Katauraoan Autinibootaki ao Tabeua riki Taabo n Nebonebo

Reirei ni Kairiiri

Ni babairean nnen autinibootaki aika boou, taan kairiiri n te Ekaretia ao taan mwakuri a riai n iri reirei ni kairiiri aikai:

1. Te toronibwai—Ti na kekeiaki-mwaaka ni boutoka teimatoan rikiraken te Ekaretia. Ni kabane mwakoron te Ekaretia a na katea te riki n toronibwai bwa aia kouru.

2. Kai Rekena—Ti na taraia bwa reirein te euangkerio ake a kakawaki, bwaai ao mwakuri ni ibuobuoki a na kona n reke irouia aomata nako. Mwakoro ake a maan a riai ni buokiia mwakoro ake a tuai raoi toronibwai.

3. Te wanawana ni mwiokoakira—Ti na wanawana n tararuaan bwaai ni ibuobuoki aika tabu. Ti na iangoia bwa a na kanga ara rinerine n roota maiuia membwa ao tauraoin te anganano n te Ekaretia.

Taan kairiri n te nakoanibonga n te Aono ao n taabo a kekeiaki-mwaaka n maiuakini tuua ake a kamataataki n te Principles and Guidelines for Meetinghouse Planning imwain tabekarakean taabo riki tabeua.

Kaboraoakina ao Kaangaraoakina

Nikabane autinibootaki a riai n katea tamnein boutokaan te taneiai n nebonebo ao ana waaki te Ekaretia. Aikai a raonaki naba ma taabo ibukin te maungatabu, te anga reirei ao bootaki. Kainnanon te tabo—n ikotaki ma buburan te unite ma ana kairiri—e kona n kainanoa te bitaki ngkana e nang katauraoi autinibootaki.

Te tabo n bootaki e kona n ae ana auti te membwa, te kawa n reirei n te tabo ke ana tienta te komiunite, te tabo ae ritinaki, ke ana tabo te Ekaretia, ke ai bon tabo riki tabeua. Aikai ni kabane a kona n tei bwa buokaia n te tai ae abwabwaki taian unite n tiaitiia nako, man ana kariaia te Beretitentii n te Aono. Kabonganaan mitiin, n aron bwaai ni kaongora ao kaotan tamnei, a kona n karekea te bitaki.

Katauraoan te Tabo ni Kaineti ma Kainnanoakina

Taan kairiri n te aono ao n taabo a na mwakuria raoi reitinakoan kabonganaan autinibootaki imwain ae a bubuti kabuburakin riki aia tabo. Te tabo e na kona ni katauraoaki imwin rinanoakin te tia ni mwaitiia ake a roroko ke mwaitin te unite n te kateitei anne ao n raonaki naba ma bwaai i tinanikun ana mwaake te uoote ma te titeiki ni kaineti ma taai ni mwananga are e kabwarabwaraki iroun te Beretitentii n te Aono. Taan mwakuri n te Ekaretia n te aono anne, n raonaki ma taan kairiiri n te tabo a kona n karekea te kariaiakaki n karababaa kabonganaan ana bwai te Ekaretia i tinanikun ana mwaake te titeiki.

Karekeana

Taan kairiri n te aono ao n taabo a ukora karekean buokan autinibootaki aika a materaoi ao n tei maan n te tai ae abwabwaki. Taabo aika a boou a na katea bannan te karinerine ma aroaro aika tamaroa, te aki kamoamoa ao ai bootauna ma tein ao taran bwaai i rarikina. E riai n kabonganakni kunikai, bwaai ni mwakuri ao bwaain katamaroan nanona are a tauraoi n te tabo anne ngkana e riai . Aron waakin katauraoan man kabiran ana tabo te autinibootaki e riai ni kakorakora te nano n toronibwai n te Ekaretia n te tabo anne.

