ʻE founga fēfē haʻaku tokoniʻi e niʻihi fakafoʻituituí, kau ai ʻa kinautolu ʻoku nau lolotonga feʻao mo e ngaahi faingataʻaʻia moʻui lelei fakaeʻatamaí, ke nau ongoʻi ʻoku talitali lelei mo fakakau mai kinautolu ʻi he lotú?

ʻOku fie maʻu ke ongoʻi ʻe he niʻihi fakafoʻituituí ʻoku ʻofaʻi mo tali kinautolu ʻi he lotú. ʻE lava e tokotaha kotoa pē ʻo feinga ke tokoniʻi e niʻihi kehé ke nau ongoʻi ʻoku talitali lelei kinautolu, kae ʻoua ʻe hohaʻa ʻo ka ʻikai ola lelei hoʻo ngaahi feingá. He ʻikai haohaoa maʻu pē hoʻo ngaahi feinga ke tokoní, ka ʻi hoʻo ʻiloʻi hoʻo ngaahi fakakaukau, lea, mo e tōʻonga ʻokú ne ala fakamāvahevaheʻi e niʻihi kehé, pea feinga ke fakaleleiʻi kinautolú, ko ha sitepu mahuʻinga ia. ʻOfa ki he niʻihi kehé, pea tokoniʻi kinautolu ke nau ongoʻi e ʻofa ʻa e ʻOtuá ʻi hoʻo tokanga fakamaatoato kiate kinautolú.