10
Fakamālō ki he ʻOtua
Fofonga fiefia
1. Fakamālō ki he ʻOtua,
ʻI Heʻene fakanofo,
ʻI māmani ha palōfita,
Ke fai Hono finangalo,
Mo tataki ʻa kitautolu,
ʻI he meʻa ʻa e ʻOtua,
Mo e hala ʻoku totonu,
Ke tau maʻu ʻa e fonua.
2. Fakamālō he toe ʻomi,
ʻA e kosipeli ʻo Sīsū,
Ki māmani ʻi onopooni,
Ki he Senitaile mo e Siu,
Tau hiva ʻaki ʻEne ʻofa,
Hiva he ʻaho mo e pō,
Vīkiviki ʻia Sihova,
He folofola kuo tō.
3. Pea neongo ʻa e manuki,
ʻA e fakatanga ʻa e kakai,
ʻE ʻikai lava ke taʻofi,
ʻEne puna ʻa e matavai,
He kuo pau pē ke mafola,
ʻI he funga ʻo māmani,
Ko e fakahaohaoaʻanga,
ʻOe kakai māʻoniʻoni.
Fakaleá: William Fowler, 1830–1865
Fakatuʻungafasí: Caroline Sheridan Norton, 1808–ca. 1877