Stap Mentenem Ol Mitinghaos

Stap Klinim Ol Mitinghaos

Ol mitinghaos blong Jos, oli mas lukaotgud long olgeta long wan wei we i soem se ol bilding ia oli tabu mo oli gat wan tabu stamba tingting. Ol lokol lida, ol memba mo olgeta long grup blong lukaotem bilding, oli serem responsabiliti ia blong kipim mitinghaos mo yad i klin gud mo i stap long oda.

Memba I Tekpat

Oli askem ol memba blong oli tekem responsabiliti ia, wetem grup blong lukaotem bilding, blong oli klinim mo oli kea long mitinghaos. Stamba tingting blong memba i tekpat, hem i blong gud blong evri memba, mo blong i blesem evri memba—we i tekem tu ol yut mo ol les aktiv—tru long fasin blong givim janis blong givim seves. Mo tu, i mekem se wanwan memba i gat strong tingting ia blong gat moa respek long ol haos blong wosip blong Lod.

Wok ia blong memba i tekpat, oli oganaesem mo oli stap kareaot ol wok ia anda long daereksen blong stek presidensi. Oli save singaotem ol stek mo wod bilding ripresentativ, blong oli save help blong tij mo kodinetem responsabiliti ia. (Luk infomesen abaot program oganaesesen.)

Nid ia blong gat bigfala klinap mo ol nara wok, bae i save kamdaon taem we, olgeta we oli stap yusum bilding, oli stap klin afta we oli yusum, mo oli praktisim fasin blong stap waes, stap kea, mo gat respek long evri taem.

Wod bilding ripresentativ i save oganaesem, mo long weaples we i posibol, oli supavaesem ol wik klinap. Evri memba i mas gat wan janis blong tekpat long klinap. Oli stap invaetem ol yang man mo ol yang woman blong tekpat wetem ol famli blong olgeta, wetem kworom, o klas blong olgeta.

Ol yang pipol oli no mas gat responsabiliti ia blong lokem bilding long naet, o blong operetem ol paoa tul.

Tul Rum blong Memba

Wan mitinghaos i save gat wan tul rum blong ol memba oli yusum. Insaed long hem i gat ol tul blong klinap mo ol sop blong yusum, we memba i save yusum. Ol stek mo wod bilding ripresentativ oli save kodinetem wok wetem grup blong bilding manejmen, olsem wanem blong putum tul, putum stok, mo mentenem tul rum ia.

Imejensi Step

Ol lokol prishud lida oli developem ol plan blong fesem ol defren imejensi we i save hapen long mitinghaos. Oli yusum ol plan ia blong trenem ol memba mo oli yusum ol plan ia long taem blong imejensi. Oli givim strong tingting blong soem klia ia long ol stret ples long bilding, ol imejensi namba blong lokol polis, faea, mo imejensi medikol seves.

Stopem Faea

Denja blong faea i stat i kamdaon taem we evriwan we i yusum mitinghaos i tekem responsabiliti blong mas lukaot gud. Sam tingting ia oli sam tingting we oli givim blong stopem faea.

• Kipim evri samting we i save laet—we i tekem faeawud, pepa, kemikol, mo ol rabis—oli mas stap aotsaed long ol rum, ol self, ol kabinet mo spes we i gat ol masin blong boelem samting, ol masin blong bonem samting, ol makanik tul, mo ol nara samting.

• No yusum spes hita.

• No lego ol stov, o ol oven oli stap on olgetawan taem we oli hotem kaekae o stap boelem wota.

Ples blong Wokbaot long Saed Bilding mo Ples blong Wokbaot Aotsaed

Semmak olsem we ol lida oli kipim ol ples blong wokbaot insaed mo aotsaed long bilding oli klia, hem i impoten tu blong kipim ol ples blong wokbaot aotsaed oli klia, blong mekem man i sef blong kam insaed mo go aotsaed.

Ol Ki blong Mitinghaos

Grup bilding manejmen i givim ol ki blong mitinghaos i go long ol lida blong stek. Ol bisoprik oli serem ol ki ia i go long ol lida blong wod olsem we stek i talem. Wanwan bisoprik i kipim wan rekod blong huia i gat ol ki, mo i save givim wan kopi blong rekod ia i go long stek bilding ripresentativ. Ol memba oli givimbak evri ki taem we oli rilis long ol responsabiliti blong olgeta.

Mane

Oli no stap lego mane insaed long mitinghaos ovanaet o oli no stap lego nating i stap long eni taem.

Sekiuriti mo Fasin blong Lokem Ples

Ol lida blong stek mo ol ejen bisop oli tingting blong yusum wan taemtebol blong mitinghaos i klos mo fasin blong lokem ples. Ol fasin o step ia, oli mas folem evri naet afta we oli putum taem blong klosem mitinghaos.

Ol prishud lida oli save givim wok ia long tutu man blong lokem bilding blong katemdaon denja we i stap. Ol step o fasin blong lokem ol ples, i tekem wok ia blong meksua se i no gat pipol we i no gat raet, blong stap insaed long bilding; blong ofem evri laet, ofem ol tul blong hotem rum, o mekem rum i kolkol, mo blong lokem evri doa mo windo.

Ol memba blong Jos we oli gat ki blong go insaed long mitinghaos oli mas klosem mo lokem ol doa we i go aotsaed mo evri windo taem oli stap aot.

Ol lokol lida oli mekemsua se ol kompiuta, ol kopi masin, ol lektronik kibod we oli stap karem olbaot, mo ol odiovisuol tul, oli lokem olgeta o putum olgeta long ples blong storem olgeta. Antap long hemia, ol kompiuta mo ol lektronik tul, oli makem olgeta olsem ol propeti blong Jos, mo oli mekem wan lis blong model mo serial namba, mo kipim i stap.