Seleksies uit die Algemene Handleiding

Inhoud
Titelblad
Gebruik van Seleksies uit die Algemene Handleiding
Leerstellingsgrondslag
- 0. Inleidende Oorsig
- 1. God se Plan en Jou Rol in die Werk van Heil en Verheffing
- 2. Ondersteuning van Individue en Families in die Werk van Heil en Verheffing
- 3. Priesterskapsbeginsels
- 4. Leierskap en Rade in die Kerk van Jesus Christus
Kerk-organisasie
- 5. Algemene en Arealeierskap
- 6. Penleierskap
- 7. Die Bisdom
- 8. Ouderlingskworum
- 9. Verligtingsvereniging
- 10. Aäroniese Priesterskapskworums
- 11. Jongdames
- 12. Primêre Organisasie
- 13. Sondagskool
- 14. Enkellede
- 15. Seminaries en Godsdiensinstitute
Die Werk van Heil en Verheffing
- Uitlewing van die Evangelie van Jesus Christus
  - 16. Uitlewing van die Evangelie van Jesus Christus
  - 17. Onderrig van die Evangelie
  - 18. Uitvoering van Priesterskapsordinansies en -seëninge
  - 19. Musiek
  - 20. Aktiwiteite
- Sorg vir Diegene wat Behoeftig is
  - 21. Bediening
  - 22. Voorsiening vir Fisiese Behoeftes en die Bou van Self-onderhouding
- Nooi Almal om die Evangelie te Ontvang
  - 23. Die Deel van die Evangelie en die Versterking van Nuwe en Terugkerende Lede
  - 24. Sendelingaanbevelings en Diens
- Verenig Families vir die Ewigheid
  - 25. Tempel- en Familiegeskiedeniswerk in die Wyk en Pen
  - 26. Tempelaanbevelings
  - 27. Tempelordinansies vir die Lewendes
  - 28. Tempelordinansies vir die Afgestorwenes
Kerkadministrasie
- 29. Vergaderings in die Kerk
- 30. Roepings in die Kerk
  - 30.0. Inleiding
  - 30.1. Bepaling van Wie om te Roep
  - 30.2. Uitreik van ŉ Roeping
  - 30.3. Onderskraging van Lede in Roepings
  - 30.4. Afsondering van Lede om in Roepings te Dien
  - 30.6. Ontheffing van Lede van Roepings
  - 30.8. Tabel van Roepings
- 31. Onderhoude en Ander Vergaderings met Lede
- 32. Bekering en Kerklidmaatskapsrade
- 33. Rekords en Verslae
- 34. Finansies en Oudits
- 35. Versorging en Gebruik van Byeenkomplekke
- 36. Die Skep, Verandering en Benoeming van Nuwe Eenhede
  - 36.0. Inleiding
- 37. Gespesialiseerde Penne, Wyke en Takke
- 38. Kerkbeleid en Riglyne

30. Roepings in die Kerk

“30. Roepings in die Kerk,” Seleksies uit die Algemene Handleiding (2023).

“30. Roepings in die Kerk,” Seleksies uit die Algemene Handleiding

Beeld

mense wat regterhande oplig

30.

Roepings in die Kerk

30.0

Inleiding

Roepings gee lede geleenthede om die vreugde te ervaar om God te dien deur sy kinders te dien (sien Mosia 2:17). Roepings help lede ook om hulle geloof te versterk en nader aan die Here te kom.

Dit is nie gepas om na spesifieke roepings in die Kerk te streef nie (sien Markus 10:42–45; Leer en Verbonde 121:34–37). Kerklede “vorder” ook nie van een roeping na ŉ ander nie. Om getrou in ŉ roeping te dien, is belangriker as wat die roeping is. Die Here eer die toewyding van almal wat in sy Kerk dien.

30.1

Bepaling van Wie om te Roep

30.1.1

Algemene Riglyne

Diegene wat in die Kerk dien, is deur God geroep (sien Hebreërs 5:4; Geloofsartikels 1:5). Leiers soek die leiding van die Gees om te bepaal wie hulle moet roep (sien ook 4.2.6). Hulle oorweeg ook:

Die lid se waardigheid (soos bepaal in ŉ onderhoud).
Gawes en vermoëns wat die lid het of kan ontwikkel om ander te seën.
Die lid se persoonlike omstandighede, insluitend sy of haar gesondheid en werk.
Die uitwerking wat die roeping op die lid se huwelik en gesin kan hê.

Lede word geseën vir die opofferings wat hulle maak om in die Kerk te dien. ŉ Roeping moet egter nie onnodige laste op individue en families plaas nie. Roepings moet dit ook nie vir lede moeilik maak om hulle werksverantwoordelikhede na te kom nie.

