7.

Pagpatuman sa Tinuig nga Plano sa Meetinghouse

Ang DTA ug ang iyang mga kawani mangayo og pagtugot sa paggahin og pundo alang sa bisan unsa nga mga proyekto sa meetinghouse nga resulta gikan sa kinatibuk-ang mga plano pinaagi sa paglakip niini diha sa tinuig nga plano sa meetinghouse. Sa pagbuhat niini, ilang susihon ang pagkabalido sa mga pagbana-bana ug ang mga panginahanglan sa meetinghouse nga giila diha sa kinatibuk-ang plano ug paglakip sa nag-uban nga mga galastohan niini diha sa tinuig nga plano.

Ang tinuig nga plano sa meetinghouse isumiter ngadto sa Kapangulohan sa Area ug dayon rebyohon sa Tigdumalang Bishopric.

Ang kataposan nga pagtugot ihatag sa Budget and Appropriations Committee ug sa Council on the Disposition of the Tithes.

Ang mga kawani sa DTA mopasiugda ug mokompleto niini nga mga proyekto. Sila mopahibalo sa mga lider sa pagkapari kon gikinahanglan aron sa pagtaho kanila sa kahimtang sa mga proyekto sa meetinghouse diha sa plano.