“Dagiti Tulong a Resources,” Dagiti Ubbing ken Agtutubo ti Ti Simbaan ni Jesucristo dagiti Santo iti Ud-udina nga Aldaw: Maysa a Pakauna a Pangiwanwan para kadagiti Nagannak ken Lider (2019)
“Dagiti Resources a Pangtulong”
Dagiti Resources a Pangtulong
Available ti mobile, web, ken naiprenta a resources. Dagiti ramit para iti panangituding iti panggep a tun-oyen, kapanunotan para kadagiti panggep a tun-oyen, kapanunotan para iti serbisio ken dagiti aktibidad iti pagtaengan ken simbaan, dagiti pangiwanwan iti kinatalged, ken dagiti pangiturong ket mabalin a ma-access dagiti nagannak, lider, ken agtutubo.
Dagiti Resources
Mobile App: Gospel Living
Ti Gospel Living mobile app (iOS ken Android) ket nadisenio tapno agbalin a makaparegta, makaallukoy, makaparagsak, ken adda pakainaiganna iti inaldaw a panagbiag. Daytoy ti mangsuporta iti biag a naisentro ken ni Cristo babaen:
-
Makaparegta a linaon
-
Dagiti palagip
-
Dagiti kapanunotan iti aktibidad
-
Komunikasion
-
Panangilista iti padpadas
-
Dagiti bukod a panggep a tun-oyen
Sukisoken ti Apple app store ken Android app marketplace para iti Gospel Living (Church of Jesus Christ).
Web: ChildrenandYouth.ChurchofJesusChrist.org
Ti Children and Youth development website ket mangipaay kadagiti resources a mangsuporta kadagiti nagannak, ubbing, agtutubo, ken lider.
-
Dagiti resources iti nagannak ken pamilia
-
Dagiti resources ken pagarigan para iti no kasano ti mangsuporta ken mangparegta kadagiti ubbing ken agtutubo
-
Dagiti resources iti aktibidad ti Primary
-
Serbisio ken dagiti pangiwanwan, pagarigan, ken kapanunotan iti aktibidad
-
Dagiti pagarigan ken kapanunotan iti bukod a panangdur-as (panggep a tun-oyen)
-
Dagiti resources iti training iti panguluen iti klase ken kurom
-
Dagiti mai-download a bersion dagiti naiprenta a material
Naiprenta: Panagdur-as dagiti Ubbing ken Agtutubo
No makatulong, sidadaan a magun-od dagiti naiprenta a buklet a mangsuporta kadagiti pagbatayan iti panagdur-as dagiti Ubbing ken Agtutubo ken mangtulong kadagiti ubbing ken agtutubo nga agaramid kadagiti plano para iti bukod a panagdur-as.
Agtultuloykayo iti Dana ti Katulagan
Bayat ti panagtultuloy dagiti agtutubo iti sumaruno nga addang iti panagbiagda, mangipaayto ti Relief Society ken ti elders quorum kadagiti gundaway a pakasarakan iti rag-o ken panangdur-as bayat ti panagtitinnulongda nga agtrabaho a mangipatungpal iti aramid ti pannakaisalakan.
Elders Quorum
Relief Society