Oor die algemeen word elke lid geroep om net in een roeping op ŉ slag te dien, benewens dat hy of sy ŉ bedieningsbroer of -suster is.

Wanneer ŉ getroude lid ŉ roeping ontvang, sorg die leiers dat die eggenoot daarvan bewus is en die roeping ondersteun. Voordat leiers ŉ roeping aan ŉ jongman of jongdame uitreik, kry hulle die goedkeuring van sy of haar ouers of voogde.

Voordat ŉ roeping uitgereik word, gaan die biskop die persoon se lidmaatskapsrekord sorgvuldig na om seker te maak dat dit nie ŉ aantekening of formele lidmaatskapsbeperkings bevat nie.

30.1.2

Roepings vir Nuwe Lede

Geleenthede om te dien help lede om geestelik te groei.

Wyksleiers gee nuwe lede geleenthede om te dien kort ná hulle gedoop en bevestig is.

30.1.3

Roepings vir Diegene Wat Nie Lede Is Nie

Mense wat nie lede van die Kerk is nie, kan tot sekere posisies geroep word, soos orrelis, musiekdirekteur of ŉ roeping om te help met die beplanning van aktiwiteite. Hulle moet egter nie as onderwysers, as lede van ŉ kworum- of organisasiepresidensie of as Primêre Organisasie-musiekleiers geroep word nie.

30.1.4

Vertroulikheid

Roepings en ontheffings is heilig. As gevolg hiervan hou leiers inligting oor voorgestelde roepings en ontheffings vertroulik.

30.1.5

Aanbevelings en Goedkeurings van Roepings

Die Tabel van Roepings dui aan wie aanbevelings kan maak vir elke roeping en wie goedkeuring gee (sien 30.8).

Biskoppe en penpresidente oorweeg elke aanbeveling sorgvuldig en besef dat dit biddend gedoen is. Die bisdom of penpresidensie het die finale verantwoordelikheid om inspirasie te ontvang oor wie hulle moet roep.

30.2

Uitreik van ŉ Roeping

Om ŉ roeping te ontvang om te dien, moet vir ŉ lid ŉ betekenisvolle geestelike ondervinding wees.

Wanneer ŉ leier ŉ roeping uitreik, verduidelik hy dat dit van die Here kom.

Die leier kan ook:

Die doel, belangrikheid en verantwoordelikhede van die roeping verduidelik.
Die persoon aanmoedig om die Gees van die Here te soek om die roeping te vervul.
Getuig dat die Here die lid sal help en hom of haar sal seën wanneer hulle getrou dien.
Vir die lid sê wie opleiding en ondersteuning vir die roeping sal voorsien.
Die lid vertel van enige vergaderings wat hy of sy moet bywoon en enige hulpbronne wat beskikbaar is.

30.3

Onderskraging van Lede in Roepings

Diegene wat tot die meeste Kerkposisies geroep word, moet voorgestel word vir onderskraging vóórdat hulle begin dien (sien Leer en Verbonde 28:13; 42:11).

Die persoon wat die onderskraging doen, kondig eerste aan wie van die posisie (indien van toepassing) onthef is. Hy nooi lede om ŉ dankbetuiging vir die persoon se diens te gee (sien 30.6).

Wanneer ŉ persoon vir onderskraging voorgestel word, nooi ŉ gemagtigde priesterskapsleier hom of haar om op te staan. Die leier kan woorde soos die volgende gebruik:

“[Naam] is geroep as [posisie]. Diegene wat ten gunste daarvan is om [hom of haar] te onderskraag, kan dit met die opgeligte hand wys. [Wag ŉ klein rukkie.] Diegene daarteen, indien enige, kan dit ook wys. [Wag ŉ klein rukkie.]”

As ŉ lid met goeie aansien die roeping teenstaan, vergader die presiderende leier of ŉ ander toegewysde priesterskapsleier ná die vergadering privaat met hom of haar.

30.4

Afsondering van Lede om in Roepings te Dien

Vir meer inligting, sien 18.11.

30.6

Ontheffing van Lede van Roepings

Wanneer ŉ president of biskop onthef word, word sy of haar raadgewers outomaties onthef.

Die uitreiking van ŉ ontheffing is ŉ belangrike geleentheid vir ŉ leier om dankbaarheid uit te spreek en God se hand in die diens van die lid te erken. Die leier vergader persoonlik met die lid om hom of haar van die ontheffing in kennis te stel voordat dit openbaar gemaak word. Net diegene wat nodig het om te weet, word van ŉ ontheffing in kennis gestel voordat dit aangekondig word.

