8.

Pagbag-o sa Kinatibuk-ang Plano

Ang DTA ug ang iyang mga kawani makigtambayayong sa Kapangulohan sa Area aron sa mapadayon ang minimum nga lima ka tuig nga plano. Ang Area Seventy tingali magkinahanglan nga mopaapil pag-usab sa mga presidente sa stake aron sa pagbag-o sa plano kon ang mga lider sa pagkapari o impormasyon nagsugyot og usa ka dakong kausaban sa mga pagbana-bana, mga kausaban sa yunit, o mga proyekto sa meetinghouse.

Paglabay sa panahon, gikinahanglan nga bag-ohon ang kinatibuk-ang plano. Matag tulo ngadto sa upat ka tuig (o mas kanunay kon gikinahanglan), ang Area Seventy, ubos sa direksyon sa Kapangulohan sa Area, kinahanglan nga makigtambayayong sa mga presidente sa stake ug sa DTA ug sa iyang mga kawani aron bag-ohon ang plano. Usa kini ka maayong oportunidad sa pagtimbang-timbang sa mga paningkamot sa pagpatuman ug sa mga epekto niini nga mga paningkamot sa gidaghanon sa manambong ug dayon sa pagbag-o sa mga pagbana-bana.