Ol Kamp blong Ol Aktiviti

Administresen blong Ol Propeti blong Pasem Taem

Ol aktiviti propeti blong Jos, oli stap olsem wan ples aotsaed, blong holem ol aktiviti blong Jos. Oli stap developem olgeta i folem ol standet samting mo plan we Jos i putumaot. I gat tufala kaen aktiviti propeti.

1. Ol kamp propeti blong ol aktiviti

2. Ol Lokol Yunit Aktiviti Senta (LYAS)

Stamba tingting blong ol kamp propeti blong ol aktiviti, hem i blong helpem ol yang woman oli filim Spirit long sem taem we oli stap gat wan aktiviti long wan sef ples we i stret. Ol stek, ol wod, ol famli we oli memba blong Jos, mo olgeta we oli invaetem olgeta, oli save yusum ol kamp ia blong holem ol aktiviti we oli apruvum. Olgeta we oli bukum ol kamp propeti blong ol aktiviti ia, oli no mas mekem long bihaf blong ol komuniti oganaesesen, ol ples blong mekem bisnis, mo wanwan man o woman blong nara relijin. Be, ol memba blong Jos oli save invaetem ol fren blong olgeta we oli blong ol nara relijin, blong kam long wan aktiviti wetem olgeta.

Oli save tekem smol fi blong yusum blong wan kamp blong aktiviti blong kavremap ol mane blong mentenem, riperem mo mekem gud ples. Evri kamp blong Ol Aktiviti, oli mas yusum Jos onlaen sistem blong bukum ples ia long camping.ChurchofJesusChrist.org. Evri peimen bae oli tekem tru long sistem ia, folem rod blong transferem mane aot long wan yunit i go long nara yunit, blong bukum ples, mo tru long kredit kad, blong yusum blong yuwan.

Wan LYAS, plante taem i stap insaed long baondri blong stek, mo tingting biaen i blong ol wod insaed long stek ia oli yusum, o ol stek kolosap oli save yusum. Wan eksampol we i kamaot oltaem, i wan bigfala tenet, o wan moa propeti blong yusum blong ol aktiviti aotsaed. Ol stek oli no mas tekem fi long ol memba blong Jos taem oli stap yusum wan LYAS.

Ol stek oli save askem blong Jos i pem mo developem wan niu LYAS, o kamp propeti blong ol aktiviti, taem i gat wan nid we i mekem se oli kwalifae from. Ol stek presiden oli save kontaktem bilding maneja o eria ofis, we i save sendem wan rikwes blong oli lukluk long hem long yia plan we bae oli sendem i go long Eria Presidensi.

Bifo oli sendem wan rikwes olsem, bae oli leftemap ol lokol yunit blong yusum ol pablik o praevet ples we i stap. Taem we ol bilding o ples we Jos i ona long hem oli stap kolosap long wan nara stek baondri, nao bae oli yusum ol bilding ia fulwan olsem we oli askem.

Wanem i stap ia, i spesifik long ol kamp propeti blong ol aktiviti.

Niu Kamp Propeti blong Ol Aktiviti

Ol rikwes blong kasem mane blong Jos blong pem o developem wan aktiviti kamp, oli sendem tru long daerekta blong ol afea blong laef ia. Oli askem Ol Jeneral Jos mane mo stap yusum rod blong aktiviti kamp yia plan nomo taem wan i kwalifae mo oli mitim ol standet blong divelopmen. Kontaktem lokol bilding maneja blong statem rod ia blong oli lukluk long rikwes ia.

Ol Stek we Oli No Gat Wan Aktiviti Kamp Propeti

Eria Seventi (olsem we Eria Presidensi i jusum) i putum ol stek long ol kamp we Jos i onem olgeta, insaed long eria ia we stek i stanap long hem, folem ol nid mo folem distens mo fasin blong yusum ol kaen propeti olsem. Oli mas lukluk tu blong yusum ol pablik mo praevet ples.

Ol stek we oli no gat wan aktiviti kamp, oli save bukum eni aktiviti kamp tru long onlaen buking sistem, mo folem Taemtebol blong mekem buking olsem we oli pablisim long websaet.

Pem Ol Wok Blong Mekem Gud Moa Ol Aktiviti Kamp Propeti we Oli Stap

Wan bilding maneja i gat wok blong lukaotem wanwan kamp mo i gat stret responsabiliti blong evri ples blong kamp. Mane blong kamp i pat blong yia plan wok mo i tekem mane blong riplesem, mekem gud moa, operetem, mo mentenem ples. Ol mane blong spendem blong ol kamp program aktiviti mo ol tul, kamp nao i lukluk long hem tru long ol yusa fi (luk long Stek Faenens blong Ol Kamp):

Lukaotem Ples, mo Kipim Ples I Klin

Oli stap jekem ol kamp propeti evri sikis manis blong faenemaot ol nid blong mentenem ples mo ol problem blong sefti. Ol kamp o ol ples we i gat bus, oli mas go jekem olgeta afta wan bigfala samting olsem , bigfala win, hevi ren, o sno.

Long Yunaeted Stet mo Kanada, oli jekem mo mentenem ol risos we oli stap taem oli sendem wan rikwes i go long bilding maneja we i wok wetem Ol Naturol Risos Seves insaed long Mitinghaos Bilding Dipatmen.