ŉ Gemagtigde priesterskapsleier kondig die ontheffing in dieselfde vergadering aan waar die persoon onderskraag was. Die leier kan woorde soos die volgende gebruik:

“[Naam] is onthef as [posisie]. Diegene wat hulle dank vir [sy of haar] diens wil betuig, kan dit met die opgeligte hand wys.”

Die leier vra nie of enigiemand daarteen is nie.

30.8

Tabel van Roepings

30.8.1

Wyksroepings

Roeping	Aanbeveel deur	Goedgekeur deur	Onderskraag deur	Geroep en afgesonder deur
Roeping Biskop	Aanbeveel deur Penpresidensie, deur middel van LCR	Goedgekeur deur Die Eerste Presidensie en Kworum van die Twaalf	Onderskraag deur Wykslede	Geroep en afgesonder deur Penpresident nadat hy goedkeuring van die Eerste Presidensie ontvang het
Roeping Raadgewers in die bisdom	Aanbeveel deur Biskop	Goedgekeur deur Penpresidensie en hoëraad	Onderskraag deur Wykslede	Geroep en afgesonder deur Penpresident of ŉ aangewese raadgewer
Roeping Wyksklerk	Aanbeveel deur Bisdom	Goedgekeur deur Penpresidensie en hoëraad	Onderskraag deur Wykslede	Geroep en afgesonder deur Penpresident of ŉ aangewese raadgewer of hoëraadslid
Roeping Wyksuitvoerende sekretaris	Aanbeveel deur Bisdom	Goedgekeur deur Penpresidensie en hoëraad	Onderskraag deur Wykslede	Geroep en afgesonder deur Penpresident of ŉ aangewese raadgewer of hoëraadslid
Roeping Ouderlingskworumpresident	Aanbeveel deur Penpresidensie (in oorleg met die biskop)	Goedgekeur deur Penpresidensie en hoëraad	Onderskraag deur Wykslede	Geroep en afgesonder deur Penpresident
Roeping Raadgewers in die ouderlingskworumpresidensie	Aanbeveel deur Kworumpresident (in oorleg met die biskop)	Goedgekeur deur Penpresidensie en hoëraad	Onderskraag deur Wykslede	Geroep en afgesonder deur Penpresident of ŉ aangewese raadgewer of hoëraadslid
Roeping Ander ouderlingskworumroepings	Aanbeveel deur Kworumpresidensie	Goedgekeur deur Bisdom	Onderskraag deur Kworumlede	Geroep en afgesonder deur Kworumpresident of ŉ aangewese raadgewer
Roeping Wyksorganisasiepresidente	Aanbeveel deur Bisdom	Goedgekeur deur Bisdom	Onderskraag deur Wykslede	Geroep en afgesonder deur Biskop
Roeping Raadgewers in wyksorganisasiepresidensies	Aanbeveel deur Organisasiepresident	Goedgekeur deur Bisdom	Onderskraag deur Wykslede	Geroep en afgesonder deur Biskop of ŉ aangewese raadgewer
Roeping Ander wyksverligtingsverenigingsroepings	Aanbeveel deur Verligtingsverenigingspresidensie	Goedgekeur deur Bisdom	Onderskraag deur Verligtingsverenigingslede	Geroep en afgesonder deur Biskop of ŉ aangewese raadgewer
Roeping Ander wyksjongdames-, Primêre Organisasie- en Sondagskoolroepings	Aanbeveel deur Organisasiepresidensie	Goedgekeur deur Bisdom	Onderskraag deur Wykslede	Geroep en afgesonder deur Biskop of ŉ aangewese raadgewer
Roeping Wyksendingleier (ŉ lid van die ouderlingskworumpresidensie kan hierdie rol vervul; indien wel, hoef hy nie apart geroep, onderskraag of afgesonder te word nie)	Aanbeveel deur Bisdom (in oorleg met die ouderlingskworum- en Verligtingsverenigingspresidente)	Goedgekeur deur Bisdom	Onderskraag deur Wykslede	Geroep en afgesonder deur Biskop of ŉ aangewese raadgewer
Roeping Wyksendelinge	Aanbeveel deur Bisdom of ouderlingskworum- en Verligtingsverenigingspresidensies	Goedgekeur deur Bisdom	Onderskraag deur Wykslede	Geroep en afgesonder deur Biskop of ŉ aangewese raadgewer
Roeping Wykstempel- en familiegeskiedenisleier (ŉ lid van die ouderlingskworumpresidensie kan hierdie rol vervul; indien wel, hoef hy nie apart geroep, onderskraag of afgesonder te word nie)	Aanbeveel deur Bisdom (in oorleg met die ouderlingskworum- en Verligtingsverenigingspresidente)	Goedgekeur deur Bisdom	Onderskraag deur Wykslede	Geroep en afgesonder deur Biskop of ŉ aangewese raadgewer
Roeping Assisente van die priesterskworumpresident	Aanbeveel deur Biskop (as die priesterskworumpresident)	Goedgekeur deur Bisdom	Onderskraag deur Kworumlede	Geroep en afgesonder deur Biskop
Roeping Leraars en diakenskworumpresidente	Aanbeveel deur Bisdom	Goedgekeur deur Bisdom	Onderskraag deur Kworumlede	Geroep en afgesonder deur Geroep deur die biskop of ŉ aangewese raadgewer; afgesonder deur die biskop
Roeping Raadgewers in die leraars- en diakenskworumpresidensies en kworumsekretarisse	Aanbeveel deur Kworumpresident	Goedgekeur deur Bisdom	Onderskraag deur Kworumlede	Geroep en afgesonder deur Biskop of ŉ aangewese raadgewer
Roeping Jongdamesklaspresidente	Aanbeveel deur Bisdom (in oorleg met die Jongdamespresidensie)	Goedgekeur deur Bisdom	Onderskraag deur Klaslede	Geroep en afgesonder deur Biskop of ŉ aangewese raadgewer
Roeping Raadgewers in Jongdamesklaspresidensies en klassekretaresses	Aanbeveel deur Klaspresident	Goedgekeur deur Bisdom	Onderskraag deur Klaslede	Geroep en afgesonder deur Biskop of ŉ aangewese raadgewer
Roeping Ander wyksroepings	Aanbeveel deur Bisdom	Goedgekeur deur Bisdom	Onderskraag deur Wykslede	Geroep en afgesonder deur Biskop of ŉ aangewese raadgewer

