vota tiko na sakaramede na cauravou

3.

Kunea na Veisau Gadrevi ni iYalayala

Me veidonui kei na nodratou veidusimaki na Mataveiliutaki ni iWasewase, e vuqa na iteki era sa raica rawa ka tauyavutaka na sasaga me ra vaqaqacotaki kina na iliuliu, lewenilotu, kei na tabanilotu. Ni sa navuci vakaukauwa, sa rawa talega vei ira na peresitedi ni iteki me ra vakatututaka na veisau ni iyalayala me ra vaqaqacotaki kina na lewe ni Lotu. Na ituvatuva cecere sa dua na madigi vinaka me veivosakitaki ka navuca na veisau ena rawa ni yaga ki na veiiteki e vuqa ena sala eso ka na sega ni rawa kevaka e cakacaka tiko vakaikoya e dua na iteki.

Ni ra vakasamataka na iliuliu na veisau ni iyalayala, sa dodonu me ra vakanamata taumada ena nodra vaqaqacotaki na lewe ni Lotu ka sega ni vakavinakataki cake na veivalenisoqoni. Na veika bibi me railesuvi ni vakasamataki na veisau ni iyalayala era kune ena wase 6, Vakauta na Veisau ni iYalayala kei na Tabanilotu.