Bwai ni Kakibotu n Tain te Kaembing

Tararuaan Tabo ni Kakukurei

Tein ana tabo ni kakukurei te Ekaretia e boutokaa waakin ana bootaki te Ekaretia ake a bobo i tinanikun te auti. A kateaki ni kaineti ma teina are e tia ni barongaaki ao kainibaire are a kateaki iroun te Ekaretia. Iai uoua aekakin taian tabo ni kakukurei aikai:

1. Bwai ibukin Kakakibotu

2. Local Unit Recreation Center (LURC)

Ana boto ni iango te tabo ni kakukurei aio bon ibukin buokaia kairake n ataeinaine bwa a na namakina te Tamnei n aia tai n kakakibotu. Titeiki, uoote, ao utu ake kain te Ekaretia, ao aia iruwa a kona n kabonganai taabo ni kakibotu aika ngkana a kariaiakaki aia bootaki. Kabaean ana tabo ni kakukurei te Ekaretia ibukiia bootaki ni komiunite, te bwakaukau ao irouia aika man ekaretia tabeua. E ngae n anne ao, membwa n te Ekaretia a kaungaaki bwa a na kaoia raoia ake man aaro aika kaokoro bwa a na iri ma ngaiia.

Te kanrin n taian tabo n kakukurei aikai a na rikoaki ibukin kabooan kateimatoaan, onobwaian ao katamaroan te tabo anne. Ni kabane taabo ni kakukurei aika a riai n kabongana ana tititem ni kabaebae te Ekaretia are e aonraain ae camping.ChurchofJesusChrist.org. NI kabane bwakamwane a na rikoaki ti rinanon te tititem ni kamwaingana nakon te iunite teuana ma teuana ibukin ana kabaebae te unite ao rinanon kabonganan te credit card ngkana bon aia kabaebae aomata.

Te LURC e teetei n ana mwaake te titeiki ao oin kabongana bon irouia uoote n te titeiki anne ke irouia naba titeiki ake a uaan ma ngaia. Te katooto ae tabangaki bon te bwaranta ke taabo tabeua ake ibukin bootaki i tinanikun te auti. Taian titeiki a riai n aki rikoi kanriniia membwa n te Ekaretia ngkana a kabongana te LURC.

Titeiki a kona n bubuti karekean ke karikirakean te LURC ae boou ibukin taabo ni kakukurei ngkana e riai kainnanoakina. Beretitenti n te titeiki a kona n reitaki ma te manatia ibukin taabo ke aobitin te aono, are a kona n karinan te bubuti anne bwa e na rinanoaki ibuakon naba te kainibaire ibukin te ririki are ena karinaki nakon te Beretitentii n te Aono.

Imwain karinan te aeka ni bubuti anne, e ngae ngkana, unite n te tabo a kaungaaki bwa a na kabonganai ana tabo te botanaomata ke taabo are e bwaibwai iai te aomata. Ngkana iai ana tabo te Ekaretia ae uaakan ma titeiki tabeua, e kantaningaaki bwa a na kabonganaaki tabo aikai imwain karinan te bubuti arei.

Te kanoa aio e kaineti ma taabo ni kakukurei.

Taabo ni Kakukurei aika Boou

Bubuti ibukin mwanenakin karekean ke karikirakean taabo ni kakukurei man te Ekaretia a na karinaki nakon te tarekita ibukin bwain te maiu. Ana mwane ni ibuobuoki ni kabuta te Ekaretia e na karekeaki man kabonganaan ana kainibaire ibukin te ririki te tabo ni kakukurei ma ti ngkana e koro nanon te kainibaire are kateaki ibukin karikirakeana. Reitaki ma te manatia ibukin taabo ibukin moanakin te waaki ibukin rinanoakina.

Titeiki ake aki anganaki tauan mwiin Tabo ni Kakukurei

Te Itingaun n te Aono (ni kaineti bwa are baireia te Beretitentii n te Aono) e rinei titeiki ake a na taua taekan ana tabo ni kakukurei te Ekaretia n te aono anne ao ni kaineti ma kainnanon te titeiki ao kaaina ao kakabonganaan taabo aikai. Kabonganaan taabo ni kakukurei are e uki nakoia aomata ao ake iai aomata ae a bwaibwai aia e riai naba n rinanoaki.

