Burime për Ndihmë

Janë në dispozicion burime në telefonat celularë, në faqet e internetit dhe ato të shtypura. Mjetet për vendosjen e synimeve, idetë për synime, idetë për shërbim dhe aktivitete në shtëpi e në kishë, udhëzimet për sigurinë dhe mësimet mund të përdoren nga prindërit, udhëheqësit në moshë madhore, presidencat e kuorumeve dhe klasave, dhe të rinjtë e të rejat.

Burimet

Programi Kompjuterik: Gospel Living [Të Jetuarit e Ungjillit]

Programi kompjuterik Gospel Living [Të Jetuarit e Ungjillit] (iOS dhe Android) është projektuar që të jetë frymëzues, përfshirës, argëtues dhe i përshtatshëm për jetën e përditshme. Ai e përkrah jetën e përqendruar te Krishti nëpërmjet:

• Përmbajtjes frymëzuese

• Kujtuesve

• Ideve për aktivitete

• Komunikimit

• Mbajtjes së ditarit

• Synimeve vetjake

Kërkoni në dyqanet e programeve për Apple dhe për Android programin Gospel Living (Church of Jesus Christ) [Të Jetuarit e Ungjillit (Kisha e Jezu Krishtit)].

Faqja e internetit: FemijetDheRinia.ChurchofJesusChrist.org

Faqja e internetit për zhvillimin e Fëmijëve dhe Rinisë siguron burime për të përkrahur prindërit, fëmijët, të rinjtë e të rejat dhe udhëheqësit.

• Burime për prindërit dhe familjen

• Burime dhe shembuj për mënyrën se si t’i përkrahni dhe t’u jepni zemër fëmijëve dhe të rinjve e të rejave

• Burime për aktivitetet e Fillores

• Udhëzime, shembuj dhe ide për shërbimin dhe aktivitetet

• Shembuj dhe ide për zhvillimin vetjak (synim)

• Burime trajnimi për presidencën e klasës dhe të kuorumit

• Variante të materialeve të shtypura që shkarkohen

E Shtypur në Letër: Zhvillimi i Fëmijëve dhe Rinisë

Atje ku është e dobishme, janë në dispozicion broshura të shtypura në letër për të përkrahur parimet për zhvillimin e Fëmijëve dhe Rinisë dhe për t’i ndihmuar fëmijët dhe të rinjtë e të rejat që të bëjnë plane për zhvillimin vetjak.

Vazhdoni në Shtegun e Besëlidhjes

“Në çfarëdo kohe që bëni çfarëdo gjëje që e ndihmon cilindo – në çdonjërën prej anëve të velit – të hedhë një hap drejt bërjes së besëlidhjeve jetike me Perëndinë …, ju po ndihmoni që Izraeli të mblidhet.”

Presidenti Rasëll M. Nelson, “Shpresa e Izraelit”, takim shpirtëror mbarëbotëror për rininë, 3 qershor 2018, f. 15

Ndërsa të rinjtë e të rejat kalojnë në fazën tjetër të jetës, Shoqata e Ndihmës dhe kuorumi i pleqve do të sigurojnë mundësi më të mëdha që të gjejnë gëzim dhe rritje ndërsa punojnë së bashku për të përmbushur punën për shpëtim.

Kuorumi i Pleqve

Shoqata e Ndihmës