9.

Bootaki n Aine

9.1

Te Kantaninga ao taian Bootaki

9.1.1

Kantaninga

Te Burabeti Iotebwa Timiti e reirei bwa oin te kantaninga n te Bootaki n Aine bon kamaiuakiia tamnei ao kabebetean rawawata.

Ana botoniango te Bootaki n Aine bon “E Bon Aki Bwaka te Tangira” (1 Korinto 13:8

9.1.2

Membwatibu n te Bootaki n Aine

Te ataeinnaine e kona ni kaaina te Bootaki n Aine ni koron 18 ana ririki. N ana ririki ae 19 ke mwaingina man mweengana, ibukin kaean te kuura n reirei ae rietaata ke te mwakuri ni mitinare, e riai ni kaaina te Bootaki n Aine.

Aine aika a tia ni mareaki iaan 18 te ririki bon kaain naba te Bootaki n Aine.

9.2

Irakin Ana Mwakuri te Atua Ibukin te Kamaiuaki ao te Karietataaki

9.2.1

Maiuakinan Ana Euangkerio Iesu Kristo

9.2.1.2

Reiakinan te Euangkerio n Bootakin te Bootaki n Aine

Bootaki a karaoaki n te kauoua ao te kaaua n Tabati n te namwakaina. Maanna bon 50 te miniti. Te beretitentii n te Bootaki n Aine e bairei bootaki aikai. Kaain te beretitentii e kairia.

Bootakin te Bootaki n Aine e riai ni maroroakinaki iai teuana ke e raka riki maroro man te maungatabu ni kabuta ae e a tibwa nako.

9.2.1.3

Waaki ni kakukurei

Taian Beretitentii n te Bootaki n Aine a kona ni bairei waaki ni kakukurei. Angiin waaki ni kakukurei a karaoaki tiaki n tairikin te Tabati ke te Moanibong.

9.2.2

Tararuakiia Naake Iai Kainnanoia

9.2.2.1

Mwakuri n Ibuobuoki

A karekei tabeia aine n te mwakuri n ibuobuoki mairoun te beretitenti n te Bootaki n Aine. Ibukin rongorongona riki, taraa mwakoro 21.

9.2.2.2

Kainnano ibukin te Tai ae Uarereke

Aine n te mwakuri n ibuobuoki a kakaea ao a tobwai kainnanoia naake a beku ibukiia. A kona membwa ni kainnanoa te ibuobuoki ibukin te tai ae uarereke n tain te aoraki, te bung, te mate, buan te mwakuri, ao tabeua riki taai.

Ngkana e kainnanoaki, aine n te mwakuri n ibuobuoki a butiia te beretitenti n aia Bootaki Aine bwa e na ibuobuoki.

9.2.2.3

Kainnano ae Maan Taia ao te Riki n Toronibwai

N aron barongaana iroun te bitiobi, te beretitentii n te Bootaki n Aine ao aia kooram unimwaane a buokiia membwa ni kainnanoia aika a maan taia ao te riki n toronibwai.

Te beretitenti n aia Bootaki n Aine, te beretitenti n aia kooram unimwaane, ke temanna te tia kariiri e buoka temanna ke te utu ni karaoa ana Babaire n Riki n Toronibwai

9.2.2.4

Ngkana e Mate Kaain te Uoote

Ngkana e mate kaain te uoote, te beretitentii n te Bootaki n Aine ao n aia kooram unimwaane e anga te karaunano ao te ibuobuoki. Iaan ana kairiri te bitiobi, a kona n ibuobuoki ma te taunimate.

Ibukin rongorongo riki tabeua, taraa 38.5.8

9.2.3

Kaoakiia ni Kabane Bwa Ana Karekea te Euangkerio

Te beretitenti n aia Bootaki Aine e mwiokoa te membwa n te beretitentii bwa e na kaira te mwakuri ni mitinare n te uoote. E mwakuri ma te membwa are e mwiokoaki man te beretitentii n aia kooram unimwaane ni karaoi mwakuri aikai (taraa 23.5.1).

