Kateimatoaan Tararuakin Autinibootaki

Kaitiakan Autinibootaki

Ana auti ni bootaki te Ekaretia a riai n tararuaki raoi n te anga ae kaota tabun arona ao nanona. Taan kairiri n taabo, taian membwa ao kurubu n tararua ibukin bwaai a katiteuanaaki n tabeia n tararua te autinibootaki ao nanona bwa e na itiaki ao man barongaki raoi.

Aia Mwakuri ni Kakaonimaki Membwa

A butiaki membwa bwa a na taua te mwiokoaki, n ikotaki ma te kurubu n tararua ibukin bwaai, ibukin tararuaan ma kaitiakan taian autinibootaki. Te boto ni iango ibukin aia mwakuri ni kakaonimaki membwa bon ibukin toronibwaia ma kakabwaiaakia-n ikotaki ma roronrikirake ao ake a memere rorokoia- man tauraoin anga n mwakuri n ibuobuoki E kakorakora man kamatoa naba karinean ana auti te Uea n nebonebo.

Aia mwakuri ni kakaonimaki membwa e barongaaki man waakinakin iaan ana kairiiri te titeiki beretitentii. Taan tei ibukin kateitei man te titeiki ao te uoote a kona naba n weteaki bwa a na anga reirei man barongaa aron te mwioko aio. (Tarai rongorogo ibukin te program organization.)

Kainnanoan te kaitiaki ae korakora ao mwakuri tabeua riki e kona n kauarerekeaki ngkana naake a kabongana te tabo a kaitiakii mwiia ao a kawanawanaia, katauraoi raoi ao man karinerine n taai nako.

Te tia tei man te uoote ibukin kateitei e kona n baronga, ngkana e riai, ao man kaira te mwakuri n kaitiaki ni katoa wiiki. Ni kabane membwa a riai n anganaki aia tai bwa a na ira buakon te kaitiaki. Kairake ni mwaane ao aine a kaoaki bwa a na ira buakon te mwakuri n raonaki ma aia utu, kooram, ao aia kiraati.

A riai n aki katabeaki kairake n rokanan kateitei n te bong ke n kumei bwaai ni mwakuri n te iti.

Aia Ruu ni Bwaai Taian Membwa

Te autinibootaki e kona ni katannakoa te ruu ni bwai teuana ibukin nnen aia bwai ni kaitiaki ao bwaai riki tabeua ibukia taian membwa are a na kabongana. Taan tei ibukin kateitei man te titeiki ao te uoote a kona naba n weteaki bwa a na anga reirei man barongaa aron te mwioko aio.

Te Katauraoi ibukin Bwaai aika a Karina

Taan tia kairiiri n te nakoanibonga n taabo a katauraoi kainibaire ibukin aekakin nako bwaai aika a kona n karina n riki n taian autinibootaki. A kabonganai kainibaire aikai n reirei ni kataneiai ma taian membwa ao ni kabonganai n taai aika karina. E riai bwa e na teke n taabo aika a riai man kona n noraki irouia aomata aia nambwa n reitaki ma buretiman, taan tiriai ao te on-aoraki.

Totokoan Rikin te AI

Te kangaanga n irekereke ma te ai e kona n kauarerekeaki ngkana aomata ake a kabongana te autinibootaki a bwaina te taratara raoi. Waaki aikai bon iango tabeua ibukin totokoan te ai:

• Kararoai kunnikai aika a kai ura—n raonaki ma te kai, bebwa, keemiko, ao maenge—man taian ruu ni bwai, kabinete, ao taabo ae iai bwaai ni kabuebue, taabo n ai ao bwaai ni mwakuri.

• Kataia katoka kabonganaan bwaai ni kabuee.

• Tai kikitanii titoobu, ke ai-numuum ngkana ko kabonganai n kabuea te amwarake iai ke n katoro ran

Taabo n nakonako inanona ao i tinaniku

N ai aroia taan kairiri ae a tataraia bwa a na mwaawa kawaia inanon ruu ao taabo naba n rin, e kakawaki naba tarakin taabo n nakonako inanona ma itinaniku bwa a na mwaawa naba.

Kingin Taian Auti n Bootaki

Te kurubu n tararua ibukin bwaai ngaia ae a na katauraoi kingin taian autinibootaki nakoia taan kairiri n te titeiki. Kain te Bitiobiriki a na tibwai kiing nakoia taan kairiri n te uoote n aron are e baireia te titeiki. Bitiobiriki n tatabemaniia nako a taui rekooti ibukin kiing aikanne ao aomataia ao a kona n anga kaobiin aia rekooti anne nakon te tia tei man te titeiki. Membwa a riai n kaoki kiing ngkana a kainaomataaki man tabeia.

Te Mwane

Te mwane e riai n aki tiku n te autinibootaki ni uaa te bong are imwina kee taai riki tabeua.

Aron Tararuuana ma Rokanana

Taan kairiri n te Titeiki ke bitiobi a riai n iangoa katean te tai ibukin kainakin ma rokanakin te autinibootaki. Waaki aikai a na iraki ni katoa bong imwiin katean te tai ni kainin.

Taan kairiri n te nakoanibonga a kona n rineia kakauoman bwa a na rokana te tabo bwa e kauarereke riki te kabuanibwai nakon temanna. Waaki ni kainiin aikai a mwanewea naba tarakina bwa e na akea te aomata ae akea irouna te kariaiakaki bwa e na tiku n te auti ni bootaki, a na tiringii taura ni kabane ao bwaai ni kaabue ke ni kamwaitoro ao n rokani mataroa ma wintoo.

Membwa n te Ekaretia ake iai irouia kingiin te auti ni bootaki a kantaningaaki bwa a na kainii man rokanii mataro nako tinaniku ao wintoo ni kabane imwain nakoia.

Taan kairiri n taabo a na taraia bwa kombiuta, mitiin n kaobi, ao bwaai tabeua ake a maiu man te iti bwa a na ringaki nakon nneia ao n rokonaki. N ikotaki ma anne, ao kombiuta ma bwaai aika maiu man te iti ake ana bwai te Ekaretia, a bane n mwakoro man kawakinaki taekaia ma nambwaia.