“Na iTuvatuva Liu e Tokona na Veidusimaki ni Mataveiliutaki ni Wasewase,” iDusidusi ni iTuvatuva Liu ni Valenilotu (2022)
“Na iTuvatuva Liu e Tokona na Veidusimaki ni Mataveiliutaki ni Wasewase,” iDusidusi ni iTuvatuva Liu ni Valenilotu
Na iTuvatuva Liu e Tokona na Veidusimaki ni Mataveiliutaki ni Wasewase
Na veidusimaki ni Mataveiliutaki ni Wasewase e vukei ira na iliuliu ni matabete me vakanamata na nodra sasaga ki na kena vaqaqacotaki na matavuvale, lewenilotu, kei na tabananilotu. E qarava na veigacagaca yadudua ka ra cakacaka vata kina na iliuliu ena sala ni tuvata me tarai cake kina na matanitu ni Kalou e vuravura.
Na ituvatuva liu vakabalavu e tokona na veidusimaki ni Mataveiliutaki ni Wasewase ena kena vaqaqacotaki na matavuvale, lewenilotu, kei na tabanilotu ena kena vakarautaki na veivalenilotu ena sala rawarawa ka sau rawarawa ni vakayagataki vakayalomatua na iyau, ni nanumi tiko na vakayacoka ni vakatulewa baleta na veivalenilotu ena nodra vaqaqacotaki na lewe ni Lotu, kei na vakarautaki ni vanua e veiganiti kei na ituvaki ni itikotiko. Oqo e vakabibitaki ena iVoladusidusi Raraba veidusimaki:
E vakarautaka na Lotu na veivalenilotu me rawa kina vei ira kece era curu yani mera:
Vakayacora ka vakavouya na veiyalayalati ena veicakacaka tabu vakalotu (raica na Vunau kei na Veiyalayalati 20:75; 59:9–12).
Sota vata (raica na 3 Nifai 18:22–23).
Sokalou ka masu vata (raica na Mosaia 18:25; Moronai 6:9).
Veivakavulici ka veiqaravi vakai keda (raica na Moronai 6:4–5).
Vakaitavi ena ivakavakayagataki vakadonui tale eso me vaka e vakamacalataki ena wase oqo.
iVoladusidusi Raraba: Veiqaravi ena Lotu i Jisu Karisito ni Yalododonu Edaidai, 35.1, ChurchofJesusChrist.org
“Ni sa ganita me vakaqaqacotaki na Lotu, sa vakarautaka tu na veiwasewase na ituvatuva yavubula balavu sara ni bera ni caka na lalawa-ka me kuri se vakasukai na tiki ni valenilotu. Na veika bibi ena vakatutu oqo ena wili kina na vakayagataki ni veivale sa tu rawa tu, na nanamaki ni tubu ni lewenilotu, na tuvai vakamatau ni vei ka e vukea na itavi, veisau ena yaco ki na iyalayala ni tabananilotu, kei na veiraurau ni ilavo e vakayagataki kina. Na gagadre kei na ituvatuva ni valenilotu e dau navuci ena ivakatagedegede ni matabose ni iwasewase kei na veivakacokotaki” (“iVakavuvuli kei na iDusidusi me Baleta na Vakarautaki ni Valenisoqoni” [soli vata kei na ivola mai na Matabisopi Vakatulewa, June 5, 2015], 2–3).