Titeiki are ake taabo ni kakukurei ae a taua mwiina a kona ni kabaei taabo ni kakukurei aikai rinanon te tititem ni kabaebae are e aonraain ao n ira nanon te Priority Schedule ibukin te kabaebae are e teke n te webutiate anne.

Mwanenakin Katamaroaan Taabo ni Kakukurei ake A Tia n Tei

Manatia ibukin taabo a tia n bane n katannakoaki nakon aia tabo ni kakukurei are a na taraia ao man taua mwiina. Mwanenakin taabo ni kakukurei aika bon mwangan te kainibaire ni katoa ririki ao e mwanenaki naba ana kaboomwi, katamaroana, waakina ao kateimatoaana. Kabanemwane ibukin ana buroukoraem ni bobotaki ma bwain taabo ni kakukurei aika e nako man kanrinina taan kabongaana te tabo (taraa Mwanen te Titeiki ibukin Taabo ni Kakukurei).

Kakaitiaki ao Onobwai

Taabo ni kakukurei a tutuoaki uoua te tai n te ririki bwa e na taraaki kainnanoan te onobwai ma kamwengaraoina. Taabo ni Kakukurei ma buakoakon aonona e riai n tataraki raoi n taai are iai bibitakin kanoan te bong n aron te ang ae korakora, te karau ae korakora ao te tinoo.

N te United States ao Kanata, te tutuo ao te onobwai a na reke ngkana e kanakoaki te bubuti nakon te manatia ibukin taabo are e mwakuri ma te Natural Resources Services n te Bootaki ni mwakuri ibukin Bwain auti ni Bootaki.

Taabo ni kakukurei ake a tei iaon taabo aika riitinaki e kauarerekea te kakamwakuri ibukin karikirakeana ma kateimatoaakina, ni karokoa e tei te riiti ni boraraoi ibukin te taai ae na maan ao ngkanne e aki banebuaka te kabanemwane are e karaoaki ibukiia.

Kaboonakoan ke Riitinakin Taabo n Kakukurei aika a Kaman Tei

Te beretitenti n te titeiki ake a tangira kaboonakoan ke riitinakin taabo ni kakukurei a na reitaki nakon te manatia ibukin taabo ke aobitin te aono. Taian titeiki aki kariaiakaki bwa a na karaoi boraraoi ma aobiti ke aomata ae irekereke ma aron karekean, Riitinakin, ke kanakoakin taabo ni kakukurei.

Taan Tararua

Te Itingaun n te Aono (ni kaineti ma are baireia te Beretitentii n te Aono) e na rinea ana aomata te beretitenti n te titeiki are e na taraa aron tararuaakin taabo ni kakukurei. Ana aomata te beretitenti n te titeiki e na maeka n ana tabo te aro are e mena iai te kateitei are e na tararuaia.

Taekan te Kainaomataki man te Taekiti

Kainaomatakin taabo ni kakukurei man te taekiti e riai ni kateimatoaaki. Ana bwai te Ekaretia a riai n aki kabonganaki ibukin te waaki ni karekemwane ke ibukia bwatei inanon te tautaeka, ke ibukin karekean te mwane are e na riaon are e ti kainnanoaki ibukin butiraoin ana waaki, kateimatoaakin arona ao onobwai. Ngkana te tautaeka n te tabo are e mena ia te tabo ni kakukurei e aki kariaia kainaomatakin te tabo anne man te taekiti, ao ngkana ena kabwakaaki te taekiti man atuun te Ekaretia.