Kakeaan te Aki Bobo n Nano

Taan kariiri ao membwa n te tabo a riai n aki kairekerekea aia bitineti ni karikirake ma te Ekaretia. Te katooto teuana, aki kariaiakaki bwa a na karaoi boraraoi ibukin kabooan ke ritinakin te tabo ke karaoi boraraoi ae e na kaboonganaki iai mwanen te Ekaretia. Ngkana e na aki iraki ao e riai n karekeaki te kariaiakaki n te koroboki man aobitin te aona ke te Bootaki ni Mwakuri ibukin Bwain Autinibootaki.

Babaire ibukin te Autinibootaki

Ibukin kakorakorakia membwa n te Ekaretia, te aono e katauraoi babaire ibukin autinibootaki ibukin te tai ae maan. Babaire aikai iai ibuakona kainibaire ibukin karakaan ke kamwaingan (i.e., kamwainga) ana tabo te autinibootaki. Babaire ibukin autinibootaki n te tai ae abwabwaki e boutoka ana kainibaire te aono ni kakoraoraia utu, membwa ao unite man katauraoan autinibootaki n anga aika bebete man booraoi. E karaoaki aio man kabonganaan bwaai n angana ae riai, rinanoan rootakin ana babaire te autinibootaki iaon kakorakorakiia membwa n te Ekaretia, ao katauraoan taabo aika riai ni kaineti ma kainnanon te tabo.

Iaan ana bwai ni kairi te Beretitentii n te Aono, te Itingaun n te Aono ao te tarekita ibukin bwaai ake a irekereke ma te maiu, ao taan mwakuri n te aono a na kawaerakei aia rinerine taan kairiri n te nakoanibonga, mwakuri n ikotaki ma ngaiia n karaaoi tabeaianga, karaoi kabanea ni babaire iaon autinibootaki are a na kairaki n te kainibaire. E kona ni karaoaki aio n tain te bootaki ni kauntira ma beretitenti n titeiki are a tia n katabeaki iai. E na anga te rongorongo te beretitentii n te titeiki nakon te Beretitentii n te Aono are e na buoka te tarekita ibukin bwaai ake a kaineti ma te maiu ni katauraoa ao ni kabooua te kaetieti ake a kainnanoaki n te babaire.

Ibukin rongorongo riki ao, taan kairiri n te nakoanibonga a riai n rinanon bokin te Kainibaire ibukin Bairean Autinibootaki.

Mwanenakin Bwain Autinibootaki

Nnen Autinibootaki a karekea mwanenakiia man te kainibaire ni katoa ririki ibukin Bwain Autinibootaki. Taian Beretitentii n te Aono a karinii aia kainibaire ibukin te ririki nakon te Budget and Appropriations Committe rinanon te Bitiobiriki n Tararua.

Katarataraan Kainnanoan te Tabo n Nebobo ae Boou

Tabeua bwaai ae a kona n rootii kainibaire ibukin auti ni bootaki ma taabo n nebonebo nakon taai aika a na roko bon bannan ana unite te Ekaretia n tabo; rikirakena ma teina; taraan rikirakena; babaire ibukin maenakon te unite; buburana, nnena, ao aron kabonganaan ana kateitei.

Anga tabeua ibukin Karekean te Tabo riki

Aobitin te aono e na rinanoi kawai aika kakaokoro are e na kona iai n katebenakoa te anga ae te kabanea n raoiroi ibukin kakoroan nanon kainnanoan te tabo riki n nebonebo. Kawai aikai a raonaki ma katamaroaan riki ana buroukuraem te Ekaretia n te unite n te tabo anne, ibuokanibwaian te tabo ma unite riki ake tabeua, katamaroaan riki aia tabo are e kabonganaaki n te tai aei, kabooan te kateitei, ke katean te autinibootaki ae boou.