9.2.4

Katiteuanakiia Utu ibukin te Tai ae Akea Tokina

Te beretitenti n te Bootaki n Aine e mwiokoa te membwa n te beretitentii bwa e na ibuobuoki ni kaira te mwakuri n te tembora ao n rongorongon te utu n te uoote. E mwakuri ma te membwa are e mwiokoaki man te beretitentii n aia kooram unimwaane ni karaoi mwakuri aikai (taraa 25.2.2).

9.3

Taan Kairiri n te Bootaki n Aine

9.3.1

Bitiobi

E bowi te bitiobi ma te beretitenti n te Bootaki n Aine ni katoa namwakaina. A maroroakina Ana mwakuri te Atua ibukin te kamaiuaki ao te karietataaki, n raonaki ma aia ibuobuoki aine n te mwakuri n ibuobuoki.

9.3.2

Beretitentii n te Bootaki n Aine

9.3.2.1

Wetean te Beretitenti n te Bootaki n Aine

Te bitiobi e wetea temanna te aine bwa e na beku bwa te beretitenti n te Bootaki n Aine. Ngkana e a tau buburan te iunite, e uotarake aran temanna ke uoman aine nakon te bitiobiriki bwa e na beku bwa ana kauntira.

Tabeua iunite aika uarereke akea iai te beretitenti n Bootaki n Ataeinaine ke te Moanrinan. N taian Iunite aikai, te beretitenti n te Bootaki n Aine e kona ni buokiia kaaro ni bairei reirei ibukia kairake ao ataei.

9.3.2.2

Taabe

Aikai taben te beretitenti n te Bootaki n Aine. A na buokia ana kauntira.

• Ngaia kaain te kauntira n te uoote.

• Kaira ana waaki te Bootaki n Aine n ira buakon te mwakuri ni kamaiu ao ibukin te karietataaki (taraa mwakoro 1).

• E bairei ao n tararua aia ibuobuoki aine n te mwakuri n ibuobuoki.

• Iaan ana kairiiri te bitobi, marooro ma te membwa ae ikawai n te uoote.

• Bairei aia mwakuri kaain te Bootaki n Aine ni kakorakoraia aine aika a kairake ni ikawai ae a tuai iein ao a tia ni mare.

• E reitaki ma kaain te Bootaki n Aine n tatabemaniia tao teuana te tai n te ririki.

• E tararuai rekootin te Bootaki n Aine, ribooti, ao te mwane (taraa LCR.ChurchofJesusChrist.org

9.3.2.3

Bowin te Beretitentii

Te beretitentii n te Bootaki n Aine ao te tia koroboki e mwaiti aia tai ni bowi. Te beretitenti e kairi bowi aikai. Aikai bwaai aika a kona n rin inanon te akenta:

• Babaire ni kakorakoraia aine ao aia utu.

• Karaoan te mwakuri ni mitinare ao te mwakuri n te tembora ao te mwakuri n rongorongon te utu.

• Karaoi taabe man kauntiran te uoote.

• E rinanoi rongorongon intawaiu ibukin te mwakuri n ibuobuoki.

• E taraia aine ake a kona ni beku n nakoa ao n taabe.

• Bairei bootakin te Bootaki n Aine ao waaki ni kakukurei.

9.3.3

Tia koroboki

Te beretitentii n te Bootaki n Aine e kona n anga aran te aine are e na beku bwa te tia koroboki n te Bootaki n Aine.

9.4

Buokiia Ataeinnaine ni Katauraoia ni Kaaina te Bootaki n Aine

Te beretitentii n te Bootaki n Aine e mwakuri ma ataeinnaine, aia karo, ao taan kairiiri n te Bootaki n Ataeinaine ni buokiia ataeinnaine ni katauraoi n ira buakon te Bootaki n Aine.

Taan kairiiri aikai a anga taai ibukin te ataeinnaine ao aine n te Bootaki n Aine ni karekea te reitaki. Te uaia ni beku bwa aine n ibuobuoki bon te kawai ae kakaawaki ni karekea te reitaki.

9.6

Kainibaire ao Kaetieti Aika Karinaki

9.6.2

Konabwai ni wareware ao ni koroboki

Ngkana e kainnanoaki, te beretitentii n te Bootaki n Aine e mwakuri ma te bitiobi, te beretitenti n aia kooram unimwaane, ao kauntiran te uoote ni buokiia membwa n reiakina te wareware ao te koroboki.