batan-on nga nagpahiyom

6.

Pagsumiter sa mga Kausaban sa Yunit ug Utlanan

Ang presidente sa stake mopadala og bisan unsa nga mga hangyo alang sa yunit ug gikinahanglan nga mga kausaban sa utlanan aron ipatuman ang kinatibuk-ang plano pinaagi sa porma nga papel nga aplikasyon o sa online boundary leadership tool nga makita pinaagi sa Leader and Clerk Resources (LCR). Ang Kinatibuk-ang Tamdanan nga Basahon, seksiyon 36 naglakip sa kasamtangan nga mga lagda nga giaprobahan sa Unang Kapangulohan sa pagdumala sa mga kausaban sa utlanan. Ang mga lider kinahanglan nga mag-amping sa pagrebyo niini nga mga lagda sa dili pa mag-ugmad ug mosumiter sa mga kausaban samtang ibutang sa hunahuna nga ang pagpalig-on sa Simbahan ug sa mga miyembro niini mao gayod kanunay ang kataposang tumong.

Ang mga kausaban sa mga utlanan sa yunit sa kasagaran makabalda sa maayo na pagkaestablisar nga mga sundanan ug mga panaghigalaay diin mao nay naandan sa mga miyembro. Samtang ang mga hangyo sa pagpahiluna sa pagdaghan sa mga miyembro mao ang usa ka nindot nga kamatuoran sa usa ka nagtubo nga Simbahan, ang mga sugyot sa kausaban sa utlanan kinahanglan nga dili isumiter aron sa pagtubag sa mga panginahanglan o mga sirkumstansiya nga mahimo ra untang matubag pinaagi sa pagbansay ug pagpangalagad sa mas epektibong paagi ngadto sa mga lider sa pagkapari ug sa mga miyembro.

mga batan-on nga naglingkod diha sa klase

Bisan ang proseso sa pagplano mao ang pagpangandam sa mga butang nga mahitabo sa umaabot, ang mga hangyo ngadto sa Boundary and Leadership Change Committee kinahanglang i-base sa kasamtangan nga sitwasyon sa mga yunit sa Simbahan nga nalakip. Ang mga hangyo sa kausaban mahimong maglakip sa mga konsiderasyon ingon sa:

• Pagpalig-on sa kabatan-onan, pagpakunhod sa pinansyal nga mga problema sa pagbiyahe, pagdugang og misyonaryo nga mga oportunidad, ug pagpahiluna sa nagkatigulang nga mga miyembro.

• Pagtubag sa mga hinungdan sa sitwasyon sama sa makuyaw nga mga kondisyon, nagkatigulang nga mga tighupot sa pagkapari nga dili na makahimo sa pagserbisyo sa epektibong paagi, ug sa epekto sa dagkong mga estraktura sa apartment (mga hangyo sa mga utlanan nga dili makakonektar sa usag usa), ingon man usab sa dagko nga yunit ug mga konsiderasyon sa pagbiyahe.

Palihog paghatag og igong impormasyon nga nagdetalye sa panginahanglan nga usbon ang mga yunit, sama sa mga rason sa nakita nga sunodsunod nga pagpamalhin sa mga miyembro, pagkawala sa pagpangulo sa pagkapari, o kasamok sulod sa yunit. Palihog ilakip unsa nga mga paningkamot ang nahimo sa lokal nga mga lider sa pagkapari sa pagtubag niini nga mga isyu pinaagi sa pagbansay, pagtudlo sa doktrina, ug pagpangalagad.

Ang tanang sugyot kinahanglan nga hingpit nga giendorso sa mga presidente sa tanang stake ug mga misyon nga maapektohan sa gisugyot nga mga kausaban.

mga batan-ong lalaki