“Ngaahi Maʻuʻanga Tokoni ke Tokoní,” Fānau mo e Toʻu Tupu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní: Ko ha Fakafeʻiloaki mo e Fakahinohino maʻá e Mātuʻá mo e Kau Takí (2019)
“Ngaahi Maʻuʻanga Tokoni ke Tokoní
Ngaahi Maʻuʻanga Tokoni ke Tokoní
Lava ke maʻu atu e ngaahi maʻuʻanga tokoni ʻi he telefoni toʻotoʻó, ʻinitanetí mo pākí. ʻE lava ke maʻu ʻe he mātuʻá, kau taki ʻo e kakai lalahí, kau palesitenisī fakakōlomu mo fakakalasí, mo e toʻu tupú, ʻa e ngaahi meʻangāue ki hono fokotuʻu ʻo ha taumuʻa, ngaahi fakakaukau ki ha ngaahi taumuʻa, ngaahi fakakaukau ki ha ngāue tokoni mo ha ngaahi ʻekitivitī ʻi ʻapi mo e siasí, ngaahi fakahinohino ki he malú, kae pehē ki ha ngaahi fakahinohino.
Ngaahi Maʻuʻanga Tokoní
Polokalama mobile app: Gospel Living
ʻOku fakataumuʻa ʻa e Gospel Living App ʻi he mobile app (iOS mo e Android) ke ueʻi fakalaumālie, fakamānako, fakafiefia, pea mahuʻingamālie ki he moʻui fakaʻahó. ʻOkú ne poupouʻi ha moʻui ʻoku fakatefito ʻia Kalaisi ʻo fakafou ʻi he:
-
Ngaahi meʻa ʻoku ueʻi fakalaumālié
-
Fakamanatu
-
Ngaahi fakakaukau ki he ʻEkitivitií
-
Fetuʻutakí
-
Tohinoa
-
Ngaahi taumuʻa fakatāutahá
Fekumi ʻi he Apple app store mo e Android app marketplace ki he Gospel Living (Church of Jesus Christ).
Uepisaiti: ChildrenandYouth.ChurchofJesusChrist.org
ʻOku ʻomi ʻe he Children and Youth development website ha ngaahi maʻuʻanga tokoni ke poupouʻi e mātuʻá, fānaú, toʻu tupú, mo e kau takí.
-
Ngaahi maʻuʻanga tokoni ʻa e mātuʻá mo e fāmilí
-
Ngaahi maʻuʻanga tokoni mo e ngaahi sīpinga ki he founga ke poupouʻi mo fakalotolahiʻi ai ʻa e fānaú mo e toʻu tupú
-
Ngaahi maʻuʻanga tokoni ki he ʻekitivitī ʻa e Palaimelí
-
Ngaahi fakahinohino ki he ngāue tokoní mo e ʻekitivitií, ngaahi sīpingá, mo e ngaahi fakakaukaú
-
Ngaahi sīpinga mo e ngaahi fakakaukau ‘o e fakalakalaka fakatāutahá (taumuʻa)
-
Ngaahi maʻuʻanga tokoni ako ʻa e kau palesitenisī fakakalasí mo fakakōlomú
-
Download ha ngaahi tatau ʻo e ngaahi naunau kuo pākí
Paaki: Fakalakalaka ʻa e Fānaú mo e Toʻu Tupú
Kapau ʻe tokoni, ʻoku lava ke maʻu atu ʻa e fanga kiʻi tohi kuo ʻosi paaki ke poupouʻi ʻa e ngaahi tefitoʻi moʻoni ki he fakalakalaka ʻa e Fānaú mo e Toʻu Tupú pea tokoniʻi e fānaú mo e toʻu tupú ke faʻu ha ngaahi palani ki he fakalakalaka fakatāutahá.
Hokohoko Atu ʻi he Hala ʻo e Fuakavá
ʻI he taimi ʻoku hiki ai ʻa e toʻu tupú ki he tuʻunga hono hoko ʻo ʻenau moʻuí, ʻe ʻoange leva ʻe he Fineʻofá mo e kōlomu ʻo e kaumātuʻá ha ngaahi faingamālie lahi ke nau fiefia mo tupulaki ʻi heʻenau ngāue fakataha ke fakahoko ʻa e ngāue ʻo e fakamoʻuí.
Kōlomu Kaumātuʻá
Fineʻofá