O Akong Amahan, ni Simon Dewey

Dawata ang balaang kalooy sa Manluluwas.

Ang kalooy mao ang abilidad sa pagbati sa gibati sa uban ug sa pagsabut kon unsa kaha ang ilang gihunahuna o gibati. Ang kalooy dili lamang yano nga pagbati alang sa usa ka tawo apan sa pagbati uban kanila. Tungod kay si Jesukristo mikunsad ubos sa tanang mga butang, Siya adunay balaang kalooy ug nasayud kon unsaon sa pagsuporta kanato sa atong mga pagsulay (tan-awa sa Alma 7:11–12; Doktrina ug mga Pakigsaad 88:6).

Kon ang kinabuhi mahimong makasanap, mahimo kitang maghunahuna nga ang Dios mibiya kanato. Makakaplag kita og kalinaw ug kahamugaway diha sa kamatuoran nga ang Dios Amahan ug ang atong Manluluwas, si Jesukristo, nagtan-aw kanato ug nahibalo kon unsaon kita pagtabang pinaagi sa atong mga pagsulay. Ang pagtuo diha ni Jesukristo wala nagpasabut nga ang mortal nga mga hagit mohunong na, apan kita nagtuo nga ang Ginoo naghatag kanato og kalig-on sa pagsagubang sa atong mga hagit.

Gitudlo ni Elder Quentin L. Cook: “Kini nga kinabuhi dili kanunay sayon, ni kini gituyo nga mahimo; kini panahon sa pagsulay ug sa pagtino. … Usahay kon kita gusto nga mosulti, ‘Hinaut ikaw nasayud, nagkalisud ako,’ kita makasalig nga si [Jesukristo] anaa ug kita luwas diha sa Iyang mahigugmaong mga bukton” (“Hope Ya Know, We Had a Hard Time,” Liahona, Nob. 2008, 103, 105).