ʻOku ʻikai ko ha tokotaha mataotao au ʻi he moʻui lelei fakaeʻatamaí, ka ʻoku ou fie tokoni. Ko e hā te u lava ʻo faí?

ʻI hoʻo talanoa mo ha taha ʻokú ne lolotonga feʻao mo e ngaahi faingataʻaʻia moʻui lelei fakaeʻatamaí, ko e ngaahi meʻa mahuʻinga taha te ke lava ʻo faí ko e fakafanongo pea fakahaaʻi ʻokú ke kaungā-ongoʻi ia. ʻE ala tokoni atu e ngaahi fakalea tatau mo ʻení ke ke fakakmatalaʻi hoʻo kaungā-ongoʻí:

• “ʻOku ʻikai ke u ʻilo pe ko e hā te u lea ʻakí, ka ʻoku ou fie maʻu ke ke ʻiloʻi ʻoku ou tokanga fekauʻaki mo koe.”

• “ʻOku ʻikai fie maʻu ia ke ke talanoa ʻo kapau ʻoku ʻikai ke ke fie fai ia. ʻIloʻi pē ʻoku ou tokanga.”

• “ʻOku sai pē ka kehekehe e ngaahi ongó mei he ʻaho ʻe tahá ki he ʻaho hokó. ʻOku ʻikai ke ʻi ai ha founga totonu pē ʻe taha ki he anga hoʻo ongoʻí. Ka neongo iá, ko hoʻo fakaʻatā ko ia ke ke ongoʻi pē ha faʻahinga ongo ʻi ho lotó, ʻoku meimei ko e meʻa moʻui lelei taha pē ia ke faí.”

• “ʻOku ongo ʻaupito kiate au hoʻo foua e meʻá ni.”

• “ʻOku sai pē ia kapau ʻoku ʻikai ke ke ʻilo e ngaahi talí kotoa, pe ʻikai ke ke ʻiloʻi pau pe ko e hā e meʻa ʻoku hokó. Ta talatalanoa pē.”

ʻI hoʻo talanoa mo ha taha ʻokú ne lolotonga feʻao mo e ngaahi faingataʻaʻia moʻui lelei fakaeʻatamaí, fakakaukau ke fai e ngaahi fehuʻi hangē ko ia ʻi laló ke tokoni atu ke mahino ʻene ngaahi hohaʻá, ngaahi fiemaʻú, mo e ngaahi tūkungá. Kapau ʻokú ne faingataʻaʻia fakaeloto pea fie maʻu ha tokoni fakapalōfesinale, fetuʻutaki ki he Ngaahi Tokoni Maʻá e Fāmilí.

• ʻOku fēfē hoʻo lavaʻí?

• ʻI haʻo aʻusia ha ʻaho lelei, ko e hā e meʻa ʻoku ngali hoko ko ha tokoní?

• Ko e hā ha ngaahi maʻuʻanga tokoni fakaeongo ʻokú ke maʻu?

• Ko e hā ha poupou ʻe lava ke u ʻoatu fakataha mo e kau mēmipa ʻo e uōtí?