Ol aktiviti kamp we oli stap long ol propeti we i gat lis, oli stap developem mo mentenem long wan minimom level kasem taem we i gat wan lis agrimen blong wan longfala taem we oli saenem, we i save stap olsem risen blong save mekem bigfala spending.

Pem o Lisim Aktiviti Kamp we I Stap Finis

Ol stek presidensi we oli wantem salem o lisim wan aktiviti kamp we i stap, i save kontaktem bilding maneja o eria ofis. Ol stek oli no gat raet blong mekem dil wetem eni munisipaliti, o ejen blong pem, lisim, o lego eni aktiviti kamp propeti.

Administresen

Eria Seventi (olsem we Eria Presidensi i jusum) i jusum wan ejen stek presiden blong lukluk ova long administresen blong wan kamp propeti. Ejen stek presiden ia i mas stap laef long semfala eklesiastik eria we propeti ia i stap long hem.

Raet blong Fri long Takis

Raet blong fri long takis long saed blong ol aktiviti kamp propeti, oli mas holemtaet. Propeti ia, oli no mas yusum blong salem samting o long saed blong politik, o blong winim mane we i bitim hemia we oli givim raet from, blong operetem, mentenem mo riperem ples. Sapos lokol gavman blong ples ia we aktiviti kamp propeti i stap long hem i no givim raet blong fri long takis, bae hedkwota blong Jos bae i pem ol takis ia.

Stek Faenens blong Ol Kamp

Long Yunaeted Stet mo Kanada, ejen stek i lukaotem mane blong kamp, mo i yusum wan seperet yunit bank sistem blong Jos (CUBS o YBSJ); akaon ia oli stanemap tru long Mane Basket Seves long hedkwota blong Jos. Ol ejen stek oli no setemap wan jek o diposit sista daerek wetem ol bank. CUBS akaon nao oli yusum blong pem ol kamp program nid blong ol aktiviti mo ol nara tul. Evri fi we ol yusa oli pem mo ol asesmen, oli putum long CUBS akaon. Long ol eria we oli no long Yunaeted Stet mo Kanada, ejen stek presiden i kontaktem eria faenens wokman blong kasem ol instraksen blong stanemap ol akaon.

Ejen stek odita i mekem odit blong ol operesen blong kamp mo i yusum fom blong Aktiviti Kamp Odit we i stap long Eria Odit Risos Laebri.

Ejen stek presiden i luklukgud mo i apruvum evri mane we i kam insaed, mo ol mane we oli spendem. Sapos wan aktiviti kamp propeti i mekem moa mane aot long ol naturol risos, ejen stek i talemaot long bilding maneja we i wok wetem Ol Naturol Risos Seves insaed long Mitinghaos Bilding Dipatmen (insaed long Yunaeted Stet mo Kanada) o long eria ofis (sapos i stap aotsaed long Yunaeted Stet mo Kanada). Evri mane ia we oli kam insaed oli putum i stap insaed ol jeneral mane basket blong Jos.

Ol memba blong Jos oli help blong daonem mane blong mentenem, mekem ripea, o mekem gud ol aktiviti kamp ia taem oli donetem taem blong wok, ol materiol, o taem oli no tekem mane blong yusum ol tul blong wok blong mekem ol smol ripea wok. Evri wok blong riplesem samting o mekem gud samting, bilding maneja nao i yusum ol kontrakta mo ol mane we oli kamaot long ol yia plan we oli apruvum finis. Ol lida blong Jos oli no mas yusum ol spesel fanresing taem blong pem ol samting we i nid blong spendem long saed blong ol aktiviti kamp ia (luk long Pem Ol Wok Blong Mekem Gud Moa Ol Aktiviti Kamp Propeti we Oli Stap).

Stap Dring Wota Saplae

Evri wota sistem blong wota blong dring, long evri propeti blong Jos, we oli kamaot long praevet wel, o springwota (be i no wan munisipol o komuniti wota sistem) oli stap bildim, operetem, mo mentenem folem ol lokol rul mo ol standet blong Jos we oli stap finis. Bilding maneja i responsibol blong meksua se wota ia, oli tekem smol mo oli testem wota kwaliti standet blong hem blong i go stret wetem ol rul blong moa mo ol bes praktis blong lukaotem wota.

Ol Tul mo Ol Trak

Mitinghaos Bilding Dipatmen mo Jos oli no pem o mentenem ol tul o trak blong ol aktiviti kamp. Taem we i nid blong gat ol spesel tul, oli rentem mo stek nao i pem, o ol memba blong stek oli givim i kam, o oli pem wetem lokol yunit bajet mo ol yusa fi.

Olgeta we Oli Tekem Kea long Ples

Sapos i gat nid blong gat wan o moa long wan fultaem wokman blong tekem kea long ples, ejen stek presiden i save singaotem ol Jos Seves Misinari blong holem posisen ia. Ol Jos seves misinari ia, bisop blong olgeta nao oli setem olgeta apat.

Blong gat moa infomesen blong stap singaotem ol Jos seves misinari, luk long Jeneral Hanbuk, 24.7.