gawas nga bahin sa gambalay sa simbahan

4.

Pag-ila sa Epekto ngadto sa mga Meetinghouse

Sa pagsuporta sa mga paningkamot sa pagkapari sa pagpalig-on sa mga miyembro ug sa pagtukod sa Simbahan, ang mga kawani sa DTA morebyo sa gidaghanon sa nanambong ug mga pagbana-bana sa yunit ug moila sa posible nga mga solusyon alang sa meetinghouse nga makatubag sa taas og tagal nga mga panginahanglan. Sama sa gilatid sa “Mga Baroganan ug mga Lagda alang sa Pagsangkap og mga Meetinghouse,” ang mga baroganan sa kinatibuk-ang pagplano magamit sa tanan nga sitwasyon diin gikinahanglan ang luna nga kahimoan og miting, kon naglihok man uban sa coordinating council, grupo sa mga stake, o indibidwal nga mga stake.

Kining mga baroganan sa kinatibuk-ang pagplano maglakip sa:

• Paghimo og tukma nga pagbana-bana sa umaabot nga yunit.

• Pagbutang sa mga meetinghouse sa mga dapit diin kini mahimong magamit sa daghang miyembro, karon ug sa umaabot.

• Kon posible, paggamit sa mga meetinghouse sa gidesinyo niini nga mga kapasidad.

• Paggamit sa labing angay nga opsiyon nga igong makatubag sa bag-ong mga panginahanglan sa meetinghouse.

Ang mga lider sa pagkapari kinahanglang mokonsiderar sa mosunod kon magtino kon pila ka ward ang mogamit sa meetinghouse:

• Ang mga eskedyul sa miting sa Dominggo magsugod sa makatarunganon nga oras ug mahuman sa tunga-tunga sa kahaponon aron ang mga pamilya makahimo sa pagtuon sa ebanghelyo diha sa panimalay.

• Ang mga miyembro nagpuyo sulod sa tukma nga oras sa pagbiyahe ngadto sa meetinghouse.

• Ang mga pagpahiangay sa meetinghouse, kon gikinahanglan, ginagmay ra ug barato.

Ang DTA ug ang mga kawani mohimo og mga rekomendasyon kabahin sa mga opsiyon alang sa pagsangkap og igo ug tukma nga mga dapit sa pagsimba. Kini nga mga opsiyon mahimong maglakip sa mga panimalay, inabangan, o gitukod nga mga meetinghouse. Ang mga kawani sa DTA maningkamot sa pagpangita og mga paagi nga magamit pag-ayo ang mga kapanguhaan sa Simbahan, nga dili mag-agad sa mga utlanan sa stake.

Ubos sa direksyon sa Area Seventy, ang DTA ug ang iyang mga kawani mopresentar sa mga rekomendasyon bahin sa meetinghouse ngadto sa mga lider sa pagkapari, magtambayayong sa pagsulbad sa mga problema, ug paghimo og kataposan nga pagplano sa meetinghouse nga ilakip sa kinatibuk-ang plano.