12:

Dawata ang mga Ordinansa sa Templo

Report:Ipaambit ang imong “misyon sa kinabuhi” nga paragraph kon gusto nimo.

Pamalandungi:Unsa man ang pipila ka mga butang nga labing importante kanimo?

Tan-awa:“Doing What Matters Most [Pagbuhat sa Unsay Labing Importante],” anaa sa srs.lds.org/videos. (Walay video? Basaha ang pahina 31)

Pagbuhat sa Unsay Labing Importante

Kon dili mo makatan-aw sa video, basaha kini nga script.

Narrator: Usa ka eroplano ang nahagsa sa Florida usa ka ngiub nga gabii sa Disyembre. Kapin sa 100 ka mga tawo ang namatay. Mga 20 ka milyas na lang ang gilay-on aron luwas silang makatugpa.

Presidente Dieter F. Uchtdorf: Human sa aksidente, ang mga nag-imbistigar misulay og suta sa hinungdan. Ang gear nga para pangtugpa andam na gayud diay unta alang sa maayong pagtugpa. Ang eroplano anaa sa perpektong mekanikal nga kondisyon. Walay problema sa tanang gamit—gawas lang sa usa: ang napunder nga bombilya. Kadtong gamay nga bombilya—nga 20 sentimos ra ang kantidad—ang sinugdanan sa nagsunod-sunod nga mga panghitabo nga sa katapusan misangput ngadto sa makalilisang nga kamatayon sa kapin sa 100 ka mga tawo.

Siyempre, ang napunder nga bombilya dili maoy hinungdan sa aksidente; nahitabo kadto tungod kay ang mga crew mibaling sa ilang atensyon ngadto sa daw importante niadtong higayuna samtang wala magtan-aw sa labing importante.

Ang kalagmitan sa pagpokus ngadto sa dili kaayo importante nga ipuli sa pinakaimportante mahitabo dili lamang sa mga piloto apan sa tanan. Kitang tanan namiligro. … Ang inyong mga hunahuna ug kasingkasing nakapokus ba sa mga butang nga lumalabay lamang o sa mga butang nga labing importante?

(“Kita Nagbuhat og Dako nga Buhat ug Dili Makaanha,” Ensign o Liahona, Mayo 2009, 59, 60)

Balik sa pahina 30.

Hisguti:Unsang dili importante nga mga butang ang makapalinga kanato gikan sa paglambo? Sa unsang paagi nga ang mga ordinansa sa ebanghelyo makatabang kanato?

Basaha:Doktrina ug mga Pakigsaad 84: 20 ug ang kinutlo gikan ni Presidente Boyd K. Packer (naa sa tuo)

“Busa, diha sa mga ordinansa niana, ang gahum sa pagka-diosnon gipakita.”

Doktrina ug mga Pakigsaad 84:20

“Ang Ginoo mopanalangin kanato samtang magpahigayon kita sa sagradong mga ordinansa sa buhat sa mga templo. Ang mga panalangin didto dili lamang limitado sa atong pagserbisyo sa templo. Kita mapanalanginan sa tanan natong mga kalihokan. Mamahimo kitang takus nga ang Ginoo magkainteres sa atong mga kalihokan sa espiritwal ug temporal.”

Boyd K. Packer, The Holy Temple (1980), 182

Hisguti:Sa atong tinguha nga mahimong self-reliant, nganong importante man ang mahimong takus sa templo?

Kalihokan

Step 1: Kauban ang partner, basaha ang kinutlo gikan ni Elder Quentin L. Cook (sa tuo) ug ang mosunod nga mga kasulatan. Badlisi ang gisaad nga mga panalangin alang niadtong nagsimba sa templo.

“Angay natong tun-an ang ika-109 nga seksyon sa Doktrina ug mga Pakigsaad ug sundon ang pahimangno ni Presidente [Howard W.] Hunter ‘sa paghimo sa templo sa Ginoo isip talagsaong simbolo sa [atong] pagkamiyembro.’”

Quentin L. Cook, “Hunahunaa ang Inyong Kaugalingon nga anaa sa Templo,” Ensign o Liahona, Mayo 2016, 99; nagkutlo sa Mga Pagtulun-an sa mga Presidente sa Simbahan: Howard W. Hunter (2015), 202

“Busa, diha sa mga ordinansa niana, ang gahum sa pagka-diosnon gipakita.” (D&P 84:20).

“Ug aron unta sila magtubo diha kanimo, ug modawat sa usa ka kahingpitan sa Espiritu Santo, ug matukod sumala sa imong mga balaod, ug makaandam sa pag-angkon sa matag gikinahanglan nga butang” (D&P 109:15).

“Ug sa diha nga ang imong mga katawhan makalapas, bisan kinsa kanila, sila unta diha-diha maghinulsol ug mobalik nganha kanimo, ug makaangkon og kalooy diha sa imong panan-aw, ug ipahiuli ngadto sa mga panalangin nga ikaw mi-orden nga ibu-bu niadto kinsa motahud kanimo diha sa imong balay” (D&P 109:21).

“Ug kami mangayo kanimo, Balaan nga Amahan, nga ang imong mga sulugoon makasulod unta niini nga balay sinangkapan uban sa imong gahum, ug aron ang imong ngalan unta maanaa diha kanila, ug ang imong himaya maglibut kanila, ug ang imong mga anghel mobantay kanila” (D&P 109:22).

“Kami mangayo kanimo, Balaan nga Amahan, … [nga] walay hinagiban nga mahimo batok kanila nga mouswag” (D&P 109:24–25).

Step 2: Tagsa-tagsa nga mamalandong, “Unsay kinahanglan nakong usbon sa akong kinabuhi aron mas kanunay nga makaapil sa mga ordinansa sa templo?”

I-commit:I-commit nga himoon ang mosunod nga mga buluhaton sa semana. I-tsek ang box kon makompleto ninyo ang matag buluhaton:

• Kon aduna kamoy temple recommend, pagtakda og petsa sa pagtambong sa templo.

• Kon kamo walay temple recommend, pakigkita sa inyong bishop o branch president aron sa paghisgot kon sa unsang paagi kamo makaandam sa pagdawat sa inyong mga ordinansa sa templo.

• Ipaambit ang inyong nakat-unan karon mahitungod sa mga ordinansa sa templo ngadto sa inyong pamilya o mga higala.

Adto sa pahina 32 ug ribyuha ang sunod ninyo nga mga lakang.