“8. Vakavoutaka na iTuvatuva Liu,” iDusidusi ni iTuvatuva Liu ni Valenilotu (2022)
“Vakavoutaka na iTuvatuva Liu,” iDusidusi ni iTuvatuva Liu ni Valenilotu
8.
Vakavoutaka na iTuvatuva Liu
Eratou na cakacaka vata kei iratou na Mataveiliutaki ni iWasewase na DYL kei iratou na nona vakailesilesi me ratou maroroya toka kina e dua na ituvatuva ni lima na yabaki. Ena rairai gadrevi vei ira na Vitusagavulu ni iWasewase me ra rai lesuva tale vata kei ira na peresitedi ni iteki me ra vakavouya na ituvatuva kevaka e vakatura tiko na iliuliu ni matabete se itukutuku vakarautaki e dua na veisau levu ki na ivakatagedegede, veisau ni tabanilotu, se cakacaka ni valenisoqoni.
Ni toso na gauna, ena gadrevi me vakavoui na ituvatuva levu duadua. Ena tolu ki na va na yabaki (se vakawasoma kevaka e gadrevi), sa dodonu vei Vitusagavulu ni iWasewase, me cakacaka ena veidusimaki ni Mataveiliutaki ni iWasewase, vata kei ira na peresitedi ni iteki kei na DYL kei ira na nona vakailesilesi me vakavoui na ituvatuva. Oqo e dua na madigi vinaka me raicilesu kina na sasaga ni kena vakayagataki kei na revurevu ni sasaga oqo ni tiko rawa kei na kena vakadodonutaki na ivakaraitaki eso.