lalaki nga nagbarug sa daplin sa dalan

“Sama sa usa ka Sudlanan nga Nabuak”

Usa sa upat ka tawo sa kalibutan maapektuhan og mental nga sakit sa usa ka higayon sa ilang mga kinabuhi. Labaw sa 16 ka milyon ka mga hamtong sa U.S dihay dili mominos og usa ka sintomas sa seryoso nga yugto sa kaguol sa milabay nga tuig.

Gihigugma sa Manluluwas ang matag anak sa Iyang Amahan. Hingpit Niyang nasabtan ang sakit ug pakigbisog nga nasinati sa daghan samtang sila nagpuyo uban sa daghang nagkalainlaing matang sa mga hagit sa mental nga kahimsog. Siya nag-antus “sa mga sakit ug mga kasakit ug mga pagtintal sa matag matang; … [modala] diha kaniya sa mga sakit ug mga balatian sa iyang mga katawhan” (Alma 7:11; tan-awa usab sa Mga Hebreohanon 4:15–16; 2 Nephi 9:21). Tungod kay Siya nakasabut sa tanang mga kasakit, nasayud Siya kon unsaon “pag-ayo sa masulub-on og kasingkasing” (Lucas 4:18; tan-awa usab sa Isaias 49:13–16).

Ang katinuod sa pagpuyo uban sa mga hagit sa mental nga kahimsog managlahi gikan sa usa ka tawo ngadto sa laing tawo. Ang mga sintomas ug mga kabalaka sama sa kaguol o kakulba mahimong makita sa talagsaong mga paagi, bisan kon ang indibidwal adunay managsama nga paghiling sa sakit [diagnosis]. Kami nagdapit sa Simbahan ug sa mga sakop sa komunidad usab sa pagdugang sa ilang kalooy ug pagsuporta niadtong kinsa nakigbisog ug sa pag-aktibo sa pag-amuma alang sa ilang kaugalingon nga mental nga kahimsog.

• Bantayi ang imong mga pulong. Ang imong pinulongan makausab og mga panabut. Likayi ang kalagmitang makadaot o negatibo nga mga hugpong sa mga pulong, ug pilia ang mga pulong nga mas mahulagwayon sa unsay imong naobserbahan. Bisitahi ang Time to Change o ang American Psychiatric Association aron makakat-on pa og dugang.

• Pakighigala. Paminaw nga mapasensyahon ug walay paghukom kon ang uban makigbahin sa ilang mga kabalaka. Tabangi sila sa pagpangita og propesyonal nga mga kapanguhaan kon sila nagkinahanglan og dugang nga suporta. Bisitahi ang HelpGuide.org o Active Minds aron makakat-on pa og dugang.

• Pagbansay og kaugalingong pag-amuma. Ang mga limitasyon sa mortalidad mahimong nagkinahanglan kanato sa paghinay ug sa pagpahiuli sa atong kusog sa pila ka mga panahon (tan-awa sa Mosiah 4:27). Dili kini hinakog sa paghatag og panahon alang sa imong kaugalingon. Bisitahi ang Mind.org o pagtan-aw og TED Talk on the importance of self care aron makakat-on pa og dugang.