30.8.2

Takroepings

Roeping	Aanbeveel deur	Goedgekeur deur	Onderskraag deur	Geroep en afgesonder deur
Roeping Takpresident	Aanbeveel deur Pen-, sending- of distrikspresidensie	Goedgekeur deur Penpresidensie en hoëraad of sendingpresidensie	Onderskraag deur Taklede	Geroep en afgesonder deur Pen- of sendingpresident (of die distrikspresident indien toegewys)
Roeping Raadgewers in die takpresidensie	Aanbeveel deur Takpresident	Goedgekeur deur Penpresidensie en hoëraad of sendingpresidensie (of, wanneer gemagtig deur die sendingpresident, die distrikspresidensie)	Onderskraag deur Taklede	Geroep en afgesonder deur Pen-, sending- of distrikspresident of ŉ aangewese raadgewer
Roeping Takklerk, assistentklerke en uitvoerende sekretaris	Aanbeveel deur Takpresidensie	Goedgekeur deur Penpresidensie en hoëraad of sendingpresidensie (of, wanneer gemagtig deur die sendingpresident, die distrikspresidensie)	Onderskraag deur Taklede	Geroep en afgesonder deur Penpresident of ŉ aangewese raadgewer of hoëraadslid (vir takke in penne); distrikspresident of ŉ priesterskapsleier wat hy aanwys (vir takke in sendings)
Roeping Ouderlingskworumpresident	Aanbeveel deur Pen-, distriks- of sendingpresidensie (in oorleg met die takpresident)	Goedgekeur deur Penpresidensie en hoëraad of sendingpresidensie (of, wanneer gemagtig deur die sendingpresident, die distrikspresidensie)	Onderskraag deur Taklede	Geroep en afgesonder deur Pen- of sendingpresident (of die distrikspresident indien toegewys)
Roeping Raadgewers in die ouderlingskworumpresidensie	Aanbeveel deur Kworumpresident (in oorleg met die takpresident)	Goedgekeur deur Penpresidensie en hoëraad of sendingpresidensie (of, wanneer gemagtig deur die sendingpresident, die distrikspresidensie)	Onderskraag deur Taklede	Geroep en afgesonder deur Pen- of sendingpresident of ŉ aangewese raadgewer of hoëraadslid (of die distrikspresident of ŉ ander priesterskapsleier indien aangewys)
Roeping Ander takroepings	Aanbeveel deur Sien 30.8.1, vervang takpresident met biskop en tak met wyk.				Goedgekeur deur Sien 30.8.1, vervang takpresident met biskop en tak met wyk.	Onderskraag deur Sien 30.8.1, vervang takpresident met biskop en tak met wyk.	Geroep en afgesonder deur Sien 30.8.1, vervang takpresident met biskop en tak met wyk.