Ko e hā ha founga ʻe mahino lelei ange ai e meʻa ke fakaʻehiʻehi mei hono lea ʻakí pe fakahokó?

Fakahaaʻi ʻokú ke kaungā-ongoʻi (pea hokohoko fai pehē). Lotua ha fakahinohino ki he meʻa ke lea ʻakí. ʻOku lava pē ke fakamanavahē haʻate fakafiemālieʻi ha taha, ka ʻoku faʻa lelei ange haʻate feinga ke lea ʻaki ha meʻa ʻi haʻate fakalongolongo pē. ʻOku mahuʻinga ke ʻiloʻi ʻe he kakai ʻoku nau lolotonga fekuki mo e ngaahi faingataʻaʻia ʻo e moʻui lelei fakaeʻatamaí ʻokú ke tokanga ange mo fie poupouʻi kinautolu.

ʻAi ke ke ongoʻingofua. ʻE lava pē ke fakakaukau e niʻihi ʻoku nau fekuki mo e ngaahi faingataʻaʻia moʻui lelei fakaeʻatamaí ʻoku ʻikai ke ongo manavaʻofa ha ngaahi lea ne fakataumuʻa lelei pē. ʻE ngali fakatupu loto-mamahi ange kae ʻikai tokoni e ngaahi fakatātā ko ʻení:

• “Ko e konga pē ia ʻo e palani ʻa e ʻOtuá.”

• “Koloa pē …” (“Koloa pē ʻoku ʻikai ke ʻi ha tuʻunga fakatuʻutāmaki ange,” “Koloa pē ʻokú ke kei maʻu ho fāmilí,” “Koloa pē ʻoku kei ʻi ai ho ngaahi kaungāmeʻa ke nau poupouʻi koe.”)

• “Naʻá ku aʻusia e meʻa tatau.”

• “Ngāue tokoni ke lahi ange.”

• “ʻE toe lelei ange he ʻalu ʻa e taimí.”

• “ʻOku totonu ke ke …” pe “Te ke …”

• “ʻAlu pē ki he temipalé ʻo lotua ia.”

• “ʻE tokoni haʻo liliu hoʻo tōʻongá.”

• “Tokanga taha pē ki he ngaahi meʻa ʻoku leleí.”

• “Ko e fiefiá ko ha fili.”