Angabwaian am Tabo

Te Ekaretia e beberinoi butimwaean taabo are e angabwaiaki. Ngkana iai ae kan anga ana tabo nakon te Ekaretia, taan kairiri n te nakoanibong a na reitaki nakon aobitin te aono. Ibukiia ake n te United States ao Kanata, tareboonia te Real Estate Services Division n te Bootaki ni mwakuri ibukin Bwain Auti ni Bootaki

Taan kairiri n te tabo aki kona n butimwaai ke n anga te ritiiti ibukin taabo are angabwaiaki. Taabo are e anganaki ke ni karekei mairoiuia aomata a na riai n aki airi ma kaetieti ibukin aron kabonganakiia

Babaire ibukin Tamnein Katean te Autinibootaki

Ana taan mwakuri te Ekaretia n te aono a tia n katauraoi babaire ibukin tamnein te autinibootaki are e na booraoi ma kainnanon te tabo anne. Ngkana e nang kateaki te autinibootaki ae boou, e na rineaki te tamnei ae tau. Te tamnei anne e na kaota te babaire ibukin taian ruu, tein tarakiia, ao bwaai ni mwakuri ake a na mena inanon te tabo n tataro.

Rikiraken Mwakurian Katean te Autinibootaki

Ngkana a bane n iraki kainibaire ibukin katean te autinibootaki ae boou ao e kabwaataki aron mwakurian te kateitei are e tabekaki, e kairaki ibuakon kainibaire ibukin te ririki, e reke mwanenakina, ao bairean taina, e na waaki ngkane te mwakuri iaon te autinibootaki.

N taina ae riai inanon waakin te mwakuri ao te manatia ibukin te mwakuri n reiiaki ma te manatia ibukin taabo, a na kaitbo ma te beretitentii n te titeiki n rinanoi man rinerinei kawai man ake a katauraoaki n te kainibaire. Waakinan katabwenaan aontano e kona naba n maroroakinaki. Te manatia ibukin taabo e na kakaongoraia kain te beretitentii n te titeiki taekan rikiraken te waaki.

Mwakuriian te Kateitei

Ngkana e koro nanon te waaki ni karikirake, ao aobitin te aono ena kaniwangana te bootaki ni kateitei anne. Man ana ibuobuoki te manatia ibukin taabo, ao te manatia ibukin te mwakuri e na kaira te bootaki ni maroro iaon te kateitei ma taan kairiri n te titeiki ao te tia kamwakuri Naake a ira te bootaki ni maroro aio a na iangoi raoi tabeia, kamatoa raoi teina ma katamaroana ni kaineti ma ana kainibaire te tabo ao n rinano raoi ana tai are katautauaki te mwakuri anne.

Katiaan te Autinibootaki

Ngkana e tia te mwakuri ni kateitei ao te manatia ibukin te mwakuri e nikira ana kateitei anne n raonaki ma bitaki are e karaoi ngkana iai nakon te manatia ibukin taabo. Te manatia ibukin taabo e na bairea man kaira te kaitiaki ae korakora ma kainibaire ibukin kateimatoana ao ni karaoi bwaai tabeua riki are a na kainnanoaki imwain kabonganan te kateitei.

Te manatia ibukin taabo e na kaira te bootaki ni maroro ni kabwarabwaea ao neweabaan te kateitei irouia taan kairiri n te tabo anne. Ngaia ae e na anga kaetieti iaon aia tititem kateitei aikane nakoia taan tei ibukin kateitei man te titeiki ao te uoote. E na katauraoi kiing nakoia taan kairiiri n taabo ao n ruruamwiin taai ni kaitiaki ao aia mwakuri n anganano taian membwa.

Ritinakin Nnen Autinibootaki

Ibukin riiti aika boou ibukin autinibootaki, taan kairiri n taabo a na reitaki ma te manatia ibukin taabo n te aono ao n taraa riaina. E kabwakaaki boon riiti man ana kataumwane te kurubu n tararua ibukin taabo.

Ibukin kaboouan riitin autinibootaki, taan kairiri n taabo a na reitaki ma te manatia ibukin taabo n te aono are e na rinanoa te bubuti anne. Te tabo teuana e kona n ritinaki n te tai ae uarereke ngkana autinibootaki ake a tei a aki tau ibukiia uoote n tain onobwaian te autinibootaki.