Mwanen te Titeiki ibukin Taabo ni Kakukurei

N te United States ao Kanata, aomatan tararuaan mwanen te tabo ni kakukurei e kabongana te tititem ni bangke ibukin ana unite te Ekaretia ae kaokoro (CUBS), ae kateaki man te Treasury Services n atuun te Ekaretia. Ana aomata te titeiki aki kona n katei ke n tuuki aia akaunti ni karinimwane n te bangke. Te CUBS akaunti e kabonganaaki ni kabooi kainnanon ana buroukuraem te tabo ni kakukurei ibukin ana bootaki ma bwaina nako. Ni kabane kanriniia taan kabongana te tabo aio ma aia kabwakamwane riki tabeua a na bane ni karinaki n te CUBS akaunti. Itinanikun te United States ao Canada, te beretitenti n te titeiki e na reitaki ma aomatan te tabo ni mwane n te aono ibukin kaetieti iaon katean akaunti aikai.

Te tia tarai mwiin kabane mwane n te titeiki e na karoa tabena iaon aia waaki ni kabane mwane taabo ni kakukurei rinanon te booma are te Recreation Camp Audit ae kona n reke n te Area Audit Resource Library.

Te beretitenti n te titeiki ena karaua raoi n rinanoni man kariaia ni kabane karekemwane ao kabanemwane. Ngkana te tabo ni kakukurei teuana e korakora ana karekemwane man bwain te aba, te titeiki e na reitaki nakon te manatia ibukin bwaai are e mwamwakuri ma te Natural Resources Services n te Bootaki ni Mwakuri ibukin Bwain Auti ni Bootaki (n te United States ao Kanata) ke aobitin te aono (ibukiia ake itinanikun te United States ao Kanata). Ni kabane akean nako karekemwane aikai ana karinaki ibuakon n ana mwane ni buoka ni kabuta te Ekaretia.

Membwa n te Ekaretia a kona n ibuobuoki n angamwane ni buoka mwanenakin onobwaian ke katamaroan taabo ni kakukurei man aia anganano ni mwakuri, bwaai ao kabonganaan aia bwai ni mwakuri ni ti karaoi onobwia aika uarereke. Ni kabane te mwakuri n onobwai ma te katamaroa e na kairaki iroun te manatia ibukin bwaai man kabonganaakia aika iai te konabwai irouia n karaoa te mwakuri ao ngkana e a tia n kabwataki aia kainibaire ibukin aia mwane n te ririki. Taan kairiri n te ekaretia aki kona n karaoa te bootaki ni karikirake ibukin karekean mwanen bwaain ma katamaroaan taabo ni kakukurei aikai (tara Funding Improvements for Existing Recreational Camps).

Te Ran ni Mooi

Ana tititem ibukin ana ran ni mooi n ana tabo ni kabane te Ekaretia a katikaki man mwanibwa ke karaanga aika a tauaki taekaia (tiaki ake ana bwai n ran te kauntira ke te komiunite) are e bon katei, kabirii ao n kawakinii ni kaineti ma are e kateaki n te tua ao n ana kainibaire te Ekaretia. Te manatia ibukin bwaai ngaia tabena taran te ran bwa e na kakaraoaki te tutuo moa iaona ibukin nora tamaroan n aron are e kateaki n te tua man kaota bannan te tararua ae nakoraoi.

Bwaai ni Mwakuri ao Bao ni Mwamwananga

Te Bootaki ni Mwakuri ibukin bwain Auti ni Bootaki ao te Ekaretia aki rangi n tabena katauraoan bwaai ni mwakuri ao bao ni mwamwananga ibukin taabo ni kakukurei aikai. Ngkana ena iai te bwai ni mwakuri ae ena kainanoaki, e kona n tangoaki ao man kabooaki tangoana n mwanen te titeiki, are ana anga kain te titeiki, ke ni kabooaki n ana mwane te unite n te tabo anne ao man kanriniia taan kabongana te tabo anne.

Taan Tararuaa te Tabo

Ngkana iai kainanoan temanna ke e raka riki te tia tararuaa te tabo, beretitenti n te titeiki a kona n weteia mitinare n ibuobuoki n te Ekaretia bwa a na tabenna. Taian mitinare ni ibuobuoki n te Ekaretia aikai a na kamatoaki iroun aia bitiobi.

Ibukin rongorongon riki weteakiia mitinare n ibuobuoki n te Ekaretia, taraa Aeniboki ni Kabuta, 24.7.