“Mensahe manipud iti Umuna a Panguluen,” Dagiti Ubbing ken Agtutubo ti Ti Simbaan ni Jesucristo dagiti Santo iti Ud-udina nga Aldaw: Maysa a Pakauna a Pangiwanwan para kadagiti Nagannak ken Lider (2019)
“Mensahe manipud iti Umuna a Panguluen”
Mensahe manipud iti Umuna a Panguluen
Patpatgenmi a kakabsat,
Dagiti ubbing ken agtutubo ti Ti Simbaan ni Jesucristo dagiti Santo iti Ud-udina nga Aldaw ket maipatpateg nga annak a lallaki ken babbai ti Dios. Addaanda iti potensial a makaaramid iti dakkel nga epekto iti lubong.
Dagiti pagbatayan a naisuro iti daytoy a panagkagumaan para kadagiti ubbing ken agtutubo ket mangibagi iti nangatngato, nasansantuan a wagas a mangparegta kadagiti tumantanor a kaputotan a mangsurot ken ni Jesucristo ken mangyaplikar ti ebangheliona iti amin a tay-ak ti biagda. Iramanto daytoy dakkel a panagkagumaan ti panagsursuro ti ebanghelio, ti pribilehio ti serbisio, bukod a panagdur-as, ken dagiti naragsak nga aktibidad. Mangrugi daytoy a panagkagumaan iti pagtaengan. Addaan dagiti nagannak ti sagrado a pagrebbengan a mangisuro kadagiti annakda iti lawag ken kinapudno. Mangipaay dagiti lider ti Simbaan iti napateg a suporta ken pannarabay kadagiti ubbing, agtutubo, ken dagiti pamiliada.
Patpatgendakayo. Agtalekkami kadakayo. Ikarimi nga itultuloyto ti Nailangitan nga Amatayo a bendisionan ken saranayennakayo bayat ti panangidaulo ken panangtarabayyo kadagiti annakna iti pammati.
Ti Umuna a Panguluen ken Korum dagiti Sangapulo-ket-dua nga Apostol