Aobitin te aono e na booraraoiakina kanoan te riiti .

Tangoan Te Tabo n te Tai ae Uarereke

A kona n tangoaki taabo tabeua n te tai ae uarereke man kabooaki n ana mwane te Ekaretia ngkana taabo ake a tauraoi aki tau ibukin ana bootaki te titeiki, n ai aron te maungatabu n te tabo, bootaki n reirei ietan te ai, takakaro inano te auti ao bootaki aika irekereke ma te katei. Anga tabeua n ibuobuoki, n raonaki ma karawataan te tetere ke kabonganaan bwaai n reitaki (n ai aron te rawerawe) a kona n kabonganaaki imwain tangoan taabo ti bukin te tai ae uarereke.

Ngkana e riai tangoan te tabo ibukin te tai ae uarereke, ao taan kairiri n te tabo anne a na reitaki nakon te manatia ibukin taabo ni baronga te booraraoi ae riai. Te manatia ibukin taabo e na karina te boraraoi anne n raonaki ma booma ae te “Request for Temporary Leased Facility” nakon aobitin te aono. A riai bubuti ni karokoaki imwain te tai are e na kainnanoaki iai. Ngkana a iraki raoi waaki aikai, ao ngkane boon tangoan te tabo e na nakon man ana mwane te Ekaretia ibukin te waaki ni kabuta

Taabo ibukin takaroro ake a karaoaki i tinanikun te auti a na mwanenaki man mwanen te unite n te tabo anne.

Taromauri ibukin Katabwenaan Aontano

Imwiin kariaiakan te mwakuri ni kateitei ae boou, te Beretitentii n te Aono e kona ni kariai te taromauri ibukin katabwenaan aontano ni katauraoan te mwakuri ibukin te kateitei. Te taromauri aio e na bon aki karaoaki n te Tabati. Te beretitentii n te titeiki e na rereitaki ni maroro ma te Itingaun n te Aono bukin kaetieti.

Katabuan Taian Kateitei

Te kabanea ni kariaia ibukin te katabu e na anga te Beretitentii n te Aono n reitaki ma te tarekita ibukin bwaai aika irekereke ma te maiu. E na mwakuri te Bereitentii n te Aono ma te beretitenti n te titeiki ke te mition ao ni kaotia bwa antai ae na bukinaki ibukin karaoan te katabu ibukin te kateitei.

Te kaetieti ibukin te mwakuri ni katabu e riai ni kaineti ma bukin te bwai ae karaoaki. E riai n aki ananau ke ni karinaki te katangitang ae abwaabaki n te kamataku. E na karekeaki te tai ae tau ibukin te tia kairiiri are e mwiokoaki bwa e na taetae ao ni katabua te kateitei.

Imwiin te tataro ni katabu, e na riai ni iai te anene n tataro ae tau ibukin te tai anne ke te anene ae baireaki ao te tataro ae uarereke ni kaina te bootaki.

Tataro ni katabu ibukin te kateitei a bon kona n raweaki man ana kariaia te tia tararua ae kariaiakaki.

Autinibootaki aika ritinaki e na kona ni katabuaki ngkana a iraki nanon kaetieti aikai:

1. Taabo ni kabane ake a ritinaki, ma tiaki taabo aika rangin ni kakabonganaaki (n aron kawai n rin ao n otinaki, kawai inanon ruu aika bubura, ao tabo n nako tinaniku), e kabonganaki ti iroun te Ekaretia.

2. Te riiti ibukin ae raka iaon teuana te ririki.

3. Te Beretitentii n te Aono e na kariaia katabuan autinibootaki aika ritinaki.

Ngkana a rinanoaki bwaai aikai ao e katabuaki te autinibootaki, e na riai te tataro ni mwanewea ae te autinibootaki e na kamanenaaki “ti inanon manin te riiti.”