tain aia bootaki n te kooram. Te bitiobi tabena bwa e na katabuia ni kaokoroia ana taan ibuobuoki ao beretitenti n te kooram n riikan ao n tia reirei. E na anga kiingin te nakoanibonga nakoia beretitenti ni kooram. E kona ni katabea ana kauntira n katabuia ni kaokoroiia kaain te beretitentii ake tabeman ao taan koroboki.

10.4.2

Taabe

• A kairii ana waaki te kooram n ira ana mwakuri te Atua ibukin te kamaiuaki ao te karietataaki (taraa mwakoro 1).

• Kinaia ao ni beku ibukiia kaain te kooram, n ikotaki ma naake a aki kakaonimaki nakon bowin te kooram.

• Te Beku n te kauntira n te uoote ibukiia kairake (taraa 10.4.4).

• Reireinia kaain te kooram tabeia n nakoanibonga (taraa Reirei ao Berita aika Tabu 107:85–88).

• Bairei ao ni kairii botakin te kooram (taraa 10.2.1.2).

• Bairei ao ni karaoi mwakuri n ibuobuoki ao waaki ni kakukurei n te kooram (taraa 10.2.1.3).

10.4.3

Aia bowi Beretentii ni Kooram

Beretitentii n te kooram n te Nakoanibonga ae te Aaron a na bowi n tainako. Te beretitenti n te kooram e kairi bowi aikai. E riai n uoman ikawai aika a iri—kaain te bitiobiriki, te atuwaitia, ke te tia rabakau.

10.4.4

Kautira ibukiia Kairake n te Uoote

Taraa 29.2.6ibukin rongorongon riki te kauntira ni kairake n te uoote.

10.8

Kainibaire ao Kaetieti Riki Tabeua

10.8.1

Kamanoaia Kairake

Ngkana a reitaki ikawai ma kairake n ana waaki te Ekaretia, e riai n iai uoman ikawai ake a katabeaki ni mena irarikiia.

Ni kabane ikawai ake a mwakuri ma kairake a riai ni kabwanina anaan te reirei ibukin kamanoaia ataei ao kairake teuana te namwakaina man te tai are a kamatoaaki iai (ProtectingChildren.ChurchofJesusChrist.org