era matadredredre na matavuvale

Rai raraba ni iTuvatuva Liu

Ena dusimaka na Mataveiliutaki ni iWasewase na sasaga ni ituvatuva liu ena iwasewase. Na sasaga oqo ena qaravi mai na dua na matabose ni veivakacokotaki se ena veimataiteki. Ena lesia na Mataveiliutaki ni iWasewase e dua na Vitusagavulu ni iWasewase me raica raraba na kena buli e dua na ituvatuva liu vata kei na veitokoni ni dairekita ni iyau ni lotu (DYL) kei ira na nona matacakacaka.

Na ituvatuva liu ena matabose ni veivakacokotaki se ena veimataiteki e veirauti vakalevu ena veivanua ka tubu vakatotolo kina na Lotu, ena vanua ka tu kina na madigi me tuvanaki na vanua ni valenilotu, se vanua ka ra lewe levu kina na lewenilotu.

Na Vitusagavulu ni iWasewase kei na DYL kei ira nona matacakacaka era na cakacaka vata kei ira na iliuliu ni matabete ena vanua me bulia ka vakayagataka e dua na ituvatuva liu ni gauna balavu (ke lailai me lima na yabaki).

era dabe tu na turaga ena bose

Era na kitaka oqo ni ra muria raraba na ituvatuva oqo:

1. Ena kaciva na Vitusagavulu ni iWasewase e dua na soqoni ni matabose veiliutaki se matabose ni veimataiteki me veivosakitaka na ivunau, ivakavuvuli kei na idusidusi, kei na ivolatukutuku ni iteki.

2. Na DYL kei na nona matacakacaka era na cakacaka vata kei ira na mataveiliutaki ni iteki me tukuna na tubu ka raica na malele e muri mai.

3. Ko ira na peresitedi ni iteki era na raica na veiveisau ni iyalayala ka gadrevi me vaqaqacotaki na matavuvale, lewenilotu, kei na tabananilotu.

4. Na matacakacaka ni DYL era na vakaraica na iwali ni valenilotu e rawa ni tokona na ituvatuva ni matabete.

5. Na Vitusagavulu ni iWasewase, ira na peresitedi ni iteki, kei na DYL kei na nona matacakacaka era na vakacavara na ituvatuva liu. Na DYL, vata kei na Vitusagavulu ni iWasewase ni tiko rawa, era na vakaraitaka na ituvatuva liu ki na Mataveiliutaki ni iWasewase me vakadonuya.

   Ni sa vakadonui mai na Mataveiliutaki ni iWasewase, ena qai vakauta na DYL na ituvatuva liu ki na Tabacakacaka ni iYauqaqa ni Valenilotu me vakadonuya vata.

6. Era na vakauta na peresitedi ni iteki na veiveisau ni iyalayala ka sa raici.

7. Na matacakacaka ni DYL era na vakarautaka na cakacaka ka na oka ki na ituvatuva vakayabaki ni valenilotu.

8. Na Vitusagavulu ni iWasewase, ira na peresitedi ni iteki, kei na DYL kei na nona matacakacaka era na vakavoutaka na ituvatuva me vaka sa gadrevi.