Ol Parking Ples blong Mitinghaos

Ol Gaedlaen blong Parking ples long Yunaeted Stet mo Kanada

Infomesen we i kam afta abaot fasin blong yusum ol parking ples, ples blong parking blong olgeta we oli disebol, mo ples blong putum ol bigfala ples blong sakem doti, oli ol infomesen blong ol lida long Yunaeted Stet mo Kanada. Maet bae i save helpem ol narawan long ol nara eria. Be, tingting long ol lokol rul mo nid, mo toktok wetem lokol bilding maneja blong mekem stret aplikesen.

Fasin blong Yusum Ples blong Putum Trak

Antap long ol gaedlaen we oli stap long 35.5.8 blong Jeneral Hanbuk, tingbaot se, blong stap serem ol ples blong putum trak wetem ol nara oganaesesen o man mo woman, i save mekem se Jos i stap long denja, i save pem sam mane, mo i mekem se mane blong mentenem ples i hae. I save mekem se i gat problem long saed blong spes mo graon, mo i posibol blong lusum spesel janis blong no pem takis. Iven sapos yu yusum ples blong putum trak blong mekem ol yut fanresing aktiviti (i dipen long wanem kaen aktiviti) i save mekem se Jos i save pem ol takis.

Sapos bae oli no folem polisi, bae lokol bilding maneja i mas lukluk long hemia, mo daerekta blong ol afea blong laef long wol ia bae i mas apruvum. Taem oli no folem rul, i from bae i blong gud blong Jos (olsem blong no stap raorao long fasin blong yusum ples ia), no putum Jos long ples we bae i fesem Kot, mo bae hem i save kasem evri raet bifo oli givim blong yusum.

Antap long ol parking ples, fasin blong yusum propeti blong Jos we oli serem, i nidim blong i mas gat apruvol, we i tekem tu apruvol blong save go insaed propeti blong yusum blong Jos, ol get, yusum graon, problem blong baondri, agrimen blong givim raet blong wokbaot.

Wan Ples blong Parking we Oli Putum Ples blong Hem i Stap

I gat samfala parking spes blong ol pipol wetem disabiliti, oli putum i stap, hemia folem ol lokol rul, mo oli makem long wan standet fasin. Be, ol bisop mo ol lida blong stek, oli save askem bilding maneja blong makem sam moa spes, sapos i nid.

Blong ol miting we i gat fulap pipol long hem, olsem long stek konfrens, ol lokol lida oli meksua (iven sapos i blong sot taem nomo) se i gat ol parking spes olsem we oli makem olgeta i stap. Ol bisop oli gohed blong kodinetem hemia wetem ol nara wod, sapos oli stap yusum bilding mo spes blong parking long sem taem. Eksampol: wan wod i no save gat inaf akses from se wod bifo hem i yusum ol spes ia finis.

Ol bisop oli tijim mo oli mekem ol memba oli tingbaot stret fasin blong yusum parking spes we oli makem i stap. Eksampol: parking we i stap long wan ples we oli no makem, we i stap kolosap long wan ples we oli makem, bae i posibol se bae i no save yusum spes ia. Iven olgeta we oli gat stret ples o raet, oli nidim blong lego ples ia i fri blong olgeta we oli gat trak we oli hae antap, o oli nidim moa rum blong putum man long trak mo karemaot man long trak.

Blong gat moa infomesen long Jos, visitim Disabiliti websaet.

Ol Bigfala Aean o Ples blong Putum Doti

Ol bigfala aean o bin blong putum doti, i blong Jos nomo i yusum. Oli save blokem ol man blong sakem doti long ol ples ia taem oli putum ol fanis, ol lok, mo ol nara samting, sapos i nid.