8
Kuo Puna ʻa e ʻĀngelo
ʻI he loto-fakakaukau / ʻI he fiefia
1. Kuo puna ʻa e ʻā-
ngelo mei he langí
ʻO ne fakahā ʻa e
hisitōlia foʻou,
Naʻe tanu ʻi he moʻunga,
ʻA e tohi tapu kotoá,
Ko e fakamatala ʻo
e hako ʻo Siosefá.
2. Tanu ʻe Molonai
Kae ʻoua ke hokó
ʻA e ʻaho ke toe
lea mei he efú.
ʻE toe hā hono maama,
Fakahā ʻa e moʻoní,
ʻA ia ne puli mei
he fānau ʻa ʻIsilelí.
3. Kuo hoko ʻa e
Kuonga talaʻofá
Ke ʻā ʻa māmani
tekeʻi ʻa e poʻulí,
ʻOku hā he tohi tapu,
ʻA e folofola ʻa Sīsū,
Fakataha ki ai ʻa
e fānau ʻa Siosefá.
4. Fonu he fiefiá
ʻe toe fakataha
ʻA e faʻahinga ʻo
Siutá Ke to e langa
Pea tupu ʻa Saioné
Ngingila ki he māmaní
Fakataha ki ai ʻa
e fānau ʻa Siosefá.
5. Fonu ʻa ʻIsileli he fiefiá
Toe foki ki ʻapí
Maʻu ʻenau koloá
Langa ʻa Selūsalemá
Ulo atu ʻa Saioné
Fakafonu he moʻoní
Ulo atu ʻa Saioné
Fakafonu he moʻoní.
Fakaleá: Paʻale P. Palati, 1807–1857
Fakatuʻungafasí: John E. Tullidge, 1806–1873