ʻE founga fēfē haʻaku tokoni ko ha taki ʻi hoku uōtí pe siteikí?

ʻOku ʻikai ʻamanaki pe fakalotolahiʻi koe ke ke sivi pe ʻoatu ha faitoʻo ki he kāingalotu ʻoku nau fefaʻuhi mo e ngaahi palopalema moʻui lelei fakaeʻatamaí. ʻE lava ke ke fanongo, fakahaaʻi e angaʻofá mo e manavaʻofá, poupouʻi e faitoʻó ʻo ka fie maʻu, pea fakafehokotaki e kāingalotú mo e ngaahi maʻuʻanga tokoní. Te ke toe lava foki ʻo tokoni ke ongoʻi ʻe he kāingalotú ʻoku talitali lelei mo fakakau kinautolu, maʻu ha ngaahi founga ʻaonga ke nau tokoni ai, pea fakaloloto ʻenau tui kia Sīsū Kalaisí.

Te ke lava ʻo maʻu ha fakahinohino ʻi he konga Counseling Resources ʻo e ChurchofJesusChrist.org ʻi hoʻo tokoniʻi e kau mēmipá ʻi he ngaahi faingataʻaʻia ko ʻení.